Matewu 8:2 - Bhibhiliya Nya Guage

² Khavbo avbo, a di yedwa khu mudwali moyo nya sokono, a ngaya mu khidzimela, khuye: “Pfhumu, wa gu dzina, nyi hawulugise.”

Matewu 8:2 Iomraidhean Croise

2 Samuweli 3:39

Gasi a gu bani ari eni, muhuno nyi vbede tshivba, ambari olu nyi wumbedwego gu khala mufumeli. Gasi vama vava nya sanana sa Zeruwa, va na ni tshivba nya gu nyi vbindre. Pfhumu Nungungulu a na ninge tshatshazelo gighohi khu tsayiso nya gighoho gyaye.”

2 Dzipfhumu 15:5

Pfhumu Nungungulu a di veta mufumeli Azariya, a dwala khu sokono kala litshigu a ngafago; a diya vbanyela vbavbandze nya nyumba nya vadwali nya sokono; aholu Jotamo, mwamana wa mufumeli, a di fumela ndranga ya mufumeli a lamula vathu va tigoni.

2 Dzipfhumu 5:1

Nahamani, muthangeli nya nyimbi ya mufumeli wa Siriya, a diri muthu nya guthavisege mbeli ga mune waye, gumogo ni gu zundzega kholu khavbo gwaye, Pfhumu Nungungulu a di ningide Vaasiriya va dugelela; uye a diri mwama nya ndrena, aholu a diri ni sokono.

2 Dzipfhumu 5:27

Khu guralo, sokono ya Nahamani yi na thapela avbo gwago ni ga livelego lago kala gupindruga. Khavbo avbo, a di duga khu mbeli gwaye, na pomedwe khu sokono a aga kha nga hunguva.

Mitengo 12:10

Avbo lipfhi li nga khugago khu vbatshani nya Tshatsha; Miriyamu a di phorola khu sokono, gu wonega kha nga thondrwane; Aroni a di thendregedza a wona Miriyamu nari ni sokono.

Matewu 10:8

Hawulugisani vadwali, wusani va nya gufa; agisani va nya sokono ni gu tutumisa maphuvbo nya guvivbe. Mu ningidwe mahala; ningelani nenu mahala.

Matewu 13:58

Kha dzi kodza gu gira vbale siliwugiso nya singi khu kotani nya gumba khodwa nya vathu vale.

Matewu 14:33

Vatshavbo va nga bani varomo ngalavani, va di khidzima migondroni ga Jesu, va gu mu embela, khavo: “Khu lisine u Mwamana wa Nungungulu!”

Matewu 15:25

Aholu nyamayi wule a dita khidzima migondroni gwaye, khuye: “Nyi phase, Pfhumu.”

Matewu 18:26

Githumi gile gi di dzi thesa migondroni gwaye, gi mu lomba, khigyo: ‘Nyi dige nyi ya thuma, nyi nata gu livba mangava yatshavbo.’

Matewu 2:11

Va di bela nyumbani, vaya wona gyanana ni mayi waye Mariya; va di khidzima va gi khozela; va di tula sikhwama sawe, va gi luva khu ndralama, khu libani ni mafura.

Matewu 20:20

A di hidzimela ga Jesu mayi wa sanana sa Zebhedhewu gumogo ni sanana saye, aya khidzima migondroni gwaye, gasi guya mu lomba gilo nya gukari.

Matewu 26:6

Jesu, na romo Bhetaniya, ndrangani ga Simoni, a nga bani na gu ranwa “Nya Sokono,”

Matewu 28:17

Na va mu wone, va di mu khozela; vbakari gwawe va diromo vambe va nga bani va gu kanakana.

Matewu 28:9

Jesu a di va khinga, a va losa, khuye: “Gugideni.” Avo va di mu hidzimelela, vaya dzi thesa migondroni gwaye va gu mu khozela.

Matewu 4:9

a gu mu embela, khuye: “Nyi na gu ninga satshavbo sesi, wa gu khidzima u nyi khozela.”

Matewu 8:1

Na gu relela khu gigomoni, Jesu a di landrwa khu gidzemo nya gikhongolo.

Matewu 8:25

Vapizane vaye va di ya mu wusa, khavo: “Pfhumu, hi vbanyise, hi ngufa!”

Matewu 9:18

Na nga gu va embela esi, a di vbohedwa khu moyo a nga bani ari muthangeli, a ngaya mu khidzimela, a mu lomba, khuye: “Nyamahegyane wangu a ngari gufa, aholu delu uta mu handzega mandza yago, a na vbanya.”

Luka 4:27

Va diromo gambe va nya sokono tigoni ga Israyeli matshiguni ya muprofeti Elizewu. Aholu mwalo a nga hawulugiswago vbavbandze ga Nahamani wa Siriya.” 2 Dzipf 5:1-14.

Johane 9:38

A di mu hakha, khuye: “Pfhumu, nyi ngu khodwa.” A di khidzima migondroni gwaye.

Mithumo 10:14

Aholu, Pedro a di hakha, khuye: “Ahihi, Pfhumu, gima kha nyi na gira isoso, kholu, gima nyi si gu hodzi gilo nya gunyenyeze ni silo nyamba agiswa.”

Mithumo 10:25

Gikhati a nga vbohago Pedro, Korineliyo a di mu khinga aya khidzima migondroni gwaye.

1 Vakorinto 14:25

Makungo a gu nawo monyoni gwaye ma na wonegiswa, a na khidzima a tsitsa khovbe vbavbatshi, a khozela Nungungulu na gu ganela khu likana, khuye: Khu lisine, Nungungulu womo vbakari gwanu.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.