Matewu 3:9 - Bhibhiliya Nya Guage

⁹ Mu nga dzi pembi sanu, khenu: ‘Hi na ni babe Abrahama!’ Kholu, nyi ngu mi embelani gukheni, Nungungulu a ngu dzi kodza gu tumbulugisa sanana sa Abrahama khu musiwindrini momu.

Matewu 3:9 Iomraidhean Croise

Ezekiyeli 33:24

Mwamana wa muthu, vathu va vbanyago marumbini mule ga na Israyeli, va gu ganela, khavo: Abrahama a diri moyo basi; aholu, manide litigo leli; gasi ethu hi gu vangi, khu lisine hi na hakha litigo kha nga thomba.

Marko 7:21

Kholu, khu monyoni nya muthu, khumo gu dugago mahingigedzo nya guvivbe, wubhayi, wuvafa, wughevenga, wuphuphulu,

Luka 12:17

Gi di alakanya monyoni gwaye, kharati: ‘Nyi na gira kharini nya nga olu nyi gu mwalo wulanga nya guvegedzele dzimbewu dzangu?’

Luka 16:24

Khavbo avbo, a di khuye: Baba Abrahama, nyi pwele wusiwana u nyi rumela Lazaro ni simatyana khu nyala ata nyi dzidzidza lidimi, kholu nyi ngu dagarela vbakari nya nilo yoyu.

Luka 19:40

Jesu a di va hakha, khuye: “Va gu degula, siwindri si na gulumela.”

Luka 3:8

Nonedzani mihandro yi yeyedzago gu vbindrugedza mavbanyelo; mu nga dzi pembi sanu, khenu: Ethu hi na ni babe Abrahama. Dzitini nya gukhenu Nungungulu a ngu dzi kodza gu vbindrugedza siwindri sesi si khala sanana sa Abrahama.

Luka 5:22

Aholu Jesu, na tugude maalakanyo yawe, a di khusedza lito a gu va wudzisa, khuye: “Mahingigedzo muni mu gu nawo myonyoni gwanu?

Luka 7:39

Mufarisi wule a nga mu ranago, na wonide esi, a di ganela enga mapimoni gwaye, khuye: “Nari gupwani oyu mwama muprofeti kamwe, na gu muti khu mani, ni gu muthu muni nyamayi a mu khuhago, kholu gighohi!”

Johane 8:33

Va di mu phindrula, khavo: “Ethu hi melego wa Abrahama, gima hi si gu khali dzikhumbi dza muthu, khu ginani u gukhuwe mu na tshulega?”

Johane 8:37

Nyi ngu dziti nya gukheni mu melego wa Abrahama, aholu mwa guvbweta gu nyi songa, kholu magana yangu kha ma beli myonyoni gwanu.

Johane 8:53

Ina uwe u khongolo guvbindra babe wathu Abrahama, a ngafago? Ni vaprofeti va fudego navo? Gasi wa gu dzi gira mani uwe?”

Mithumo 13:26

“Vandruye, mu gu sanana nya melego wa Abrahama, ni ava va guromo vbakari gwanu, va ningago githawo Nungungulu, mahungu yaya nya guvbanyise ma gu rumedwa avbo gwathu.

Mithumo 15:14

Simoni ganede khu edzi Nungungulu, gukhugela guhegulani, a hathidego khidzo vbakari nya va nya mayigo vale va nga ranwago vathu vaye.

Varoma 4:1

Hi na khethu ginani khu babe wathu Abrahama, a gu nyapandre wathu khu tumbunugo? Ginani gi nga mu dugelelago?