Matewu 5:45 - Bhibhiliya Nya Guage

⁴⁵ Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.

Matewu 5:45 Iomraidhean Croise

Joba 25:3

Khu mani a kodzago gu saya tengo nya gikwata gyaye? Khu mani a si khuhwigo khu wenengedzo waye?

Dzindzimo 145:9

Pfhumu Nungungulu khwadi ga vathu vatshavbo; wuhindzi waye wukhongolo guvbindra satshavbo a giridego.

Jeremiya 5:24

Kha va alakanya khu myonyoni gwawe, khavo: Hongoleni hi ninga githawo Pfhumu Nungungulu wathu, Uye gikhati nya guenele a hi wiselago ndzadzi nya nango nya gu yale ni gu vidzwa dzimbewu, a vegidego dzisemana nya guvbwere dzi gumba vbindra.

Matewu 5:9

Va kategide vakhongoteli nya vathu, kholu va na ranwa sanana sa Nungungulu.

Luka 6:35

Gasi enu, golani valala vanu, girani esi si gu sadi; lombisani, na mu si lindreli gu livbwa. Mwa gu gira kharato, tshatshazelo yanu yi na bani yiri yikhongolo. Gambe, mu na bani muri sanana sa Wule a khusegidego ngudzu, kholu uye khwadi ambari ga vale va si gu vadi, va si mu bongigo.

Johane 13:35

Khavbo vathu va na dzitigo nya gukhavo mu vapizane vangu, mwa gu golanani khu gyanu.”

Mithumo 14:17

Kha diga gu dzi yeyedza khu wufakazi nya esi nya sadi a nga girago; a resa khu vbatshani ndzadzi, ndzinango nya dzimbewu, a gu mi khurisa, a tadza myonyo yanu khu gunengela.”

Vaefeso 5:1

Landrani giyeyedzo gya Nungungulu kha nga sanana nya sigodwa.

Vafilipi 2:15

mu yeyedza kharati gukhenu mu vathu nya gululame, nya dzifanelo, gukhenu mu sanana sa Nungungulu, mu khala na mu agide nyambana gihoso vbakari nya vathu nya guwegele nya guvivbedwe khu monyo. Guvbwetega mu ngangamela vbakari nya vathu vovo kha nga myenge ya mafuni,

1 Johane 3:9

Oyu a gu gyanana gya Nungungulu kha simami gu ghoha, kholu Nungungulu mbewu givilini gwaye. Khu guralo, kha dzi kodzi gu simama a ghoha, kholu velegedwe Nungungulu.