Mavingu 3:1 - Bhibhiliya Nya Guage

¹ Mwanangu, u nga divali nayo wangu, aholu vega monyoni gwago sirumo sangu,

Mavingu 3:1 Iomraidhean Croise

Dzindzimo 119:11

Nyi ngu vegisa monyoni gwangu mahungu yago, gasi nyi si gu ghoheli.

Dzindzimo 119:153

Wona gusaniseka gwangu, u nyi vbanyisa, kholu kha nyi divali nayo wago.

Dzindzimo 119:16

Nyi na tsakela sirumo sago; nyi si divali mahungu yago. Guimel

Dzindzimo 119:176

Nyi ngu legalega kha nga nvuta yi pengago; vbweta githumi gyago, kholu kha nyi divali sirumo sago.

Dzindzimo 119:34

Nyi ninge mapimo, gasi nyi vegisa gwadi nayo wago, nyi na wu landrisa khu monyo wangu watshavbo.

Dzindzimo 119:61

Va nya guvivba va nyi randrede ni mazinga yawe, aholu, eni gima kha nyi na divala nayo wago.

Dzindzimo 119:93

Gima kha nyi na divala sileletelo sago, kholu u ngu nyi vbanyisa khiso.

Dzindzimo 91:16

Nyi na mu engedzela matshigu nya guvbanye, nyi mu yeyedza guvbanyisa gwangu.”

Ekisodha 20:6

Aholu, nyi ngu girela wuhindzi, kala gitugulwana nya likhumi mazana (1.000) ga vale va nyi golago, va wuya va vegisa milayo yangu.

Mavingu 1:8

Mwanangu, yingisa sileletelo sa babe wago, u nga kanyisi sihevbudzo sa mayi wago,

Mavingu 16:31

Ndzudzu nya dzinvi gihugu nya wudhumo, wu manwago khu mavbanyelo nya gululame.

Mavingu 2:1

Mwanangu, wa gu hakha magana yangu, u ma vegedza monyoni gwago, ni gu vegedza milayo yangu,

Mavingu 23:26

Nyivbe monyo wago, mwanangu, maho yago ma na landrise dzindzila nyi gu yeyedzago.

Mavingu 31:5

Kholu va nga sela, va divaledwa khu nayo, va si landrisi dzifanelo nya avo va sanisekago.

Mavingu 4:2

Kholu gihevbudzo nyi mi ningago khyadi, khu guralo, mu nga tshuki mu hambana ni nayo wangu.

Mavingu 4:21

Maho yago ma nga hambani naso, si sayise ndrani nya monyo wago.

Mavingu 4:5

Dzi vbwetele guti, u dzi vbwetela mapimo, u nga divali ambari guhambana ni magana yangu.

Mavingu 8:1

Guti gu ngu huwelela, ni mapimo ma ngu pwadza malito yaye;

Mavingu 9:1

Guti gu dzi vbahede nyumba yaye, gu tsitside madingo yaye nya livbandre na mavili.

Isaya 51:17

Khendzuga! Khendzuga! Khuga u ema uwe Jerusalema! Uwe u sedego khu mandzani ga Pfhumu Nungungulu gikombe nya likhulo laye. U sede gikombe gi levisago kala u vbedza ni giminya gyakone, u leva.

Jeremiya 31:33

Kholu egi khigyo gidzumeledzwano nyi na gu girago ni ndranga ya Israyeli hwane nya matshigu yale, nyi na lova nayo wangu myonyoni gwawe nyi wu vega mapimoni gwawe; Eni nyi na khala Nungungulu wawe, avo va na khala vathu vangu; a ngu ganela Pfhumu Nungungulu.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Dhewuteronome 4:23

Dzi vegedzeni mu nga divali gidzumeledzwano gya Pfhumu Nungungulu wanu, a giridego nanu, mu nga tshuki mu dzi girela gifananiso nya guwumbwe, gi fananago ni gilo gile Pfhumu Nungungulu wanu, a mu himbedzedego.

Dhewuteronome 4:9

Dzi vegedze uwe mune basi, u vegedza gambe gwadi hefemulo wago, u nga divali silo sile u si wonidego khu maho yago, si nga hidzimeli hwindzo ni monyo wago matshigu yatshavbo nya guvbanye gwago, u na si hevbudza ga sanana sago ni ga situgulwana sago.

Dhewuteronome 5:16

Rungudza babe ni mayi wago, kha nga idzo a gu rumidego khidzo Pfhumu Nungungulu wago, gasi matshigu yago ma engedzedwa u kodze guya khala gwadi ga litigo u ningwago khu Pfhumu Nungungulu wago.

Dhewuteronome 5:33

Mu na gimbilani khu ndzila yatshavbo mu rumwago khu Pfhumu Nungungulu wanu, gasi mu kodza guvbanya ni sigiro sanu satshvbo si mi dugela gwadi. Mwa gu gira isoso, mu na katega mu vbanya matshigu nya gutale ga litigo mu na guya li fumelago.

Dhewuteronome 8:1

Dzi garadzeni khu gu landrisa sirumo satshavbo nyi mi ningago muhuno, gasi mu kodza gu vbanya ni gu andra, mu bele ni gu dzega litigo lile Pfhumu Nungungulu a tumbisidego khu gusambanya ga vababe vanu.