Matewu 4:3 - Bhibhiliya Nya Guage

³ Khavbo avbo, mulingi a di ta, khuye: “Wa gu bani uri Mwamana wa Nungungulu, ruma siwindri sesi si vbindrugedze si khala guhodza.”

Matewu 4:3 Iomraidhean Croise

Ekisodha 16:3

Sanana sa Israyeli si di ganela, khiso: “Adiri tshukwana nari pwani hi di fede mandzani ga Pfhumu Nungungulu tigoni ga Egipito, iyo hi nga bani hi tshelega mabhota nya nyama, hi khala hi hodza wusa hi khura. Aholu enu mu hi dusideni mu hi resa giwulani momu, mu di fela gu ta songa khu ndzala rengo watshavbo wowu nya vathu!”

Matewu 14:33

Vatshavbo va nga bani varomo ngalavani, va di khidzima migondroni ga Jesu, va gu mu embela, khavo: “Khu lisine u Mwamana wa Nungungulu!”

Matewu 16:16

Simoni Pedro a di khusa lito a gu phindrula, khuye: “Uwe khuwe Kristo, Mwamana wa Nungungulu a vbanyago.”

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Marko 1:1

Guphela nya Mahungu nya Yadi ya Jesu Kristo, Mwamana wa Nungungulu,

Marko 3:11

Maphuvbo nya guvivbe nayo, ma gu mu wona, ma di khidzima mbeli gwaye ma gu ganela, khayo: “Uwe khuwe Mwamana wa Nungungulu.”

Marko 5:7

a khusedza lito a ganela khu tshivba, khuye: “Ginani nyi nga gu ghohela, uwe Jesu, Mwamana wa Nungungulu a guromo Ndzadzini? Nyi ngu gu lomba khu lina la Nungungulu gukheni u nga nyi tshanisi!”

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Luka 22:70

Vatshavbo va di mu wudzisa, khavo: “Sa gu yeyedza gupwani uwe u Mwamana wa Nungungulu, gani?” A di va hakha, khuye: “Mu ngu ganela, khenu kheni.”

Luka 4:3

Sathane a di mu embela, khuye: “Wa gu bani uri Mwamana wa Nungungulu, ruma giwindri gegi gi vbindrugedze gi khala guhodza.”

Luka 4:41

Ga vangi vakone ma di duga maphuvbo nya guvivbe, na ma gulumela, khayo: “Uwe u Mwamana wa Nungungulu!” Aholu uye a di ma kawuka ni gu ma degudza, kholu ma di gu muti nya gukhayo khuye Kristo.

Luka 4:9

Khavbo avbo, Sathane adiya naye Jerusalema, aya gwela naye langwetunu nya Nyumba ya Nungungulu. A Mu embela, khuye: “Wa gu bani uri Mwamana wa Nungungulu, nga dzi ditsha khavba, u thega vbavbatshi,

Johane 1:34

Nyi si wone khu maho yangu; nyi ngu fakaza nya gukheni uye Mwamana wa Nungungulu.”

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

Johane 20:31

Esi si lovidwe gasi mu khodwe gukhenu Jesu khu Kristo, Mwamana wa Nungungulu; gasi khu gu khodwa, mu mane guvbanya linani gwaye.

Johane 9:35

Jesu, na pwide gupwani va mu tutumiside, a di mu mana a mu wudzisa, khuye: “U ngu khodwa ga Mwamana wa Muthu, gani?”

Mithumo 9:20

Khavbo avbo, a di phela gu hevbudza dzinyumbani nya nombelo khuye Jesu. Mwamana wa Nungungulu.

2 Vakorinto 1:19

Kholu Mwamana wa Nungungulu, Jesu Kristo, hi nga mi tivisani, Silivhano, Thimoti, ni eni kha khala “Ina ni ahihi,” aholu gikhati gyatshavbo a di khala “Ina.”

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

1 Vatesalonika 3:5

Khidzo kharato, gu kala nyi ruma Thimoti khu guvbiredza, guta wona gukhodwa gwanu gwa gu gimbila kharini, mwendro saye mukanganyisi a mi lingideni, a ghohetela mihandro nya thumo wathu.

Vahebheru 12:16

Dzi woneleni, gasi ni moyo nya enu a si khali muthu nya gudange nayo ni gumbana githawo ga silo si agidego, kha nga Esawu a nga rengisa wukoma waye khu gufela mbiya nya guhodze.

Vahebheru 4:14

Khu guralo, hongoleni hi tiye gukhodwani gwathu. Kholu, hi na ni Muphasi nya khongolo nya mhamba a gu na ni tshivba, a vbeledego, a bedego gungangamelani nya wudhumo wa Nungungulu a gu Jesu Kristo, Mwamana wa Nungungulu.

Vahebheru 7:3

Kha tidwi babe waye ni mayi waye, ambari vakokwe vaye, kha gu tidwi gilo khu mahungu nya guvelegwe gwaye ni gufa gwaye. Uye a di khala nga Mwamana wa Nungungulu, a gu simama gu khala muphasi nya mhamba kala gupindruga.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.