Matewu 5:19 - Bhibhiliya Nya Guage

¹⁹ Khu kharato, uye a na gu kanyisago siguruvedzo sesi nya sidugwana, a hevbudza kharato vathu, a na bani ari dugwana Mufumoni wa Ndzadzini. Aholu uye a si landrisago ni gu si hevbudza mu vathuni, a na bani ari khongolo Mufumoni wa Ndzadzini.

Matewu 5:19 Iomraidhean Croise

Dzindzimo 119:128

Khu guralo, nyi ngu wona gukheni sileletelo sago si lulamide, nyi ngu vengana ni dzindzila dzatshavbo nya malipha. Phe

Dzindzimo 119:6

Gima kha nyi na nga khala dzitshoni, nya gu thela kota sileletelo sago.

Dhaniyeli 12:3

Va nya gugengela, va na ngangamela gu fanana ni damboni, ni avo va ndrindrelago nya vangi guya gululamani, va na fanana ni dzinyeledzi kala gupindruga.

Matewu 11:11

Khu lisine nyi ngu mi embelani, kheni: Vbakari nya vathu vatshavbo va velegidwego khu nyamayi, mwalo a gu khongolo guvbindra Johane mubhapatisi. Aholu muthu nya mahegisela Mufumoni wa Ndzadzini khongolo gu mu vbindra.

Matewu 19:28

Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

Matewu 20:26

Gu nga giregi kharato vbakari gwanu. Aholu oyu a golago gu khala khongolo vbakari gwanu, a na khale githumi gyanu.

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Luka 1:15

Kholu gi na bani giri muthu khongolo mahoni ga Pfhumu. Kha gi na sela vhinya mwendro wadwa nya gulevise; gi na tala khu Liphuvbo nya Guage gukhugela ndrani ga mayime waye.

Luka 11:42

“Aholu libango lanu, Vafarisi, mu hengago gikhaba nya mitongwe yatshavbo, mu si theli kota khu gululama ni lihaladzo la Nungungulu. Esi khiso mu nga vbweta gu phela khiso mu gira, nyamba divaledwa khu sile simbe.

Luka 9:48

“Muthu watshavbo a na hakhago gyanana nya nga egi khu lina langu, kheni a nyi hakhago. Gasi uye a nyi hakhago, a gu hakha wule a nga nyi rumelago. Kholu wule a dzi sodzisago ngudzu vbakari gwanu, uyoyo khuye a gu khongolo.”

Mithumo 1:1

Amanawe Teyofilo, umo nya Libhuku nya guhegule, nyi sasamedzede satshavbo iso Jesu a nga girago ni gu hevbudza, gukhugela guhegulani nya thumo waye,

Varoma 3:8

Khu ginani hi si ganeligo khethu: “Hongoleni hi gira guvivba gasi guta nya sadi.” Kha nga va hi singedzago khavo khiso hi hevbudzago. Vathu vovo va na tsayiswa khu edzi gu vbwetegago khidzo.

Varoma 6:1

Hi na khethu ginani olu? Hi na simama guvbanya gighohoni gasi wu engedzelana wuhigo, gani?

Varoma 6:15

Hi na khethu ginani olu? Hi na dzi ningedzela gighohoni khu gukhethu kha hi ngu gu rumwa gambe khu Nayo, ha gu rumwa khu wuhigo wa Nungungulu, gani? Khandridzo, gima kha hi na gira kharato.

Dhewuteronome 12:32

Satshavbo esi nyi gu leletelago u na si sayisa; u nga engedzeli gilo mwendro gu vbungula.

Dhewuteronome 27:26

Libango ga wule a na gumba tiyisa magana nya nayo yoyu, ni gu ma landrisa. Vathu vatshavbo va na hakha, khavo: “Amen!”

1 Thimoti 6:11

Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

Tito 3:8

Gihevbudzo gegi gi tiyide. Nya gu vbweta uwe u simame ni mahungu yaya, gasi vale va khodwago ga Nungungulu, va dzi garadze khu gu gira esi nya sadi. Esi silo khyadi, gambe si ngu phasa vatshavbo.

1 Pedro 5:4

Gikhati a na gutago Muhavisi nya khongolo, mu nata hakha gihugu nya wudhumo nyamba kuwuluga.

1 Johane 3:4

Oyu a ghohago a na ni nandru nya gundrage nayo, kholu gughoha gu ndraga nayo.

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.