Matewu 5:18 - Bhibhiliya Nya Guage

¹⁸ Kholu, khu lisine nyi ngu mi embelani, kheni: Kala yi gu vbindra ndzadzi ni mafu, mwalo ni thumo moyo wu na gu duswago Nayo nyamba tadzisega.

Matewu 5:18 Iomraidhean Croise

Dzindzimo 102:26

Satshavbo si na vbindra, aholu uwe u na simama u tiya; satshavbo si na hagala kha nga dzingandzu, u na si tshiphisa kha nga guambala, iso si na mwalalega.

Dzindzimo 111:8

Kholu a si tiyiside kala gupindruga; a si giride khu gutumbega ni gululama.

Dzindzimo 119:152

Gale nyi na sitide sileletelo sago, gukheni khuwe u si tiyisidego kala gupindruga. Resh

Isaya 40:8

“Gu banga mwasi, si thega senge saye, aholu magana ya Nungungulu wathu, ma gu simama kala gupindruga.”

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Isaya 51:6

Khusedzani maho mu khedza ndzadzini, mu wona vbavbatshi nya mafu; ndzadzini gu na mwalalega kha nga wutshi, ni mafu nayo, ma na hagala gu fanana ni guambala. Avo va vbanyago umo, va nafa gu fanana ni dzitshuna; aholu guvbanyisa gwangu gu na simama kala gupindruga, ni gululama gwangu kha gu na thindrekiswa.

Matewu 10:15

Khu lisine nyi ngu mi embelani, kheni litshigu nya gulamudwe, lidhoropa lolo li na dayiswa guvbindra Sodhoma ni Ghomora.

Matewu 10:23

Mwa gu tutumiswa dhoropani momo nya gukari, thavelani ga limbe. Kholu khu lisine nyi ngu mi embelani, kheni: Kha mu na vbedza gu dzuwulugela madhoropa ya Israyeli na si gu vbohi Mwamana wa Muthu.

Matewu 10:42

Uye a ningago khokho nya mati nya gudzidzile ga moyo nya vapizane vangu nya gusolege, khu gu muti nya gukhuye mupizane wangu, khu lisine nyi ngu mi embelani, kha na dzimeledwa khu tshatshazelo.”

Matewu 11:11

Khu lisine nyi ngu mi embelani, kheni: Vbakari nya vathu vatshavbo va velegidwego khu nyamayi, mwalo a gu khongolo guvbindra Johane mubhapatisi. Aholu muthu nya mahegisela Mufumoni wa Ndzadzini khongolo gu mu vbindra.

Matewu 13:17

Khu lisine nyi ngu mi embelani nya gukheni: Vaprofeti nya vangi ni va nya ndruda va vbwetide gu wona iso mu si wonago, aholu kha va si wona; ni gupwa iso mu si pwago, aholu kha va si pwa gilo.

Matewu 16:28

Khu lisine nyi ngu mi embelani nya gukheni: Vomo hi gu navo avba va na gumba linga lufu, kala va gu wona Mwamana wa Muthu na guta ni mufumo waye.”

Matewu 17:20

Jesu a di va hakha, khuye: “Khu kotani nya gukhodwe gwanu a gu gudugwanana. Khu lisine nyi ngu mi embelani, kheni: Gukhodwa gwanu gwa gu fanana ni mbewu nya ginapi, mu na rumani gigomo gegi, khenu: ‘Siguga khavba uya khala vbale’; gi na mi yingisani. Khu kharato, gimwalo gi na mi tandrago.

Matewu 18:18

“Khu lisine nyi ngu mi embelani, kheni: Satshavbo mu no si hungago mafuni si na hungwa niyo Ndzadzini; niso mu na gu si tshulago mafuni si na tshudwa niyo Ndzadzini.

Matewu 18:3

“Khu lisine nyi ngu mi embelani, kheni: Mwa gumba vbindrugedza mu khala nga sanana, gima kha mu na bela Mufumoni wa Ndzadzini.

Matewu 19:23

Khavbo avbo, Jesu a di embela vapizane vaye, khuye: “Khu lisine nyi ngu mi embelani, gukheni: Gu na garadza ngudzu ga muthu nya gitetema gu bela Mufumoni wa Ndzadzini.

Matewu 19:28

Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

Matewu 21:21

Jesu a di hakha, khuye: “Khu lisine nyi ngu mi embelani, kheni: Mwa gu khodwani, nyamba kanakana, kha mu na gira basi esi nyi nga girago nguyu yoyu, aholu mwa gu ruma gigomo gegi, khenu: ‘Siguga khavbovbo, indra uya dzi dumwega phwani’, gu na girega kamwe.

Matewu 21:31

Khu wevbini nya ava va vavili a nga girago guhaladza ga babe wule?” Va di hakha, khavo: “Khuye nya guphele.” Jesu a di va embela, khuye: “Khu lisine nyi ngu mi embelani, kheni: Vakhuphisi ni maphuphulu va na mi thangela Mufumoni wa Ndzadzini.

Matewu 23:36

Khu lisine nyi ngu mi embelani nya gukheni khu kota nya silo sesi satshavbo gu nata tsayiso ga mela yoyu!

Matewu 24:2

Aholu a di va hakha, khuye: “Mu ngu si wona satshavbo sesi? Khu lisine nyi ngu mi embeleni nya gukheni kha gi na tshala giwindri vbatshani nya giwindri gikwawe satshavbo si na pfhungumudwa.”

Matewu 24:47

Khu lisine nyi ngu mi embelani nya gukheni a na gi vega kha nga muthangeli nya silo saye satshavbo.

Matewu 25:12

Aholu mwane a di si hakha, khuye: ‘Khu lisine, kha nyi mi tini.’

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Matewu 25:45

A na va hakha, khuye: ‘Khu lisine, nyi ngu mi embelani gukheni: Dzinyondro dzatshavbo mu nga bani mu si giri isoso ga moyo nya vandriyangu nya gusolege, kheni mu nga bani mu si nyi theli kota.’

Matewu 5:26

Khu lisine nyi ngu gu embela, kheni: Khu na duga khu mule nu si gu livbi mangava yatshavbo.

Matewu 6:16

“Mwa gu halani, mu nga hungi giswedzo, kha nga va nya matshandza, na va gufela gu wonwa khu vathu gupwani va ngu hala. Nyi ngu mi embelani lisine nya gukheni va hakhide tshatshazelo yawe.

Matewu 6:2

Khu kharato, wa gu ningela zomola, u nga wombi pundru, kha nga idzo va girago va nya matshandza mudzinyumbani nya nombelo ni mudzindzilani, na va gufela gu zundzwa khu vathu. Khu lisine, nyi ngu mi embelani nya gukheni, va hakhide tshatshazelo yawe.

Matewu 8:10

Na pwide magana yaya, Jesu a di mu liwuga ngudzu, a gu embela avo va nga bani va gu mu landra, khuye: “Nyi ngu mi embelani, khu lisine, kheni: Gima nyi si gu mani muthu nya gukhodwe nga oyu tigoni momu ga Israyeli!

Marko 10:15

Khu lisine nyi ngu mi embelani kheni oyu a si hakhigo Mufumo wa Nungungulu kha nga gyanana, gima kha na wu bela.”

Marko 10:29

Jesu a di phindrula, khuye: “Khu lisine nyi ngu mi embelani gukheni: Mwalo uye a digidego ndranga yaye, vandriyaye nya vama ni vanyamayi, mayi ni babe waye ni sanana khu kotani yangu ni Ivhangeli,

Marko 11:23

Kholu Khu lisine nyi ngu mi embelani gukheni, muthu a gu embela gigomo gegi khuye siguga khavba uya thegela phwani, na si kanakani monyoni gwaye, aholu a khodwa gukhuye esi a ganelago si na girega, khu lisine furi si na girega kharalo.

Marko 12:43

Jesu a di rana vapizane vaye, khuye: “Khu lisine nyi ngu mi embelani gukheni noni yeyi nya gisiwana yi ningede guvbindra vatshavbo va ningedego.

Marko 13:30

Khu lisine, nyi ngu mi embelani gukheni: Melana yoyu kha wu na vbindra si si gu dugeleli satshavbo sesi.

Marko 14:18

Na vari vbamezatunu, va hodza, Jesu a di khuye: “Khu lisine nyi ngu mi embelani, moyo nya enu nyi hodzago nanu, a na nyi ningela.”

Marko 14:25

Khu lisine nyi ngu mi embelani gukheni gima kha nyi na nga sela gambe nanu wadwa nya dziuvha, kala litshigu lile nyi na gu wu selago nyaluphye Mufumoni wa Ndzadzini.”

Marko 14:30

Jesu a di mu hakha, khuye: “Khu lisine nyi ngu gu embela, wutshigu wa muhuno, u na nyi danga guraru khonge na wu si gu embi guvili.”

Marko 14:9

Khu lisine, nyi ngu mi embelani gukheni: Ni evbini yi na gu hevbudwago Ivhangeli yeyi tigoni gwatshavbo, gu na khumbugwa esi a giridego nyamayi yoyu, gasi a alakanywa khiso.”

Marko 3:28

Khu lisine nyi ngu mi embelani gukheni: Muthu watshavbo a ngu kodza gu tsetseledwa sighoho ni guvivba gwatshavbo a ganelago nya guvale Nungungulu.

Marko 6:11

Ni evbini va na gumba mi hakha ni gu mi yingisa, gikhati mu dugago, phuphuthani kudzudzwane vbavbatshi nya migondro yanu gasi gu khala wukustumunyu gwawe.”

Marko 8:12

Jesu a di tala khu gugaradzega hefemuloni gwaye, a ganela, khuye: “Khu ginani mela yoyu wu lombago giliwugiso? Khu lisine nyi ngu ganela gukheni, vathu nya melego yoyu, gimwalo ne giliwugiso gimwegyo va na ningwago.”

Marko 9:1

Jesu a di va embela gambe, khuye: “Khu lisine nyi ngu mi embela gambe gukheni, vbakari nya avo va guromo avba vomo va na gumba linga gufa kala va gu wona gu vboha Mufumo ni tshivba ya Nungungulu.”

Marko 9:41

Khu lisine nyi ngu mi embela gukheni oyu a na mi ningago gani khokho nya mati, khu lina langu kholu mu gu vapizane va Kristo, gima kha na nga hamuga tshatshazelo waye.

Luka 11:51

gukhugela gu songwa gwa Abheli kala gu songwa gwa Zakariya, a nga songwago vbakari nya giluvelo ni makhuvi nya Nyumba ya Nungungulu. Khidzo nyi mi embelago, Nungungulu a na lamula mela yoyu khu satshavbo sesi.

Luka 12:37

Si kategide sithumi sile si na ta manwago khu pfhumu yawe na si lindrede. Khu lisine nyi ngu mi embelani nya gukheni: A na sumela mwendra mu giwununi, a gu si khadzisa vbavbatshi, gasi gu si phamela.

Luka 13:35

Olu ndranga yanu yi na khala marumbi. Khu lisine nyi ngu mi embelani gukheni: Kha mu na nyi wona gambe, kala li vboha litshigu mu no, khenu: A na rungudzwe uye atago khu lina la Pfhumu!

Luka 16:17

Gu ngu vbevbuga ngudzu gu mwalalega ndzadzi ni mafu, guvbindra gu futega tseneno wudugwana vbanayotunu.

Luka 18:17

Khu lisine nyi ngu mi embelani, kheni: Uye a si hakhigo Mufumo wa Nungungulu kha nga gyanana gidugwanana, gima kha na wu mana.”

Luka 18:29

Uye a di khuye: “Khu lisine nyi ngu mi embelani nya gukheni: Mwalo a digago ndranga, mwangadzi, vandriyaye, vavelegi mwendro sanana khu kotani nya Mufumo wa Nungungulu,

Luka 23:43

Uye a di mu hakha, khuye: “Muhuno olu u na bani uri ni eni Ndzadzini.”

Luka 4:24

A di engedza gambe, khuye: “Khu lisine nyi ngu mi embelani nya gukheni mwalo muprofeti a hakhwago gwadi tigoni gwawe.

Johane 1:51

A di tadzisa, khuye: “Khu lisine, nyi ngu mi embelani, kheni: Mu na wona Ndzadzini na gu tudwe; dzingilozi dza Nungungulu na dzi gu lita ni gutshiga ga Mwamana wa Muthu.”

Johane 10:1

Jesu a di engedza gambe, khuye: “Khu lisine, nyi ngu mi embelani kheni, wule a si beligo khu mwanya, aholu a gu bela khu gihogo phandroni nya dzinvuta, mbafa, gighevenga.

Johane 10:7

Jesu a di engedza gambe, khuye: “Khu lisine, nyi ngu mi embelani, kheni: Eni nyi mwanya dzi belago khavbo dzinvuta.

Johane 12:24

Khu lisine, nyi ngu mi embelani, kheni: Mbewu nya tirigu ya gu thega mafuni yi sifi, yi na khala yonga basi; aholu ya gufa, yi na ninga mihandro nya yingi.

Johane 13:16

Khu lisine, nyi ngu mi embelani, kheni: Githumi khandri gikhongolo guvbindra mune waye; kha nga girumwa nigyo, khandri gikhongolo guvbindra oyu gi nga rumwago khuye.

Johane 13:38

Jesu a di khuye: “Ina kamwe uwe u na ningela guvbanya gwago khu kotani yangu! Khu lisine, nyi ngu gu embela, kheni: Kha wu na emba khonge nu si nyi dangi nyondro tharu.

Johane 14:12

Khu lisine, nyi ngu mi embelani, kheni: Uye a khodwago gwangu, a na gira nuye mithumo nyi yi girago; a na gira mithumo ya yikhongolo guvbindra eyi, kholu eni nyi ngu hongola ga Babe wangu.

Johane 16:20

Khu lisine, nyi ngu mi embelani, kheni: Mu na lila ni gusaniseka, aholu litigo li na tsaka. Gani olu gusaniseka gwanu gu na vbindrugedza gu khala litsako.

Johane 16:23

“Litshigu lolo gi mwalo mu na nyi wudzisago. Nyi ngu mi embelani, khu lisine, nya gukheni: Satshavbo iso mu na lombago ga Babe khu lina langu, uye a na mi ningani.

Johane 21:18

Khu lisine, nyi ngu gu embela, kheni: Nu ngari gikhwathana u di dzi ambalela, u gu hongola umo u nga bani u guna. Gasi gikhati u na gumbago, u na thawuludza mawogo yago, va gu ambagisa, gasi va gu yisa umo u si gunigo.”

Johane 3:11

Khu lisine, nyi ngu gu embela, kheni: Ethu ha gu ganela esi hi si tigo, ni gufakaza esi hi si wonego, gasi enu mwa gu nyenya wufakazi wathu.

Johane 3:3

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa nyaluphye, gima kha na wona Mufumo wa Nungungulu.”

Johane 3:5

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa khu mati ni Liphuvbo, kha na dzi kodza gubela Mufumoni wa Ndzadzini.

Johane 5:19

Jesu a di khusa lito a gu ganela, khuye: “Khu lisine, nyi ngu mi embelani, kheni: Gimwalo gilo Mwamana a girago khu gu gi khugela, vbavbandze nya iso a si wonago ga Babe waye, kholu satshavbo si girwago khu Babe si ngu girwa niso khu Mwanaye.

Johane 6:26

Jesu a di va hakha, khuye: “Khu lisine, nyi ngu mi embelani, kheni: Enu mwa gu nyi vbweta, nasiri khu kotani nya siliwugiso mu nga si wonago, aholu khu kotani mu nga hodzago sibaba mu khura.

Johane 6:32

Jesu a di va hakha, khuye: “Khu lisine, nyi ngu mi embelani, kheni: Khandri Mosi a nga mi ningani guhodza gutago khu Ndzadzini; Babe wangu khuye a mi ningago guhodza nya lisine gutago khu Ndzadzini,

Johane 6:47

Khu lisine, nyi ngu mi embelani: Uye a khodwago a na ni guvbanya nya gupindruge.

Johane 6:53

Jesu a di khuye: “Khu lisine, nyi ngu mi embelani, gukheni: Mwa gumba hodzani givili gya Mwamana wa Muthu ni gumba sela novba waye, kha mu na mana guvbanya.

Johane 8:34

Jesu a di va hakha, khuye: “Khu lisine, nyi ngu mi embelani, kheni: Muthu watshavbo a ghohago, khumbi nya gighoho.

Johane 8:51

Khu lisine, nyi ngu mi embelani, kheni: Uye a vegedzago magana yangu, gima kha na ngafa.”

Johane 8:58

Jesu a di va hakha, khuye: “Khu lisine, nyi ngu mi embelani, kheni: Na si gu velegwi Abrahama, nyi diromo eni.”

1 Pedro 1:25

Aholu, magana ya Pfhumu ma ngu simama kala gupindruga.” Khayo aya magana mu resedwego khu Mahungu Yadi nya Ivhangeli.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.