Mavingu 13:15 - Bhibhiliya Nya Guage

¹⁵ Khu mapimo nya yadi gu mana wuhigo, aholu ndzila nya sighohi yi lemede.

Mavingu 13:15 Iomraidhean Croise

Mavingu 4:19

Aholu ndzila ya va nya guvivbedwa khu myonyo ya gu fanana ni gidema nya guthise, va gumba wona ni gilo gi va ghumulago.

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Mavingu 3:4

Khu guralo, u na mana gukatega ni mapimo nya yadi mbeli ga Nungungulu ni ga vathu.

Dzindzimo 111:10

Guti nya gukhongolo khu gu thava Pfhumu Nungungulu; avo va mu rungudzago va na ni mapimo. Rungudzo waye wu ngu simama kala gupindruga.

Varoma 6:21

Aholu, giphaso muni mu gi manidego khu gu thumani silo, muhuno si mi thelago dzitshoni? Mahegiso nya mithumo yoyo khu gufa.

Mithumo 7:10

a di mu vbulugisa mu sigaradzoni satshavbo; a di mu ninga mapimo a mu gira gambe gigodwa gya Faro, mufumeli wa Egipito. Faro a di mu vega kha nga gyandza gyaye a thangela litigo la Egipito ni ndranga yaye yatshavbo nya wufumu.

Mavingu 15:10

A ngu tsayisa khu tshivba uye a ndreyago ndzilani nya gululame, ni uye a bombago gu kawukwa, a nafa.

Luka 2:52

Gasi Jesu a di dandra khu guti, ni tanga ni wuhigo, mahoni ga Nungungulu ni ga vathu.

Mavingu 14:35

Githumi nya mapimo gi ngu zundzega ga mufumeli waye, aholu likhulo laye la gu thegela ga wule a thumago silo nya dzitshoni.