Matewu 9:37 - Bhibhiliya Nya Guage

³⁷ Khavbo avbo, a di embela vapizane vaye, khuye: “Khu lisine, guvbwera gukhongolo! Aholu, sithumi sidugwana.

Matewu 9:37 Iomraidhean Croise

Dzindzimo 68:11

Pfhumu a ningede lito, vanyamayi nya vangi va di huwelela, khavo:

Matewu 20:1

“Kholu Mufumo wa Ndzadzini wu ngu fanana ni mune ndranga a nga vindrugelago gu gimbila a vbweta vathu nya guta lime thembweni gwaye nya miuvha.

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Matewu 9:38

Khu kharato, lombani ga mune lithembwe a rumele vavbweri nya dzimbewu dzaye.”

Marko 16:15

Khavbo avbo, a di va embela, khuye: “Indrani tigoni gwatshavbo, mu gimbila mu hevbudza Mahungu nya Yadi nya maphya ga vathu vatshavbo.

Luka 10:2

A di va embela, khuye: “Dzimbewu dzingi, aholu vavbweri vadugwana, khu kharato, lombani ga mune lithembwe a rumela vavbweri nya vangi thembweni gwaye.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Mithumo 16:9

Ni wutshigu, Pawulo a di wona giwoniso: Mwama moyo wa Makedhoniya na emide a di mu lomba, khuye: “Delu Makedhoniya u ta hi phasa”

Mithumo 18:10

kholu eni nyi nago. Mwalo a na handzegago mandza vbatshani gwago. Kholu nyi na ni vathu nya vangi dhoropani momu.”

1 Vakorinto 3:9

Kholu ethu hi sithumi hi thumago gumogo ni Nungungulu, gasi enu mu lithembwe la Nungungulu, mu nyumba a vbahago Nungungulu.

2 Vakorinto 6:1

Ethu hi gu vaphasedzeli va Nungungulu, hi ngu mi khongotelani gukhethu, mu nga digi wu luzega wuhigo wa Nungungulu mu hakhidego.

Vakolosi 4:11

A nuye Jesu, a ranwago pwani khu Justo a ngu mi losedzela. Ga vakhodwa vatshavbo nya gudugele nayoni nya Vajudha khavo ava basi va hengelago ni eni gu thumela Mufumo wa Nungungulu, va ngu nyi phasedzela ngudzu.

1 Thimoti 5:17

Vathangeli nya libandla, vale va thumago gwadi thumo wawe, va ngu yela gu zundzwa guvbindra pimo, ngudzungudzu ava va tshumayelago ni gu hevbudza.

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.