Matewu 7:26 - Bhibhiliya Nya Guage

²⁶ Gasi uye a pwago mahungu yangu a si ma landrisi, a gu fanana ni gipumbu gi nga vbaha nyumba yaye mulipfuleni.

Matewu 7:26 Iomraidhean Croise

Joba 22:16

Avo va dusidwe omu na gi si gu vbohi gikhati gyawe; avo, giseketelo gyawe gi nga kukulutwago khu ndrambi nya mati.

Mavingu 14:1

Nyamayi nya guti a ngu dzi vbahela ndranga yaye, aholu gipumbu gya gu yi pfhungumula khu mandza yaye.

Jeremiya 8:9

Va nya guti va na thedwa dzitshoni, va na ndrendremela va modwa; kholu va hambanide ni magana ya Pfhumu Nungungulu; gasi guti muni gogo va gu nago?

Matewu 7:24

“Wule a pwago mahungu yangu a ma landrisa, a gu fanana ni mwama nya mapimo a nga vbaha nyumba yaye mugiwindrini.

Matewu 7:25

Yi diwa ndzadzi nya yingi, yi gugumugisa mati nya mitsongo, gu manega talo; gumogo ni gu vetwa khu phuvbo nya gingulu nyumba yile; aholu kha ya thega, kholu yi tsitsidwe gwadi mugiwindrini.

Matewu 7:27

Yi diwa ndzadzi nya yingi, yi gugumugisa mati nya mitsongo, gu manega talo; gumogo ni gu vetwa khu phuvbo nya yikhongolo; nyumba yile yi di dzegela gu pfhungumuga yi thega wufendretiri.”

Luka 6:49

Gasi muthu a pwago magana yangu a si ma theli kota, a ngu fanana ni muthu a nga vbaha nyumba yaye mu lipfuleni, a si pheli khu gu kela a tadza khokhweni. Na wu vbohide talo nya mati yita vetwa khu mati khu tshivba ni tshivba, yi di dzegela gu pfhungumuga wufendretiri.”

Jakobe 2:20

Gipumbuwe! U ngu dzina gu wona gukhuwe gukhodwa nyambana mithumo kha gu phasi gilo, gani?

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.