Matewu 5:22 - Bhibhiliya Nya Guage

²² Gasi eni nyi ngu mi embelani, kheni: Uye a zangarelago ndriyaye a na thethiswa; uye a ranago muthu kwawe khuye mbeveve fanede gu lamudwa khu madhota. Uye a ranago muthu kwawe khuye gipumbu a na rinywa phalani nya nilo.

Matewu 5:22 Iomraidhean Croise

Genesi 37:4

Vandriyaye khu gu wona gukhavo babe wawe a gu gola ngudzu Josefa guvbindra avo vatshavbo, va di mu girela lidiwo, va mu venga va si ganeli naye na va tshulegide.

Genesi 37:8

Vandriyaye va di mu embela, khavo: “Ina uwe u na fumela vbatshani ga ethu hatshavbothu, gani? Gu nonedza gukhuwe u na khala uwe pfhumu yathu?” Va di engedzela gu mu venga khu kotani nya dzindroro ni magana yaye.

2 Samuweli 16:7

Simeyi a di hembulula Dhavhidhe, a ganela, khuye: “Duga omu, duga muthu wewe nya novba, muthu wa Bheliyali.

2 Samuweli 6:20

Avbo Dhavhidhe a nga wuyago gaya gwaye gasi guta kategisa ndranga yaye, Mikali, nyamahegyane wa Sawule, a di duga, a khinga Dhavhidhe, a mu embela, khuye: “Wuzundzo muni a dzi zundzidego khuwo muhuno uye mufumeli wa Israyeli! Gu kala a funungula wutumbu waye mbeli ga sithumi nya vanyamayi sa sithumi saye, gukhwatshi muthu nyambana mapimo!”

1 Dzipfhumu 21:4

Khavbo avbo, Akabi a di bwelela gaya gwaye na vbisegide ngudzu khu kotani nya magana a nga embedwago khu Nabhoti wa Jezireyeli, a nga khuye: “Gima kha nyi na gu ninga thomba ya vababe vangu.” A diya lala vbadawutunu gwaye, a thendregedza khovbe yaye, a khedza ndzaritunu, a si vbweti gu hodza gilo.

2 Dzikoronika 16:10

Khavbo avbo, Asa a di tala khu likhulo a wugela muwoni nya siwoniso, a mu dzega a mu tela pasoni; kholu uye a di goroswa ngudzu khuye; khu gikhati gyogyo gya gimwegyo, Asa a di tshanisa gambe ni vambe vathu.”

2 Dzikoronika 19:5

A di emisa valamuli tigoni ga Judha ni madhoropani gwatshavbo nya makhokhola ya Judha.

Nehemiya 5:8

Nyi va embela, kheni: “Ethu hi tshudziside khu tshivba yathu yatshavbo vandriyathu nya Vajudha va nga bani va rengisidwe ga va nya mayigo; gasi enu mu ngu rengisa vandriyanu gasi va rengwe khethu, gani?”

Dzindzimo 109:3

Avo va nyi randrede khu magana yawe nya livengo, va nyi dwanisa nyambana nandru.

Dzindzimo 14:1

Muthu nya giphuguphugu a gu ganela monyoni gwaye, khuye: “Nungungulu mwalo!” Mithumo yaye yi nyenyezide, mwalo na moyo a girago nya sadi.

Dzindzimo 25:3

Avo va tumbago uwe, kha va khali dzitshoni; va na thedwe dzitshoni avo va gu dangago khu silo nyamba phasa gilo.

Dzindzimo 35:19

Valala vangu va nga nengeli khu gutshaniseka gwangu, ma nga khwavbigi maho ya vale va nyi zondrago nyambana nandru.

Dzindzimo 37:8

Diga likhulo, u nyenya khorodza, u nga khali likhulo u nga ghoha.

Dzindzimo 49:10

Wonani, va nya guti va ngufa siphuguphugu niso si ngufa gumogo ni maphuphulu, va tshiya dzithomba dzawe ga vambe vathu.

Dzindzimo 69:4

Avo va nyi vengelago, nyambana nandru, vangi ngudzu guvbindra ndzudzu wa hungoni gwangu; vambembisi vangu va na ni tshivba ngudzu, vale va dzi girago valala vangu nyambana fanelo; va gu nyi singedza malipha, va nyi gurumedza gu bweledza iso nyi ngamba ba.

Dzindzimo 7:4

nya gu bani nyi bweledzede khu guvivba oyu a nga nyi phasa, nya gu bani nyi digide gu tsayisa oyu a nga nyi hosela,

Dzindzimo 92:6

Sipumbu kha si mati mahungu yaya, ambari va nya guhandruga kha va si pimi esi.

Mavingu 14:16

Muthu nya mapimo a ngu thava a ndreya whindzo nya gihoso, aholu gipumbu gya gu dzi tumba gi hunisela.

Mavingu 18:6

Magana ya muthu nya gipumbu ma gu wusa mayunga, likana laye la gu mu ranela dzimboma.

Jeremiya 17:11

Muthu a wungedzelago thomba khu wukanganyisi; a gu fanana ni tshugwa yi fundramelago mandra yi ngamba ma vega; vbakari nya matshigu yaye a na yi luza, khu guhegisani a na khala madhadhavale.

Gililo 3:52

Avo va nyi vengago nyambana nandru, va gu nyi sota kha nga ginyoni.

Dhaniyeli 3:13

Khavbo avbo, Nabhukodhonosori, a di tala khu giviti nya likhulo, a rumela guya ranisa Sadraki, Misaki ni Abhedhi-Negho va va resa mbeli ga mufumeli.

Dhaniyeli 3:19

Khavbo avbo, Nabhukodhonosori a di tala khu giviti khu gu wona Sadraki, Misaki ni Abhedhi-Negho, yi vbindrugedza ni khovbe yaye. A di ninga nayo nya gukhuye gidhingiselo nya nilo gi engedzedwa gu dzuriswa livbandre na dzimbili dzinyondro guvbindra idzo gi dzuriswago khidzo,

Obhadhiya 1:10

Khu kotani nya olu u nga wugelago ndriyago Jakobe, u na fenengedzwa khu dzitshoni, u mbembisedwa muphelo.

Obhadhiya 1:12

Gambe uwe u diri mwalo fanelo nya gutsake khu gu khevisela litshigu la ndriyago, litshigu ndriyago a thegedwego khu libango; ambari gu tsakiswa khu gu wona gumbembiswa ga va na Judha, ambari gu ganela khu matshandza avbo u nga mu wona na gu tshaniseka;

Matewu 10:17

Gwadigwadi ni vathu! Va na mi yisani miphathani nya gulamudwe, va mi kwamula mudzinyumbani gwawe nya nombelo;

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

Matewu 12:24

Aholu Vafarisi, na va pwide esi, va di khavo: “Uye a gu tutumisa maphuvbo nya guvivbe khu tshivba ya Bhelizebhu, khongolo nya maphuvbo nya guvivbe.”

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Matewu 18:21

Khavbo avbo, Pedro a di hidzimela ga Jesu a mu wudzisa, khuye: “Pfhumu, nya gu hosedwa khu ndriyangu, nyi na ni fanelo nya gu mu tsetselele nyondro ngani? Nyi na mu tsetselela kala livbandre na dzimbili dzinyondro, gani?”

Matewu 18:35

Khidzo kharati a na gu mi girago Babe wangu a guromo Ndzadzini, muthu ni muthu a gumba tsetselela khu monyo nya wadi ndriyaye.”

Matewu 23:15

Libango gwanu, enu vapfhadzi, vahevbudzi nya Nayo ni Vafarisi, mu legalegago ni mayigo, mu khilela mataro mu gimbila mu vbweta mupizane moyo basi. Na mu mu mane, mwa gu mu nyenyezisa nyondro mbili guvbindra enu, a gu fanedwa khu gu rinywa phalani nya nilo.

Matewu 23:33

Enu livelego nya dzinyoga! Mu na vbulugisa gu wani gu rinywa phalani nya nilo?

Matewu 25:41

“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye.

Matewu 26:59

Vakhongolo nya vaphasi ni phatha watshavbo va di zama gu mu singedza malipha, gasi gu kodza gu mu ninga nandru, va mu songa;

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Matewu 5:34

Gasi eni nyi ngu mi embelani, kheni: Mu nga phazamini sanu mu gu sambanya, ambari khu ndzadzi, kholu gikhalo nya Mufumo wa Nungungulu;

Matewu 5:44

Gasi eni nyi ngu mi embelani gukheni: Golani valala vanu; lombelelani khu vale va mi sanisago.

Marko 14:55

Vakhongolo nya vaphasi nya mhamba ni phatha watshavbo va di vbweta gilo nya gu mu singedze gasi va mane gu mu songa, aholu kha va gi mana.

Marko 15:1

Na gu ngari dzimindru, vakhongolo nya vaphasi nya mhamba va di gira tshangano ni madhota ni vahevbudzi nya Nayo, ni Huwo yatshavbo, va hunga Jesu va hongola naye ga Pilato.

Luka 12:5

Nyi na mi yeyedza uye mu fanelago gu mu thava: Thavani wule a gu ni tshivba nya gusonge ni gu rinya phalani nya nilo. Oyu khuye nya gufanele gu mu thava.

Luka 22:66

Na gugide, wu di girwa tshangano nya madhota, vakhongolo nya vaphasi nya mhamba, ni vahevbudzi nya Nayo. Va di dzega Jesu vaya naye phathani gwawe.

Johane 11:47

Vakhongolo nya Vaphasi nya mhamba ni Vafarisi va di tshangana va gu hunga gikungo, khavo: “Hi na gira ginani? Muthu yoyu a ngu gira siliwugiso nya singi.

Johane 15:25

Esi si giregide gasi gu tadzisega magana ma nga lowago Nayo, nya gukhayo: ‘Va nyi vengide nyambana nandru.’

Johane 7:20

Gidzemo gi di phindrula, khigyo: “U handrugide. Khu mani a vbwetago gu gu songa?”

Johane 8:48

Vajudha va di mu hakha, khavo: “Khandridzo edzi hi gukhethu u Musamariya, ni gukhethu u na ni liphuvbo nya guvivbe, gani?”

Mithumo 17:18

Ni vambe vahevbudzi nya gukari, nya gudugele tsawani ga Epikuru ni vale va landrisago sihevbulo sa va na Estoyiku, va di ganedzisana naye. Vambe va gu wudzisa, khavo: “Ginani a ganelago nya libwabwa yoyu?” Vambe, khavo: “Kha nga mutshumayeli nya vambe vanungungulu hi si vatigo,” kholu a di gu ganela khu mahungu ya Jesu ni gu wuga gwaye.

Mithumo 22:30

Khu mindru gakone, na guvbweta guti lisine nya nandru Vajudha va ningago Pawulo, a di mu tshula, a gu tombanisa vakhongolo nya vaphasi nya mhamba, ni madhota nya phatha nya Vajudha; a di rumela gu reswa Pawulo a mu vega vbakari gwawe.

Mithumo 23:1

Pawulo, na khuside maho a khedzisa madhota nya phatha, a di ganela, khuye: “Vandruye, nyi vbanyide khu gu tshulega mahingigedzoni gwangu gwatshavbo mbeli gwa Nungungulu kala litshigu la muhuno.”

Mithumo 24:20

Avo ava, va na ganele gighoho va gi manego gwangu gikhati nyi nga lamudwa phathani khu madhota.

Mithumo 4:15

Va di va embela va duga vbavbandze avo va tshala va wudzisana khu gyawe, khavo:

Mithumo 5:21

Na va pwide silo sesi, va di bela Nyumbani ga Nungungulu ni marandragugya va phela gu hevbudza. Na vbohide Muphasi nya khongolo ni ava a nga bani ari navo, va di ramba madhota ni manganagana yatshavbo ya na Israyeli, va gu rumela guya dzega Vapostoli pasoni, gasi guta va lamula.

Mithumo 5:27

Na va residwe va ta vegwa vbakari nya madhota, muphasi nya khongolo a di va wudzisa, khuye:

Mithumo 6:12

Va di kutsedzela vathu, madhota ni vahevbudzi nya Nayo, va ta mu mola va mu yisa Phathani.

Mithumo 6:15

Na va mu khedziside gwadi, vatshavbo va di wona khovbe yaye na yi gu ngangamela nga ngilozi ya Nungungulu.

Mithumo 7:37

Khuye Mosi a nga ganela ga va na Israyeli, khuye: ‘Nungungulu a na wusa vbakari ga vandriyanu muprofeti nya nga eni.’

Varoma 12:10

Golanani khu lihaladzo nya wundruye, mu palisana khu gu ningana githawo.

1 Vakorinto 6:10

ni dzimbafa, ni va nya ligungo, ni dzibewudzi, ni va nya milembo, ni va nyambana milayo, gima kha va na bela Mufumoni wa Ndzadzini.

1 Vakorinto 6:6

Aholu, gu manega gu muthu a tutumela gu hongola phathani ga va nya mayigo aya thela umo ketso ndriyaye; a ningela, kharati mahungu yawe ma lamudwa khu vathu nyamba khodwa.

Dhewuteronome 15:11

Khu guralo, gima kha gu na hamugega sisiwana tigoni gwago; khu kotani nya isoso, nyi ngu gu leletela, kheni: Thawuludza mandza yago nu tshulegide u ninga ndriyago, ni muhamugi, ni gisiwana gi guromo tigoni gwago.

Dhewuteronome 16:18

U na vega valamuli ni dzindruna ga madhoropa yago yatshavbo aya Pfhumu Nungungulu wago, a na gu ningago vbakari nya mahundzu yago, gasi va lamule vathu khu gululama.

1 Vatesalonika 4:6

Ga silo sesi, kha gu vbwetegi na moyo a girela guvivba ndriyaye gukhodwani, ambari gu mu supha. Nga olu hi mi embedego ni gu mi tivisani, Pfhumu a ngu tsayisa satshavbo sighoho isoso.

Tito 3:2

Va laye va si ganeli guvivba khu muthu, aholu, va khale khu gurula ni wuwadi, vari ni mavbanyelo nya yadi ga vathu vatshavbo.

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

Vahebheru 5:9

Na tadzisegide thumoni gwaye, a di khala gibuga nya guvbanye nya gupindruge ga vale va mu yingelago.

Jakobe 2:20

Gipumbuwe! U ngu dzina gu wona gukhuwe gukhodwa nyambana mithumo kha gu phasi gilo, gani?

Jakobe 3:6

Lidimi li khade nga nilo. Litigo nya guvivbe li gu na ni wulanga givilini gwathu, li ngu nyenyezisa wurumba wathu watshavbo. Na li khondrisidwe khu nilo wa Sathane, li ngu dzi kodza guvbisa guvbanya gwathu gwatshavbo.

1 Pedro 2:23

Gikhati a nga vadwago kha hakha khu guvala, gikhati a nga saniswa kha wugela muthu, aholu a di vega gutumba gwaye gwatshavbo ga Mulamuli wule nya lisine.

1 Pedro 3:9

Mu nga bweledzeli guvivba khu guvivba, ambari guvala khu guvala. Aholu kategisani kholu mu ranedwe guta hakha gikategiso.

1 Johane 2:9

Oyu a gukhuye a ngu vbanya guwonegelani, aholu a nyenya ndriyaye, a ngari mugidemani.

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.

1 Johane 5:16

Muthu a gu wona ndriyaye na gu gira gighoho gi si mu yisigo gufani, a na mu lombelele, Nungungulu a na mu vbanyisa. Nombelo yoyu wa gu phasa basi a gu bani ari gighoho nyamba yisa gufani. Gyomo gighoho gi yisago gufani. Kha nyiri kheni lombelelani khigyo.

Judha 1:9

Ambari ngilozi nya yikhongolo, Migeli, kha ya gira isoso nya guvale, gikhati yi nga ganedzisana ni Sathane khu gu vbweta guti khu mani a na khalago ni girumbi gya Mosi. Migeli gima kha tiya gulamula Sathane khu gu mu vala. Aholu, a di mu embela, khuye: “Pfhumu a na gu kawuke.”

Gutuledwa 20:14

Lufu ni lithowo si di rinywa tsivani nya nilo. Litsiva leli nya nilo khu gufa nya wuvili.