Matewu 4:24 - Bhibhiliya Nya Guage

²⁴ Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Matewu 4:24 Iomraidhean Croise

2 Samuweli 8:6

Dhavhidhe a di vega sikwata nya masotshwa nya gughadhe litigo la Dhamasiko; gasi Vaasiriya, va di khala sithumi ga Dhavhidhe, va mu livba khupo. Khu guralo, Pfhumu Nungungulu, a di ninga Dhavhidhe tshivba nya gupale gwatshavbo umo a nga bani na gu vbindra khumo.

1 Dzipfhumu 10:1

Pfhumugadzi ya Sabha na yi pwide ndruma ya Solomoni khu mahungu nya wudhumo a wu manidego khu gu rungudza lina la Pfhumu Nungungulu, a dita mu linga khu siwudziso nya gulemele.

1 Dzipfhumu 4:31

Uye a diri muthu nya guti ngudzu guvbindra vathu vatshavbo nya guti, a di gengede guvbindra Etani, Muezari; ni Hemani, ni Kalikoli, ni Dharidha, sanana sa Maholi; lina laye li di pwala ndruma ga mayigo yatshavbo nya vaakelane.

1 Dzikoronika 14:17

Khu guralo, lina la Dhavhidhe li di phalalega khu yatshavbo mayigo yale; Kholu Pfhumu Nungungulu a mu giride a ningwa githawo khu mayigo yatshavbo.

1 Dzikoronika 29:2

Nyi dzi garadzide khu tshivba yangu yatshavbo, nyi dongisede satshavbo si vbwetegago gasi gu vbaha Nyumba ya Nungungulu wangu: Ndralama yi yelanago ni mithumo ya ndralama, parata nya gugimbidzise mithumo ya parata, sugu nya gugimbidzise mithumo ya sugu, simbi nya gugimbidzise mithumo ya dzisimbi ni mapulango nya guyelane ni mithumo ya mapulango; siwindri nya Onekisi, siwindri nya wumburi niso nya mavalavala, ni siwindri nya gukhedzige niso nya guhandzegele ni satshavbo nya lisima khu talo nya iso.

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Matewu 12:22

Khavbo avbo, va di mu resela moyo a nga bani ari ni liphuvbo nya guvivbe nari gikhumu, ni wududu. Jesu a di mu hawulugisa, a dzegela gu wona ni gu ganela.

Matewu 14:1

Khu gikhati gyogyo, ndruma ya Jesu yi di vboha dzindzeveni ga mufumeli Herodhi.

Matewu 15:22

Khavbo avbo, nyamayi moyo nya mukhanani, a nga bani a guta khu phuvbo ga iyoyo, a di phela gu gulumela, khuye: “Pfhumu, Mwamana wa Dhavhidhe, nyi pwele wusiwana. Nyamahegyane wangu a ngu saniswa ngudzu khu liphuvbo nya guvivbe.”

Matewu 17:15

“Pfhumu, pwela wusiwana mwamana wangu, kholu a na ni gitshira gi mu sanisago ngudzu. Dzinyondro dzingi a thegelago niloni ni matini.

Matewu 17:18

Khavbo avbo, Jesu, a di kawuka liphuvbo nya guvivbe li gu duga ga gikhwathana; khavbo avbo, gukhugela gikhati gile gikhwathana gile gi di vbanyiswa guralo.

Matewu 4:23

Jesu a di gimbila tigoni gwatshavbo ga Galileya, na gu hevbudza mudzinyumbani nya nombelo, gumogo ni gu tivisa Mahungu nya Yadi nya mufumo, na gu hawulugisa vathu dzingumbe dzawe dzatshavbo, ni madwali.

Matewu 8:28

Na va vbohide tshatugo tigoni ga Vagadharenu, a di khingwa khu vama vavili va nga bani vari ni maphuvbo nya guvivbe na va gu dugela marowoni. Va di gu garadza gule nya gu mwalo a nga bani a tiya gu vbindra khu ndzila yoyo.

Matewu 8:33

Vahavisi vakone va di tutuma, va hongola dhoropani vaya tivisa iso si nga dugelela vama vale nya maphuvbo nya mandriki.

Matewu 8:6

“Pfhumu, ndrangani gwangu nyi na ni githumi gi sanisekago ngudzu. Gi khwenyede sivbango.”

Matewu 9:26

Ndruma yakone yi di dzegela gu phalalega tigoni mule gwatshavbo.

Matewu 9:35

Jesu a di gu gimbila gimbila ni madhoropa ni mitalala, na gu hevbudza dzinyumbani gwawe nya nombelo ni gutshumayela Ivhangeli nya mufumo, gumogo ni gu hawulugisa madwali yatshavbo ni dzingumbe dzinyumbani gwawe nya nombelo ni gutshumayela.

Marko 1:28

Ndruma yaye yi di phalalega gipandrengulu gyatshavbo gya Galileya ni mayigwana yatshavbo ya vbafuvbyana mule.

Marko 1:32

Na li pfode lidambo, va di mu yisela vadwali vatshavbo ni va nya maphuvbo nya guvivbe.

Marko 2:3

Khavbo avbo, va dita vambe va mu resela gilima na gi rwadwe khu vama vana.

Marko 2:4

Kha nga ulo va ngamba dzi kodza gu gi vbohisa vbafuvbi gwaye, khu kotani nya vathu va nga bani vari vangi, va di lita vbatshani vaya tshula gikoli nya nyumba omu a nga bani a romo Jesu; na va girile isoso, va di reledza lithatho nya gilima.

Marko 2:9

Khu gevbini gi vbevbugidego, gu embela gilima, kheni: ‘Sighoho sago si tsetseledwe’, ni gukheni: ‘Khuga u eme, u dzega lithatho lago u hongola?’

Luka 2:2

Gilovela gegi nya guphele gi giregide gikhati Kirino a nga bani ari mufumeli wa Siriya.

Luka 4:14

Na kutsidwe khu tshivba nya Liphuvbo, Jesu a di wuya Galileya. Ndruma yaye yi di pwala tigoni mule gwatshavbo.

Luka 4:38

Jesu a di duga khu nyumbani nya nombelo a gu hongola ndrangani ga Simoni iyo a ngaya manago ngogadzi wa Simoni nari ni feveri nya yikhongolo. Va di mu lomba gu a mu khedzise.

Luka 5:15

Ndruma yaye yi di phalalega ni litigo, vathu nya vangi va di ya mu randrela, gasi gupwa sihevbudzo saye ni gu hawulugiswa madwali yawe.

Luka 5:24

Gasi mi dzitini nya gukhenu Mwamana wa Muthu a na ni tshivba nya gutsetselele sighoho mafuni momu,” a di embela gilima, khuye: “Nyi ngu gu ruma khuga u eme, dzega lithatho lago u hongola gaya gwago.”

Luka 7:17

Ndruma nya giliwugiso gegi yi di phalalega ni Judheya gwatshavbo ni mayigo yatshavbo ya vbafuvbyana mule.

Johane 10:21

Vambe va di khavo: “Magana yaya khandri ya muthu nya guhandruge. Ina muthu nya liphuvbo nya guvivbe a ngu dzi kodza gutula maho gikhumu, gani?”

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Mithumo 15:23

Va di va ninga lidangalila leli, khavo: “Ethu vapostoli ni madhota, hi gu vandriyanu, hi ngu mi losani enu mwatshavbo vandruye va nya mayigo mu vbanyago Antiyokiya, ni Siriya, ni Silisiya. Seweni!

Mithumo 15:41

A di vbindra khu Siriya ni Silisiya a tiyisela mabandla.

Mithumo 28:9

Khavbo avbo, vadwali vatshavbo va gidwane mule va dita gwaye va ta hawulugiswa.

Mithumo 8:7

Khu lisine, vathu nya vangi va nga bani vari ni maphuvbo nya guvivbe, va di vbanyiswa, ma duga na ma gu womba dzihuwa. Ni va nya gufa sivbango, ni sigoha va di hawulugiswa.

Josuwa 6:27

Pfhumu Nungungulu a diri ni Josuwa, ndruma yaye yi di phalalega ni litigo latshavbo.