Matewu 7:21 - Bhibhiliya Nya Guage

²¹ “Khandri watshavbo wule a gukhuye: Pfhumu, Pfhumu, a na belago Mufumoni wa Ndzadzini. Aholu a na bela basi uye a girago gugola ga Babe wangu a guromo Ndzadzini.

Matewu 7:21 Iomraidhean Croise

Matewu 12:50

Kholu, watshavbo uye a girago guhaladza ga Babe wangu a guromo Ndzadzini, khuye a gu ndriyangu ni mayi wangu.”

Matewu 16:17

Jesu a di mu hakha, khuye, “U kategide, Simoni, mwamana wa Jona, kholu isoso khandri u di tiviswa khu muthu; aholu, u di tiviswa khu Babe wangu a guromo Ndzadzini.

Matewu 18:10

Dzi woneleni, mu nga nyenyini sanana sesi, ne gimwegyo, kholu nyi ngu mi embelani, kheni: Dzingilozi dzawe khu Ndzadzini gikhati gyatshavbo dza gu wona khovbe ya Babe wangu a guromo Ndzadzini.

Matewu 18:19

Nyi ngu mi embelani gambe, kheni: Va gu tshangana vavili vanu, mafuni, gasi gu lomba gilogyo, va na ningwa khu Babe wangu a guromo Ndzadzini.

Matewu 18:3

“Khu lisine nyi ngu mi embelani, kheni: Mwa gumba vbindrugedza mu khala nga sanana, gima kha mu na bela Mufumoni wa Ndzadzini.

Matewu 18:35

Khidzo kharati a na gu mi girago Babe wangu a guromo Ndzadzini, muthu ni muthu a gumba tsetselela khu monyo nya wadi ndriyaye.”

Matewu 19:24

Nyi ngu engedza gambe, kheni: Gu vbevbugide guvbindra ngameriya khu vbahogotunu nya tshingano guvbindra gu dzega gitetema gi bela Mufumo wa Ndzadzini.”

Matewu 25:10

Na va hongode vaya renga mafura, a di tshala vboha mwane. Vale va nga bani va dongide va di bela naye nyumbani nya buzo nya dzegano, li gu segwa lidimba.

Matewu 25:21

Pfhumu yi di, khiyo: ‘U tshambiside, githumi nya gyadi, nya gutumbege; kha nga olu u nga thembegago siloni nya sidugwana, nyi na gu pharisa nya singi. Bela buzoni gwa pfhumu yago.’

Matewu 26:39

Na leyide vbadugwana, a di khidzima a gu kuha vbavbatshi khu khovbe, a lomba, khuye: “Baba, gwa gu kodzega, nyi ndreyisele gikombe gegi nya wuvi gi vbindre avbo gwangu. Ambari ulo, gu nga giregi guhaladza gwangu; aholu, guhaladza gwago.”

Matewu 26:42

A di hongola nyaluphye aya lombelela, khuye: “Baba, gwa gu kodzega, nyi vbulugise ga gikombe gegi. Aholu, gu na girege guhaladza gwago!”

Marko 3:35

Kholu muthu watshavbo a girago gugola gwa Nungungulu khuye a gu ndriyangu nya mwama, nuye nya nyamayi ni mayi wangu.”

Marko 9:47

Ni liso lago la gu khala gikhunguvanyiso gwago li duse vbavbandze, i tshukwana gubela Mufumoni wa Ndzadzini uri ni liso limwedo guvbindra gu rinywa ni maho ya mavili phalani nya nilo

Luka 11:28

Aholu Jesu a di hakha, khuye: “Indra, khuwe: Va kategide avo va pwago magana ya Nungungulu, va ma landrisa.”

Luka 13:25

A gu kala mune ndranga a khuga a sega lidimba, mu na khalani vbavbandze, mu khokhotha lidimba, na mu gukhenu: ‘Hi tulele, pfhumu!’ Aholu uye a na mi hakhani, khuye: ‘Kha nyi mi tini; mwa guta khu hayi?’

Luka 18:25

Khidzo nyi mi embelago, gu vbevbugide gu vbulela lidzoke vbahogotunu nya tshingano, guvbindra gu dzega gitetema gi bela Mufumoni wa Ndzadzini!”

Luka 6:46

“Khu ginani mu nyi ranago: ‘Pfhumu, Pfhumu,’ mu si giri iso nyi mi embelago?

Johane 14:7

Nari pwani mu di nyitide na mu mu tide Babe wangu: Gukhugela olu mu ngu muti, gambe mu mu wone.”

Johane 15:23

Uye a nyi vengago, a ngu venga Babe wangu.

Johane 3:5

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa khu mati ni Liphuvbo, kha na dzi kodza gubela Mufumoni wa Ndzadzini.

Johane 5:17

Aholu, Jesu a di khuye: “Babe wangu a gu thuma gikhati gyatshavbo, eni neni nyi ngu thuma.”

Johane 6:40

Gugola ga Babe wangu khogu: Muthu watshavbo a wonago Mwamana, a gu khodwa gwaye, a na mana guvbanya nya gupindruge; gasi eni nyi na mu wusa litshigu nya mahegiso.”

Johane 7:17

Uye a vbwetago gu gira gugola gwa Nungungulu a na dzi wudzisa gukhuye gihevbudzo gyangu gya guta khu ga Nungungulu, mwendro nya gu gi khugela.

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

Varoma 2:13

Kholu muthu kha khali wa guluma mahoni ga Nungungulu khu guti Nayo basi. Aholu khu gu landrisa esi wu rumago Nayo.

Vaefeso 6:6

Mu nga va thumelini basi khu gu va thava, nga khwatshi mwa gudwanela gu tsakisa vathu, aholu thumani nga sithumi sa Kristo, mu gira guhaladza gwa Nungungulu khu monyo wanu watshavbo.

Vakolosi 4:12

Hakhani gambe malosedzela ya Epafrasi a gu moyo nya libandla lanu a guromo thumoni wa Kristo Jesu. Uye milombeloni gwaye a ngu lombelela ngudzu ga Nungungulu gukhuye mu simame gutiya, mu landrisa khu guvbelela guhaladza gwa Nungungulu.

1 Vatesalonika 4:3

Nungungulu a gu vbweta mu vbanye khu ndruda, mu gimbilele hwindzo ni wubhayi,

1 Vatesalonika 5:18

Bongani Nungungulu ga silo satshavbo. Aya khayo mavbanyelo a ma vbwetago Nungungulu vbakari gwanu, ni wuhengeli ga Jesu Kristo.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.

Vahebheru 4:6

Vale va nga hegula gu hakha Mahungu nya Yadi kha va bela guhefemulani gwa Nungungulu, kholu kha va khodwa. Aholu, vomo vambe va na gu belago va hefemula naye.

Jakobe 1:22

Khalani valandrisi nya mahungu yaya, mu si khali basi vayingisi, mu dzi kanganyisa khu magana nya gukanganyise.

1 Pedro 2:15

Kholu Nungungulu a gu vbweta gukhuye enu mu gire esi nya sadi, gasi sipumbu ni mapemi va si mani gilo nya guganele khu enu.

1 Pedro 4:2

Khu guralo, gukhugela ga matshigu yanu ma nga tshadego nya guvbanye mafuni momu, vbanyani khu gu landrisa guhaladza ga Nungungulu, nasiri gu landrisa gudogolela nya wuthu.

Gutuledwa 2:27

A na ma fuma khu ndronga nya dzisimbi, a na ma pandrelela kha nga edzi gu pandredwago khidzo dzikhali nya libumba.

Gutuledwa 22:14

Va kategide vale va handzago dzingandzu dzawe novbani ga Nvutana, va fela gu mana fanelo nya guhodze simbo nya womi gasi va kodze gu bela khu myanya ya dhoropani.

Gutuledwa 3:5

Uye a na palago a na ambala dzingandzu nya guage; eni gima kha nyi na nga futa lina laye mu libhukuni nya womi. Nyi na tivisa lina laye ga Babe wangu ni ga dzingilozi dzaye.