Mavingu 3:3 - Bhibhiliya Nya Guage

³ Wuhindzi ni gutumbega u nga hambani naso! Si hungelele thamoni gwago, u si lova monyoni gwago!

Mavingu 3:3 Iomraidhean Croise

2 Samuweli 15:20

U ngari gu vboha vbanova, ina nyi nga gu dzega nyi legalega nago, eni nyi si guti umo nyi hongolago, gani? Bwelela uwe gumogo ni vandriyago. Wuhigo ni wuwadi wu na khale nago.”

Dzindzimo 119:11

Nyi ngu vegisa monyoni gwangu mahungu yago, gasi nyi si gu ghoheli.

Dzindzimo 25:10

Dzindzila dza Pfhumu Nungungulu dzatshavbo lihaladzo ni lisine, ga vatshavbo va vegisago gidzumeledzwano gyaye ni sileletelo saye.

Dzindzimo 85:10

Wuhigo ni lisine si di tshangana, gululama ni gurula si di losana.

Ekisodha 13:9

Gi na khala kha nga giwoniso mandzani gwago, kha nga gialakanyiso mahoni gwago, gasi nayo wa Pfhumu Nungungulu wu manege wuri kanani gwago, kholu Pfhumu Nungungulu a gu duside khu tigoni ga Egipito khu gyandza nya tshivba.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Mavingu 1:9

isoso si na khala nari gihugu nya wumburi hungoni gwago ni wulungu nya gumburise thamoni gwago.

Mavingu 14:22

Avo va lugago makungo nya ugo nya guvivbe, va gu gira gihoso! Aholu lihaladzo ni gutumbega, somo ga avo va lulamidego.

Mavingu 16:6

Muthu a gu ni wuhindzi ni gutumbega, a na handzwa sighoho saye, avo va ningago githawo Pfhumu Nungungulu, va na duga ndzilani nya guvivbe.

Mavingu 20:28

Mufumeli a gu ni wuhigo ni gutumbega, a ngu khadzisega gwadi, mufumo waye wu na tiyiswa gwadi khu gululama.

Mavingu 6:21

Si vegedze gikhati gyatshavbo monyoni gwago, u si hunga thamoni gwago.

Mavingu 7:3

Si hunge kha nga simburiselo dzinyalani gwago, u si lova monyoni gwago.

Jeremiya 17:1

Gighoho gya Judha gi lovidwe umo nya gileti khu simbi na gi bethidwe khu tshokha nya dhayimane, gi lovidwe myonyoni gwawe ni dzikhehoni nya siluvelo sawe.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Malakiya 2:6

Khanani gwaye gu diromo nayo nya lisine, khu kanani gwaye, gima kha ga nga duga silo nya guvivbe; nyi di gimbila naye khu gurula ni gululama a di ndreyisa nya vangi ndzilani nya guwegele.

Matewu 23:23

Libango gwanu, vapfhadzi nenu, vahevbudzi nya Nayo ni Vafarisi, mu hengago gikhaba nya mitongwe yatshavbo, nesi nya gupitele kiso guhodza, aholu mu si theli kota khu litshina nya milayo yatshavbo, a gu: Gululama, wuhindzi, ni gutumbega. Esi khiso mu nga vbweta gu phela khiso mu gira, nyamba diga sile simbe.

2 Vakorinto 3:3

Kholu gu wonegisidwe nya gupwani enu mu lidangalila li nga lowa khu Kristo, kha la lowa khu tita, aholu khu Liphuvbo la Nungungulu a vbanyago; khandri li di lowa vbagiwindritunu aholu li lovidwe myonyoni nya vathu.

Vaefeso 5:9

Guwonegela khugo gu vangago mihandro nya wuwadi watshavbo, ni gululama, ni lisine.

Dhewuteronome 6:8

Gambe u na yi hunga bogoni gwago gasi gu khala gialakanyiso vbakari nya maho yago.

Vahebheru 10:16

“Egi khu gidzumeledzwano nyi na girago navo; gya gu vboha gikhati gyogyo, a ngu ganela Pfhumu, nyi na vega milayo yangu myonyoni gwawe; nyi na yi lova mapimoni gwawe.”