Mavingu 10:6 - Bhibhiliya Nya Guage

⁶ Makategwa ma gu thegela vbatshani ga va nya gululama, aholu kanani ga muthu nya guvivbedwe khu monyo, gwa gufundra dzihanyi.

Mavingu 10:6 Iomraidhean Croise

Esiteri 7:8

Mufumeli na wide khu tendrelani, a ta bela nyumbani nya buzo, a di ta mana Hamani na thegide vbagikhalotunu gya pfhumugadzi Esiteri, a khighela avbovbo. Mufumeli a di ganela, khuye: Mwama yoyu, gu diga nya iso a giridego, a gu vbweta gambe gu pfinya ni pfhumugadzi yangu avba ndrangani gwangu na nyi gu mu wona, gani? Na gu vbedza gu ganela magana yaya va di ta fenengedza khovbe ya Hamani.

Joba 29:13

Gikategiso gya oyu a nga bani nari vbafuvbi ni gufa gi dita avbo gwangu, nyi tsakisa monyo nya noni.

Dzindzimo 107:42

Vathu nya vadi va gu siwona, va na nengela khiso, aholu va nya guvivba va na hamuga nigyo nya guganele.

Mavingu 10:11

Likana la muthu nya gululame, nambo nya womi, aholu eli la muthu nya guvivbedwe khu monyo, la gu siha wughevenga.

Mavingu 10:5

Uye a vbwerago vbamarongatunu, gyanana nya gugengele, aholu uye a lalago vbaguvbweratunu, gyanana gi thelago dzitshoni.

Mavingu 11:26

Vathu va gu vala wule a sihago tirigu a bomba gu rengisela vathu, aholu makategwa ma guta vbatshani ga wule a yi manago, a va rengisela nyamba hwela.

Mavingu 24:25

Aholu uye a na tsayisago gighohi, a na tsakedwa ngudzu, bwelo khavbo a ningwa makategwa nya gutale.

Mavingu 28:20

Muthu a tumbegidego a na tala khu makategwa, aholu uye a vbwetago gufuma khu givbiredza, gima kha na hamuga tsayiso.

Mavingu 3:33

Pfhumu Nungungulu a gu vala dzindranga dza va nya guvivbedwa khu myonyo, aholu a kategisa dzindranga dza va nya gululama.

Isaya 3:10

Embelani va nya gululama khenu satshavbo si na va dugela gwadi, kholu, va na hodza handro nya sigiro sawe.

Obhadhiya 1:10

Khu kotani nya olu u nga wugelago ndriyago Jakobe, u na fenengedzwa khu dzitshoni, u mbembisedwa muphelo.

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

Dhewuteronome 28:2

Wa gu yingisa lito la Pfhumu Nungungulu wago, makategwa yaya yatshavbo ma na tshiga vbatshani gwago.