Mavingu 13:25 - Bhibhiliya Nya Guage

²⁵ Muthu nya gululame a gu hodza a khura, gasi mirumbu ya sighohi yi na khala ni ndzala.

Mavingu 13:25 Iomraidhean Croise

Dzindzimo 103:5

khuye a gu khurisago khu satshavbo nya sadi gasi gu wusedza wudzaha wago wu fanana ni owu nya lighama.

Dzindzimo 132:15

Ndranga yeyi nyi na yi kategisa yi fuma guhodza nya gungi; nyi na hodzisa sisiwana saye si khura.

Dzindzimo 34:10

Singhalana si ngu hamuga sipwa ndzala, Aholu gimwalo gi kenelelago ga avo va vbwetago Pfhumu Nungungulu.

Dzindzimo 37:16

Sidugwana va gu naso vathu nya gululame si na ni lisima, guvbindra thomba nya yingi nya vathu nya guvivbedwe khu monyo.

Dzindzimo 37:3

Uwe tumba Pfhumu Nungungulu, gira nya sadi; u na vbaha tigoni u vbanya khu gukhadzisega.

Mavingu 10:3

Pfhumu Nungungulu kha digi hefemulo wa muthu nya gululame wupwa ndzala, aholu a ngu thindregisa misuwo ya va nya guvivbedwa khu monyo.

Mavingu 13:18

Uye a nyenyago gulaywa a na thegedwa khu dzitshoni ni wusiwana, gasi uye a dzumelago gukawukwa a na zundzega.

Mavingu 24:34

Khu guralo, wusiwana wu na vboha kha nga mbafa, ni ndzala yi nata kha nga gighevenga.

Mavingu 6:11

Khu guralo, wusiwana wu na gutela kha nga mbafa, ni wumbwa wu na vboha kha nga muthu a somidego matshari.

Luka 15:14

Na vbedzide thomba yaye yatshavbo, gu di manega ndzala nya yikhongolo tigoni mule, a gu phela gu saniseka.

Dhewuteronome 28:48

Khu guralo, u na thumela valala avo Pfhumu Nungungulu a na gu va rumela avbo gwago, va ta gu tshanisa khu ndzala, lidora, wuhagadzo ni wusiwana nya wukhongolo ngudzu; avo va na gu rwega kanga nya dzisimbi nya gulemele thamoni gwago, kala va gu mbembisa.

Dhewuteronome 32:24

Va na mbemba khu ndzala, ni gu hodzwa khu dzingumbe ni mitungu nya guvbise, nyi na va rumela magwaha nya sirengo nya likhabi, ni wuhungu nya gusonge nya sirengwanana nya gukhwirire khu lididi.

2 Vatesalonika 3:10

Aholu, hi di mi ningani giwonelo gasi mu gire nga idzo hi nga girago ethu. Kholu gikhati hi nga bani na hiri iyo gwanu hi mi embedeni nya gukhethu, oyu a si dzinigo gu thuma mwalo fanelo nya guhodze.

1 Thimoti 4:8

Kholu wa gu olovela gu vbanya khu mithumo nya givili, kha yi phasi gilo, aholu, wa gu vbanya khu gukhodwa, gu ngu phasa satshavbo, gu ngu ninga gutumba guvbanyani ga olu ni ugo gu natago.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”