Matewu 7:22 - Bhibhiliya Nya Guage

²² Nya vangi va na nyi embela litshigu lolo, khavo: ‘Ama Pfhumu, ina kamwe kha ha profeta khu lina lago, hi tutumisa maphuvbo nya guvivbe, gumogo ni gu gira siliwugiso nya singi khu lina lago, gani?’

Matewu 7:22 Iomraidhean Croise

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Mitengo 24:4

magana ya uye a yingisago mahungu ya Nungungulu, ya oyu a wonago Nungungulu nya Tshivba Yatshavbo, uye a dzi nogisago, aholu na ma tulegide maho yaye.

Mitengo 31:8

Va di songa gambe ni vafumeli va Vamedhiyani, vbakari ga avo va nga songwago va di romo navo Evhi, Rekemi, Zuri, Huri ni Rebha, a gu livbandre vafumeli va Vamedhiyani; va di songa gambe khu litshari Bhalahama, mwamana wa Bheyori.

Matewu 10:15

Khu lisine nyi ngu mi embelani, kheni litshigu nya gulamudwe, lidhoropa lolo li na dayiswa guvbindra Sodhoma ni Ghomora.

Matewu 24:36

“Gasi litshigu ni gikhati, mwalo a si tigo, ambari dzingilozi dza Ndzadzini, ambari Mwamana; vbavbandze ga Babe basi.

Matewu 25:11

Khadukhadu si di vboha sagadzyana sile nya sipumbu si ta lomba, khiso: ‘Pfhumu hi tulele lidimba.’

Matewu 7:21

“Khandri watshavbo wule a gukhuye: Pfhumu, Pfhumu, a na belago Mufumoni wa Ndzadzini. Aholu a na bela basi uye a girago gugola ga Babe wangu a guromo Ndzadzini.

Luka 10:12

Nyi ngu mi embelani nya gukheni litshigu nya gulamudwe gu na tsetseledwa Sodhoma guvbindra lidhoropa lolo.

Johane 11:51

Uye kha ganela esi khu gu si khugela, aholu, kha nga a nga bani ari muthangeli nya vaphasi nya mhamba mwaga wule, a di profeta khuye Jesu a di gu yela gufa, afela litigo.

1 Vatesalonika 5:4

Vandruye, enu kha mu vbanyi gidemani nya wutshigu, khu guralo, litshigu lolo kha li dzi kodzi gu vboha ga enu kha nga mbafa, yitago wutshigu.

2 Vatesalonika 1:10

A na bani ari litshigu Pfhumu atago guta dhumiswa khu vatshavbo vale a va hathidego, a na wonwa khu vatshavbo va dzumedego gukhodwa. Enu mu hakhide gwadi mahungu yathu.

2 Thimoti 1:12

Khu kharato, nyi ngu saniseka khu silo sesi. Ambari ulo kha nyi khali dzitshoni kholu, nyi ngu muti oyu nyi vegidego gwaye gutumba gwangu, nyi ngu khodwa kheni khuye a gu na ni tshivba nya gu nyi sayise thumoni gwangu, kala nyi gu wu vbohisa mahegiso.

2 Thimoti 1:18

Nungungulu a na mu girele wuhindzi litshigu nya gulamudwe. Mahungu nya mithumo a nga girago Efeso uwe u ngu mati gwadi guvbindra eni.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.