Matewu 4:10 - Bhibhiliya Nya Guage

¹⁰ Khavbo avbo, Jesu a di mu hakha, khuye: “Suka, Sathane, kholu gu lovidwe, gupwani: U na khozela Pfhumu Nungungulu wago; khuye basi u na gu mu thumelago.”

Matewu 4:10 Iomraidhean Croise

1 Dzikoronika 21:1

Khavbo avbo, Sathane a di wugela va na Israyeli, a kutsedzela Dhavhidhe gu gira gilovela nya vathu va na Israyeli.

Joba 1:12

Pfhumu Nungungulu a di embela Sathane, khuye: “Khedza, u wona satshavbo a gu naso, somo mandzani ni tshivbani gwago, aholu u nga tshuki u kuha mili waye.” Khu guralo Sathane a di khuga mbeli ga Pfhumu Nungungulu.

Joba 1:6

Tshigu mwedo sanana sa Nungungulu si ngaya dzi wonegisa mbeli ga Pfhumu, Sathane nuye a diri navo.

Joba 2:1

Tshigu mwedo sihathwa sa Pfhumu Nungungulu si dita dzi wonegisa mbeli ga Pfhumu Nungungulu, Sathane a dita nuye ata patana navo mbeli ga Pfhumu Nungungulu.

Dzindzimo 109:6

Hatha mulamuli nyambasi wadi a lamula nala wangu. Sathane a na khale khu nyamudye gwaye.

Ekisodha 23:25

Khozelani Pfhumu Nungungulu wanu, Eni nyi na kategisa guhodza gwanu ni mati yanu; nyi na vbedza madwali vbakari gwanu.

Isaya 30:22

Khu guralo, mu na nyenyezisa parata yi namegidwego umo nya sifananiso nya guvatwe ni ndralama yi nga namegwago umo nya sifananiso sawe nya gupfhudwe, mu na si dzudzugani hwindzo kha nga gilo nya gunyenyeze, muthu ni muthu, khuye: “Duga avba!”

Matewu 16:23

Gasi uye, a di thendregedza, a embela Pedro, khuye: “Leya, Sathane! U womo kha nga mutshunganisi wangu, kholu mapimo yago kha mati khu ga Nungungulu; aholu, khu ga vathu!”

Marko 1:13

Iyo a ngaya khalago magumana matshigu vbakari nya sirengo nya likhabi na gu lingwa khu Sathane, dzingilozi dza Nungungulu dzi di mu thumela.

Luka 10:18

Jesu a di va embela, khuye: “Eni nyi di mu wona Sathane na gu thega khu Ndzadzini kha nga nyangafula.

Luka 11:18

Sathane nuye a gu dzi kasa khu sipandre si wugelanago, wu na pindrugisa kharini mufumo waye, olu mu gukhenu nya gu tutumisa maphuvbo nya guvivbe khu tshivba ya Bhelizebhu?

Luka 13:16

Ina nyamayi yoyu, a gu gyanana gya Abrahama, a nga bani a gu saniswa khu Sathane gipimo nya likhumi na livbandre na miraru myaga, mwalo fanelo nya guvbanyiswe khu litshigu nya Sabhadho, gani?”

Luka 22:3

Sathane a di bela khu ga Judha, a ranwago Sikarioti, a nga bani ari moyo nya vale nya likhumi na vavili.

Luka 22:31

Pfhumu a di embela gambe Simoni, khuye: “Simoni, Simoni, dziti nya gukhuwe Sathane a mi lombideni gasi gu mi vbevbera kha nga mavbila.

Luka 4:8

Jesu a di mu hakha, khuye: “Duga, Sathane, gu lovidwe, pwani: ‘U na khozela Pfhumu Nungungulu wago. Khuye basi u na gu mu phaselago.’ ”

Johane 13:27

Oyu, na hodzide gipandre gyogyo, a di beledwa khu Sathane. Khavbo avbo, Jesu a di mu embela, khuye: “Iso u vbwetago gu gira, gira khu guvbiredza, u nga hweli.”

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Mithumo 5:3

Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

1 Vakorinto 5:5

hi ningele mwama yoyo ga Sathane, gifela gu pfhungumudwa givili gyaye, mwendro saye wu na vbanyiswa hefemulo waye, litshigu Pfhumu a natago.

1 Vakorinto 7:5

Mwama ni ngadzi mu nga bombelani, vbavbandze nya gupwananeni gumba tshangana matshigu nya gukari, khu gufela gu dzi ningela milombeloni. Na ma vbede matshigu yoyo, tshanganani gambe, gasi mu si sengwi khu Sathane khu kotani nya gumba dzi phara gwanu.

2 Vakorinto 11:14

Kha si samadzisi, kholu ambari Sathane a ngu dzi gira ngilozi ya Nungungulu.

2 Vakorinto 12:7

Gasi nyi si dzi gugumugisi khu gutuledwa gogu nya silo nya guete, nyi di thedwa muba givilini, a gu ngilozi ya Sathane yi nyi vetelela, gasi nyi si tali khu matshandza.

2 Vakorinto 2:11

kholu kha hi hangwi khu wugengeli waye. Kha nyi vbweti gukheni mu kanganyiswa khu Sathane.

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Jakobe 4:7

Khu guralo, yingisani Nungungulu, mu wugela Sathane, uye a na tutuma.

Josuwa 24:14

Gasi olu, ningani githawo Pfhumu Nungungulu, mu Mu thumela khu gutumbega nya lisine; dzudzugani hwindzo vanungungulu va nga thumedwa khu vababe vanu khisikheyi nya tsongo wa Ewufrate ni Egipito, mu khozela Pfhumu Nungungulu.

1 Pedro 5:9

Mu ganedzeni, mu tiya gukhodwani gwanu, kholu enu mu ngu dzitini nya gukhenu vandriyanu va phalalegidego mayigoni gwatshavbo va ngu saniseka navo khu sigaradzo nya nga esi mu si manago.

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”