Matewu 5:6 - Bhibhiliya Nya Guage

⁶ Va kategide vale va gu ni ndzala ni lidora nya ndruda, kholu va na khuriswa.

Matewu 5:6 Iomraidhean Croise

Dzindzimo 107:9

Kholu sedzide vathu a va tshima lidora lawe, a ninga guhodza nya guenele avo va pwago ndzala.

Dzindzimo 145:19

Uye a gu ninga esi va si vbwetago avo va mu thavago; a ngu va yingisa va gu mu lomba giphaso, a va vbanyisa.

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Dzindzimo 63:5

Nya gu dzipwa gutsaka gukhwatshi nyi di khura khu guhodza nya gunone, nyi na womba mikulungwane nya gutsake nyi gu rungudza.

Dzindzimo 65:4

Kategide muthu u mu hathago a hidzimela vbafuvbi gwago, gasi guta vbanya nyumbani gwago, ethu nethu hi ngu nengela khu esi nya sadi sa Nyumbani gwago nya guage.

Dzindzimo 84:2

Hefemulo wangu wu ngu dogorela ngudzu gu ya bela umo, nyi ngu suva gu ya khala makhuvini nya Nyumba ya Pfhumu Nungungulu; nyi ngu emba khu gutsaka khu monyo wangu watshavbo ga Nungungulu a vbanyago!

Mavingu 10:24

Muthu nya guvivbedwe khu monyo a na thegela ga igyo a gi thavago, aholu muthu nya gululame, Nungungulu a na mu ninga iso a si vbwetago.

Mavingu 21:21

Uye a landrisago ndzila nya gululame ni wuhindzi, a na mana guvbanya, gululama ni wuzundzo.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Isaya 25:6

Gigomoni momu, Pfhumu Nungungulu nya Tshivba Yatshavbo, a na dongisela buzo nya khongolo ga vathu vatshavbo va tigoni, buzo nya nyama nya gunone, ni vbinyu nya gutshambe gwadi, guhodza nya mafura nya guphudwe gwadi, vbinyu nya guvave nya gutshambe gwadi.

Isaya 41:17

Avo va tshaniswago ni vahamugi, va gu vbweta mati, kha va ma mani, malimi yawe ma bangide khu lidora; aholu, eni, Pfhumu Nungungulu wa Israyeli, nyi na yingisa nombelo wawe, gima kha nyi na va diga.

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 65:13

Khu guralo, Mune, Pfhumu Nungungulu, a ngu ganela kharati, khuye: Wonani nya gukhenu sithumi sangu si na hodza si khura, aholu enu, mu na tshaniseka khu ndzala; sithumi sangu si na sela mati, aholu enu, mu dagarela khu lidora, sithumi sangu si na nengela, aholu enu, mu na khala dzitshoni;

Isaya 66:11

Kholu mu na mama mu khura, khu mahwe nya gutangadzise gwaye; gasi mu buza mu bwelo khavbo mu tsakiswa khu gu tala ni gungangamela nya wudhumo waye.”

Jeremiya 31:25

Kholu nyi na rudzisa mihefemulo yi garadego ni gu ninga tshivba iyo yi khuvegidego.

Luka 1:53

khuriside vandzale, a gu phalalegisa ni ndzala sitetema.

Luka 6:21

Mu kategide enu, mu gu ni ndzala olu; kholu mu na khuriswa. Mu kategide enu, mu lilago olu; kholu mu na hegela.

Luka 6:25

Libango lanu enu mu khuridego olu; kholu mu na khala ni ndzala. Libango lanu enu mu hegelago olu, kholu mu na womba dzihuwa ni gu lila.

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Johane 6:27

Mu nga thumelini guhodza, gule gu dzi kodzago guvbela, aholu thumelani gule gu ningago guvbanya nya gupindruge, ugo mu na ningwago khu Mwamana wa Muthu; kholu khuye oyu a nga ningwago gifungo khuye mune Babe Nungungulu.”

Johane 7:37

Khu litshigu nya guhegise, a gu litshigu likhongolo nya buzo, Jesu, na emide, a di khusa lito, khuye: “Uye a gu ni lidora a nate gwangu ata sela!

Gutuledwa 7:16

Gima kha va na pwa gambe ndzala ni lidora, lihani ni lithonga gima kha si na va sanisa gambe.