Matewu 7:13 - Bhibhiliya Nya Guage

¹³ “Belani khu mwanya nya dugwana! Kholu ndzila yi yisago gumbembani yi anamide ngudzu; mwanya wakone nuwo. Nya vangi khavo va belago khiyo!

Matewu 7:13 Iomraidhean Croise

Genesi 6:12

Nungungulu a gu khedza mafuni a di wona guvivba basi, kholu vathu vatshavbo va di gimbila khu dzindzila nya gunyenyeze.

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Mavingu 16:25

Yomo ndzila muthu a yi wonago gukhwatshi yi lulamide, aholu khu guhegisa ya gu mu yisa lufuni.

Mavingu 7:27

Nyumba yaye ndzila yi relelago thowoni, yi yisago phalani nya vafi.

Mavingu 9:6

Hambanani ni va nya guvivbedwa khu monyo, mu na vbanya, gimbilani khu ndzila nya mapimo.”

Isaya 1:9

Naripwani Pfhumu Nungungulu nya Tshivba Yatshavbo kha nga hi tshiyela vambe nya gukari, va vbanya, hi di hadza gu fanana ni Sodhoma, hi fanana ni Ghomora.

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 25:41

“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 3:8

Wonegisani mihandro yi yeyedzago gu vbindrugedza gwanu.

Matewu 7:14

Gasi ndzila yi yisago guvbanyani yi hongide ngudzu; mwanya wakone nuwo. Vadugwana va belago khiyo.

Luka 14:33

Kharati, ni wevbini, a guromo vbakari gwanu, a si digigo iso a gu naso, kha dzi kodzi gu khala mupizane wangu.

Luka 9:33

Gikhati ma nga vbweta gu hongola madhota yale, Pedro a di embela Jesu, khuye: “Muhevbudzi, gwadi gu hi khale avba! Hi na gira mitshatsha miraru: Moyo wago, mumbe wa Mosi, mumbe wa Eliya.” Uye kha nga gi ti ni gilo a nga bani a gu ganela.

Johane 10:9

Eni nyi mwanya; uye a belago khavbo gwangu a na vbanyiswa a na bela ni guduga; gambe a na mana mahawo.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Varoma 9:22

Ha gupwa ginani ethu, Nungungulu a gu bani a dzinide gu yeyedza likhulo laye ni gu wonegisa tshivba yaye? Uye yeyedzide guhunisela nya gukhongolo ga vale va nga bani va gu yela gu mana sitsayiso nya likhulo laye, va nga bani va gu yela gu fuviswa.

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

2 Vakorinto 6:17

Khu kharato Pfhumu yi ngu ganela gambe, khiyo: “Dugani khu vbakari gwawe mu hambana navo mu nga khuhini gilo nya gunyenyeze.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.

Vafilipi 3:19

Mahegiso yawe khu gumbemba, kholu Nungungulu wawe khu girumbu. Va gu dzi zundza khu esi va nga yela gu thedwa khiso ndzitshoni, mapimo yawe ma gu alakanya basi sa mafuni momu.

1 Johane 5:19

Ethu hi ngu dziti gukhethu hi vathu va Nungungulu, ni gukhethu litigo latshavbo lomo vbavbatshi nya tshivba ya Sathane.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.

Gutuledwa 13:8

Vathu vatshavbo va mafuni va di khozela girengo, vale malina yawe ma nga mba lowa libhukuni nya womi li vegisidwego khu Nvutana yi payidwego gukhugela nya guvangwe litigo.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 20:3

Yi di mu rinya phalani nya guete yi mu segela, yi vega gifungo khu vbatshani gasi a si pengisi gambe mayigo kala gu enela likhumi mazana (1.000) myaga. Hwane nya myaga yoyo a na tshudwa gikhatinyana.