Matewu 7:15 - Bhibhiliya Nya Guage

¹⁵ “Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.

Matewu 7:15 Iomraidhean Croise

1 Dzipfhumu 13:18

Aholu muprofeti nya gikhosane a di mu embela, khuye: Eni neni nyi muprofeti, ngilozi yi nyi embede khu magana ya Pfhumu Nungungulu, khiyo: Mu bweledze u wuya naye gaya gwago, gasi uye a ta hodza guhodza ni gu sela mati, aholu uye a di gu mu liphela.

Jeremiya 29:21

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati khu kotani ya Akabi, mwamana wa Kolaya, ni Zedhekiya, mwamana wa Maseya, khuye: Vathu vovo va dzi girago vaprofeti va ganela malipha khu lina langu; nyi na va ningela mandzani ga Nabhukodhonosori, mufumeli wa Bhabhiloni, a va songa na mu gu va wona.

Jeremiya 29:32

Pfhumu Nungungulu a ngu ganela kharati, khuye: Simaya Muneyemi nyi na mu tsayisa gumogo ni livelego laye; mwalo ni moyo nya gitugulwana gyaye a na gu khalago tigoni momu, avo gima kha va na wona makategwa nyi na gu girelago vathu vangu, uye ganede magana nya gu vale Pfhumu Nungungulu. A ngu ganela Pfhumu Nungungulu.

Ezekiyeli 13:16

a gu vaprofeti va Israyeli, va nga bani va profeta khu Jerusalema, va diri ni siwoniso nya gukhavo gomo gurula, narigu gu mwalo gurula; a ngu ganela Mune Pfhumu Nungungulu.”

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Ezekiyeli 22:25

Vbakari nya vathangeli vago yomo ghudzeghudze nga nghala yi ngurangurago ya gu bani yi vbadzulela pfimba waye; avo va gu vbedza vathu; va wandra dzithomba ni sombo nya lisima, vanyamayi nya vangi va khala dzinoni vbakari gwawe.

Ezekiyeli 22:27

Dzindruna dzawe dza gu fanana ni masolwa ma vbadzulelago esi ma modego; va gu vbaladza novba, gambe va gusongetela vathu va fela bhindzu nya wudambane.

Dhaniyeli 11:34

Avbo va na gu thegago, va na mana giphaso nya gidugwana, aholu avo nya vangi va na ganela basi khu likana khavo vomo gumogo navo.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Zakariya 13:4

Khu litshigu lolo, vaprofeti va na thedwa dzitshoni, moyo ni moyo nya avo khu giwoniso nya wuprofeti waye. Avo gima kha va na dzi kapega gambe khu gifenengelo nya mawoya, va fela gu pfhadza vathu.

Matewu 10:17

Gwadigwadi ni vathu! Va na mi yisani miphathani nya gulamudwe, va mi kwamula mudzinyumbani gwawe nya nombelo;

Matewu 16:11

Khu ginani mu ngamba tugula nya gukhenu khandri nyi di thula gibaba gikhati nyi nga mi embelani, kheni: Gwadigwadi ni mela nya Vafarisi nuwo nya Vasadhusi.

Matewu 16:6

Jesu a di va embela, khuye: “Gwadigwadi dzi woneleni ni mela nya Vafarisi nuwo nya Vasadhusi.”

Matewu 24:11

Va na tumbuluga vaprofeti nya vangi nya malipha, va na gu pengisago va nya gutala.

Matewu 7:14

Gasi ndzila yi yisago guvbanyani yi hongide ngudzu; mwanya wakone nuwo. Vadugwana va belago khiyo.

Luka 12:15

A di simama gu ganela, khuye: “Mu ngu pwani, dzi woneleni ni wudogodogo watshavbo, kholu guvbanya nya muthu kha gu valedwi khu thomba yaye, ambari na yi tade nya guwani.”

Luka 6:26

“Libango lanu mwa gu zundzwa khu vathu vatshavbo. Khidzo kharati vababe vawe va nga bani va gu gira ni vaprofeti nya malipha.

Johane 10:12

Gasi wule a thumelago gu hakha, a si gu muhavisi, a si gu mune dzinvuta, a gu wona lisolwa na li guta, a gu diga dzinvuta a thava; lisolwa li tutumisa dzinvuta, li dzi phalalegisa,

Mithumo 13:40

Dzi woneleni, gasi si si dugeleli gwanu iso si nga ganedwa khu vaprofeti, nya gupwani:

Mithumo 13:6

Va di dzuwulugela gidwa gyatshavbo kala va gu vboha dhoropani ga Pafosi, iyo va nga ya manago Mujudha moyo nya gupwani khu Bharijesu a nga bani a gu thumisa wun'yanga ni wuprofeti nya malipha.

Vagalatiya 2:4

Ambari va nga dugelela vambe vbakari gwathu, va nga hi pfhadza khavo vakhodwa; vathu vovo va bede tsawani gwathu khu gufela guta sola mavbanyelo nya gutshulege hi gu nawo khu ga Kristo, gasi va mane ndzila nya gu hi yise nyaluphye wugumbini.

Vaefeso 4:14

Kharati, kha hi na khala gambe sanana nya gulegalegiswe khu mavimbi ni gu pengiswa khu sihevbudzo satshavbo nya guhambane, sanana si sengwago khu vathu nya guvivbedwe khu monyo, va dwanelago gu si dzimedza.

Vaefeso 5:6

Mu nga dzumelini gu sengwa khu muthu khu magana nyamba phasa gilo, kholu sighoho nya nga esi khiso si ranago likhulo la Nungungulu ga ava nyamba yingisa.

Vafilipi 3:2

Dzi woneleni ga ava va girago guvivba, dzi woneleni ga dzimbwa dzodzo, dzi woneleni ga ava va vbwetago wugwera nya malipha.

Vakolosi 2:8

Dzi woneleni, mu nga dzi digi mu gu sengwa khu vale va vbwetago gu mi ndrindra khu sihevbulo nya wugengeli nya mahala, nya gutiyiswe khu mikhuwo nya vathu, ni guti ga mafuni momu, aholu nyamba tiyiswa khu guti gwa Kristo.

2 Thimoti 3:13

Aholu, vathu va nya guvivbedwa khu monyo ni vakanyisi va gu simamisa gu gira guvivba, va kanganyisa vakwawe, bwelo khavbo va kanganyiswa.

2 Thimoti 4:3

Kholu, gi nata gikhati vathu va na gu bombago sihevbudzo nya guvbanyise; olu va gu ni dzindzeve nya gunyaganyele, va na dzi vbwetela vahevbudzi nya vangi, va na ganelago silo si tsakisago myonyo yawe.

2 Pedro 3:17

Aholu, enu sigodwa sangu, olu mu matigo mahungu yaya, dzi woneleni, mu nga ndreyiswa ndzilani nya yadi, khu gu sengwa khu sigiro sa va nya guvivba, mu kwiriga gutiyani gwanu.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.

Gutuledwa 16:13

Khavbo avbo, nyi di wona maphuvbo mararu nya guvivbe nya gufanane ni vanyakhele na ma gu duga khu kanani ga mwamilambo, ni kanani ga girengo, ni kanani ga muprofeti nya malipha.

Gutuledwa 17:6

Nyi di wona nyamayi wule na gu levide khu novba wa va nya gukatega ni novba wa dzifakazi dza Jesu; na nyi mu wone nyi di liwuga ngudzu.

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.

Gutuledwa 20:10

Sathane a nga va pengisago, a di rinywa tsivani nya nilo ni solufa, avba gu nga bani guromo girengo ni muprofeti nya malipha; avbo va na mana gutshaniseka nya gukhongolo wutshigu ni mihani kala gupindruga.