Matewu 7:11 - Bhibhiliya Nya Guage

¹¹ Nga wonani: Ambari enu nya gukhenu mu vivbedwe khu myonyo mu dzi kodzago gu ninga silo nya sadi sanana sanu, ahati Babe wanu a guromo Ndzadzini kha na nga ninga silo nya sadi vale va mu lombago, gani?

Matewu 7:11 Iomraidhean Croise

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

2 Samuweli 7:19

Ambari khu kharato, uwe Pfhumu Nungungulu, mahungu yaya u ma wone na mari ma dugwana mahoni gwago; u ganede gambe khu ndranga ya githumi gyago khu matshigu ma nga gutago. Uwe Pfhumu Nungungulu, igyogyo gihevbudzo ga vathu vatshavbo.

Joba 15:16

gu na girega kharini ga muthu nya gighohi ni mapimo nya gunyenyeze, oyu a dzegago gighoho a gi gira mati nya gusele?

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Dzindzimo 85:12

Uye Pfhumu Nungungulu a na hi ninga makategwa, litigo lathu li na ninga mihandro yaye.

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Isaya 49:15

Ina womo nyamayi a divalago gyanana gyaye gi nga gu mama, a si khathali khu gyanana a nga gi dusago khu mahembeni gwaye, gani? Ambari uye a gu divaledwa, eni gima kha nyi na nga divaledwa khuwe.

Isaya 63:7

Nyi na ganela khu wuwadi wa Pfhumu Nungungulu, ni mithumo ya yingi, nya rungudzo, gukhedza khu satshavbo Pfhumu Nungungulu a hi ningidego, ni wuwadi waye nya wukhongolo a girago khu nyumba ya Israyeli, owu a va giredego ni ligolo laye latshavbo a va ningidego khu lihaladzo, gukhedza khu talo nya wuwadi waye.

Jeremiya 17:9

Gimwalo gi kanganyisago guvbindra monyo, madwali yaye kha ma thumwi. A na tidwa khu mani?

Jeremiya 33:14

Ma nguta matshigu, a ngu ganela Pfhumu Nungungulu, avbo nyi na gu tadzisago magana nya yadi nyi tumbisidego ga nyumba ya Israyeli ni nyumba ya Judha.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Matewu 23:9

Tigoni momu mu nga rani muthu, khenu: “Baba,” kholu Babe wanu moyo basi. Khu wule a guromo Ndzadzini.

Matewu 7:10

Mwendro gu gi ninga nyoga gya gu mu lomba ndzandzi?

Johane 3:16

“Kholu Nungungulu haladzide ngudzu litigo gu kala a ningela Mwanaye wa moyo, gasi ni wevbi a khodwago gwaye a si mbembi, aholu a mane guvbanya nya gupindruge.

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

Varoma 3:9

Hi na khethu ginani olu? Ina ethu hi vathu nya wutshukwana guvbindra vambe, gani? Ahihi. Kha nga nyi ngari gu mi yeyedzago, Vajudha gumogo ni avo va si gu Vajudha, vatshavbo va fumedwe khu gighoho.

Varoma 8:32

Uye a ngamba felela Mwamana waye, a nga mu ningela khu kotani yathu, ginani gi na mu tandregisago gu hi ninga satshavbo simbe silo gumogo ni Mwanaye?

Vagalatiya 3:22

Aholu, Milowo nya Guage yari khiyo vathu vatshavbo va gu fumedwa khu tshivba nya gighoho, gasi vathu vatshavbo, khu gukhodwa ga Kristo, va hakhe thomba yi tumbisidwego ga ava va khodwago.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

1 Johane 3:1

Wonani wukhongolo nya lihaladzo la Babe ga ethu, gu kala hi gu ranwa pwani hi sanana sa Nungungulu. Lisine kamwe, hi sanana sa Nungungulu. Litigo kha li hiti, kholu kha la muti Nungungulu.

1 Johane 4:10

Lihaladzo kheli: Khandri ethu hi nga mu haladzago Nungungulu, uye khuye a nga hi haladzago, a hi rumela Mwamana waye, gasi, khavbo gwaye, hi ditshedzwa sighoho sathu.