Mavingu 18:3 - Bhibhiliya Nya Guage

³ Gumbana githawo gwa gu dugela ga muthu nya guvivbedwe khu monyo; ni silo nya dzitshoni sa gu girwa khu vathu nya vamadhadhavale.

Mavingu 18:3 Iomraidhean Croise

Nehemiya 4:4

Nyi di lombelela ga Nungungulu nombelo yoyu, kheni: A ma Nungungulu wathu, nga yingisa idzo va hi valago khidzo! Ndrwadza va hi girelago yi na thegele mihungoni gwawe. Va na thegele mandzani ga valala va vbagedwa va yiswa wugumbini ga mambe mayigo.

Dzindzimo 69:20

Va nyi vade kala ni monyo wangu wu vbisa, nyi vbela tshivba; nyi vbwetide nya gu nyi pwele wusiwana, aholu kha nya mu mana; kha nya mana ni moyo nya gu nyi tangadzise.

Dzindzimo 69:9

Khu lihaladzo nyi gu nalo khu nyumba yago, ndrani gwangu gu ngu vbya khu nilo, avo va gu valago va gu vala eni.

Mavingu 11:2

Avbo gu guromo matshandza, dzomo gambe dzitshoni, aholu ga avo va dzi nogisago, gomo guti.

Mavingu 13:5

Muthu nya gululame a ngu vengana ni magana nya malipha, aholu uye nya guvivbedwe khu monyo kha thavi manyala ni dzitshoni.

Mavingu 18:2

Gipumbu kha gi dzi garadzi khu gu vbweta mapimo, gya gu tsakiswa khu wupumbu waye.

Mavingu 18:4

Magana ma dugago khu kanani ga muthu gu fanana ni mati nya guete, ni mabhulo ya muthu nya mapimo gifefe nya guti ni tsongo wu khulungago.

Mavingu 22:10

Tutumisa muthu nya milembo, ma na vbela mayunga, gu vbela guvbenyisana ni guyuyutelana.

Mavingu 29:16

Gikhati va nya guvivbedwa khu myonyo va engedzelanago tigoni, sighoho sa gu engedzelana khu tshivba ni tshivba; aholu va nya gululama va na wona gumbembiswa gwawe.

1 Pedro 4:14

Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.

1 Pedro 4:4

Olu, va nya mayigo va ngu liwuga khu gumba hengelani gambe navo guvbanyani gogo nya guhandruge, nya wuphuphulu; pimani kholu va mi valago.

1 Samuweli 20:30

Sawule a di gorogela Jonatane, a mu embela, khuye: “Gyanana gya nyamayi nya guvivbedwe khu monyo ni gu yeyisa! Wari khuwe kha nyi dziti gukheni uwe u ngu phasedzela mwamana wa Jese gasi gu dzi thela dzitshoni uwe mune ni gu thela dzitshoni nya wumbwiri mayi wago, gani?