Mavingu 1:1 - Bhibhiliya Nya Guage

¹ Aya khu mavingu ya Solomoni, mwamana wa Dhavhidhe, mufumeli wa Israyeli,

Mavingu 1:1 Iomraidhean Croise

1 Dzipfhumu 2:12

Solomoni khuye a khadego vbagikhalotunu nya wufumu wa babe waye Dhavhidhe, ni mufumo waye wu di tiyiswa khu tshivba.

1 Dzipfhumu 5:12

Pfhumu Nungungulu a di ninga guti Solomoni kha nga a nga mu tumbisago. Gu di manega gurula ga Solomoni ni Hiramo, khu wuvili wawe va gira gidzumeledzwano.

1 Dzikoronika 22:9

Wona, mwamana u na velegago, a na bani ari mwama nya gurule, kholu nyi na mu ninga guhefemula khu ga vatshavbo valala vaye va mu randredego; khu guralo, lina laye a na bani ari uye Solomoni; gurula ni gukhadzisega nyi na si ninga ga na Israyeli matshiguni gwaye.

1 Dzikoronika 28:5

Gasi vbakari nya sanana nya singi a nyi ningidego, Uye hathide mwamana wangu Solomoni, gasi gu khala vbagikhalotunu nya wufumu wa Pfhumu Nungungulu, ni gu fumela litigo laye la na Israyeli.

1 Dzikoronika 29:23

Solomoni a di khala vbagikhalotunu nya wufumu gya Pfhumu Nungungulu, a khala mufumeli wulangani wa babe waye Dhavhidhe; a di khusega, vatshavbo va na Israyeli va mu ninga githawo ni gu mu yingisa.

1 Dzikoronika 29:28

Dhavhidhe, fude na gumbide ngudzu, nari ni matshigu nya gutale, dzithomba ni wudhumo, mwanaye Solomoni a di fuma a tshikedza wulanga waye.

Mavingu 10:1

Gyanana nya guti, gya gu tsakisa babe wagyo, aholu igyo nya gipumbu gya gu swihadza mayi waye.

Mavingu 22:21

si na gu hevbudzago gu wona magana nya lisine ma tumbegidego, gasi u kodza gu bweledza phindrulo nya lisine ga avo va gu rumedego.

Mavingu 25:1

Aya gambe mavingu ya Solomoni, ma lovidwego khu vathu va Ezekhiya, mufumeli wa Judha.

Muhevbudzi 1:1

Magana ya Muhevbudzi, mwamana wa Dhavhidhe, mufumeli wa Jerusalema.

Muhevbudzi 12:9

Muhevbudzi vbatshani nya gu bani ari muthu nya guti, a di hevbudza vathu wugengeli. A di hevbula gwadi, a tugula ni gu sasamedza mavingu nya mangi.

Johane 16:25

“Nyi mi embedeni esi khu sifananiso, aholu gi ngu vboha gikhati nyi na gumba mi embelani gambe khu sifananiso. Nyi na mi tivisani Babe wangu nyamba siha gilo.