Matewu 5:9 - Bhibhiliya Nya Guage

⁹ Va kategide vakhongoteli nya vathu, kholu va na ranwa sanana sa Nungungulu.

Matewu 5:9 Iomraidhean Croise

1 Dzikoronika 12:17

Dhavhidhe, a di va khinga aya va embela, khuye: “Enu, mwa gu bani muri mwa guta avbo gwangu khu gurula ni guta nyi phasedzelani, monyo wangu wu na hungana nanu; aholu, a gu bani nari mwa gu vbweta gu nyi ningela ga valala vangu, Nungungulu wa vababe vathu, a na si wone ni gu lamula.”

Dzindzimo 120:6

Nyi garade khu gu vbanya vbakari nya vathu va vengago gurula.

Dzindzimo 34:12

Khu wevbini muthu a vbwetago guvbanya, a golago guvbanya matshigu nya gulaphe gasi gu wona silo nya gutsakise?

Matewu 5:45

Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.

Matewu 5:48

Khu kharato, lulamani mulisineni kha nga Babe wanu wa Ndzadzini a lulamidego.

Luka 20:36

Kha va na ngafa gambe. Va gu fanana ni dzingilozi dza Nungungulu. Va vbindrugedzide va gu khala sanana sa Nungungulu. Kholu va na wuswa khu gufani.

Luka 6:35

Gasi enu, golani valala vanu, girani esi si gu sadi; lombisani, na mu si lindreli gu livbwa. Mwa gu gira kharato, tshatshazelo yanu yi na bani yiri yikhongolo. Gambe, mu na bani muri sanana sa Wule a khusegidego ngudzu, kholu uye khwadi ambari ga vale va si gu vadi, va si mu bongigo.

Mithumo 7:26

Khu mindru gakone a di hidzimela a wona vavili nya sanana sa na Israyeli na va gu dwana, a di zama gu va avbula, khuye: ‘Vathunu, enu mu va na ndruye ni ndruye! Khu ginani mu sanisanago khu gyanu?’

Varoma 12:18

Sa gu kodzega, zamani guvbanya khu gurula ni vathu vatshavbo.

Varoma 8:14

Vatshavbo vale va vbanyago kha nga idzo li rumago khidzo Liphuvbo nya Guage, sanana sa Nungungulu.

Varoma 8:16

Ilo Liphuvbo la limwedo la gu tshangana ni hefemulo wathu gasi li fakaza gukhilo hi sanana sa Nungungulu.

Varoma 8:19

Sivangwa satshavbo somo si khevisela, wutshigu ni mihani, na si gu lindrela gu wona litshigu Nungungulu a na gu dzi wonegisago ga sanana saye.

1 Vakorinto 6:6

Aholu, gu manega gu muthu a tutumela gu hongola phathani ga va nya mayigo aya thela umo ketso ndriyaye; a ningela, kharati mahungu yawe ma lamudwa khu vathu nyamba khodwa.

2 Vakorinto 13:11

Khu guhegisa, vandruye, nyi ngu mi lomba mu khale khu gutsaka, ni gululama, mu tangadzisana khu gyanu. Mu vbanya khu gu pwanana, mu khala khu gurula, Nungungulu nya lihaladzo, ni gurula a na khale vbakari gwanu.

2 Vakorinto 5:20

Khu guralo, ethu hi sirumwa sa Kristo, Nungungulu khuye a ganelago gwanu khu eni. Hi ngu mi khongotelani khu lina la Kristo: Tshanganani ni Nungungulu.

Vagalatiya 5:22

Gasi mithumo ya Liphuvbo la Nungungulu, kheyi: Lihaladzo, litsako, gurula, gutimisela, gu dzi ningedzela, ndruda, wuwadi, gutumbega,

Vaefeso 4:1

Eni nyi gu gibotshwa nya guthumele Pfhumu, nyi ngu mi lomba gukheni gimbilani khu ndzila yi yelanago ni mavbanyelo mu ranedwego ayo khu Nungungulu.

Vafilipi 4:2

Nyi ngu lomba Evhodhiya ni Sintiki gukheni va vbanye khu gupwanana kha nga edzi a golago khidzo Pfhumu.

Vakolosi 3:13

Phasedzanani mu tsetselelana khu gyanu, tsetselelanani kha nga Pfhumu a mi tsetseledego.

Vahebheru 12:14

Vbanyani khu gurula ni vathu vatshavbo, mu dzi garadza khu gu vbanyela Pfhumuni, kholu nyamba gira kharalo, mwalo muthu a na gu wonago Pfhumu.