Mavingu 13:12 - Bhibhiliya Nya Guage

¹² Muthu a gumba mana igyo a gi dilelago, a guvbisega monyo, aholu gu tadzisega nya misuwo, simbo nya womi.

Mavingu 13:12 Iomraidhean Croise

Genesi 46:30

Israyeli a di embela Josefa, khuye: “Olu nyi ngu dzi kodza gufa, kholu nyi wonide khovbe yago, gukheni u nga gu vbanya!”

Nehemiya 2:2

Mufumeli a di nyi wudzisa, khuye: “Gasi ginani u gi pwago olu u thuvigago khovbe yago nu si dwali? Guswihala gogo gu yela basi, nari guvbisega nya monyo!” Khu guralo eni nyi di tala khu hwanga,

Dzindzimo 143:7

Olu Pfhumu Nungungulu, vbiredza u nyi hakha; nyi ngu vbela tshivba; u nga nyi siheli khovbe yago, gasi nyi si fanani ni avo va fudego.

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Dzindzimo 69:3

Nyi garade khu gu lila, ngolo wangu wu bangide; maho yangu ma vbede tshivba khu gu khevisela Nungungulu wangu.

Mavingu 11:30

Handro wa muthu nya gululame, simbo wu ningago womi, muthu a dwanelago mihefemulo, muthu nya guti.

Mavingu 13:11

Thomba nya gu yi mane khu gu kanganyisa, kha yi hweli gu vbela, aholu iyo nya gu yi mane khu guthuma ya gu engedzelana.

Mavingu 13:13

Uye a venganago ni guhevbudzwa a gu dzi vangela lufu; aholu uye a landrisago nayo, a na mana tshatshazelo.

Mavingu 13:19

Muthu a gu mana iso a si dilelago, a gu tsakisa hefemulo waye, aholu gipumbu kha gi dzumeli guhambana ni silo nya guvivbe.

Mavingu 3:18

Guti Simbo wu ningago womi ga vale va gu manelago, va kategide vatshavbo va gu sayisago.

Gizimba 5:8

Nyi ngu mi lombani enu sagadzyana sa Jerusalema, mwa gu manani gigodwa gyangu mu na gi embela ginani? Gi embeleni khenu nyi ngu vbisega khu lihaladzo.

Johane 16:22

Gunene, olu mu na ni wusiwana, aholu eni nyi nata mi wonani nyaluphye; gikhati gyogyo myonyo yanu yi na tala khu gunengela. Mwalo a na mi dzegelago gunengela gwanu.

Gutuledwa 2:7

“Wule a gu ni dzindzeve a na pwisise esi Liphuvbo li embelago mabandla. Ga wule a na palago, nyi na mu dzumedzisa gu hodza handro nya simbo nya womi wu guromo thembweni ga Nungungulu.”

Gutuledwa 22:2

Vbakari nya tendrela waye, khu maphuvbo ya mavili nya tsongo womo simbo nya womi wu velegago mihandro, likhumi na dzimbili dzinyondro, khu ngima ni ngima, gu velega. Gasi mahagane yakone rendre nya guhawulugise vathu vatshavbo.