Matewu 3:6 - Bhibhiliya Nya Guage

⁶ vaya bhapatiswa khuye tsongoni wa Joridhani, na va gu dawulela sighoho sawe.

Matewu 3:6 Iomraidhean Croise

Ezira 10:1

Avbo Ezira a nga bani a lombelela ni gu gira dawulelo na gu lila na nogide mbeli nya Nyumba ya Nungungulu, gu dita tombana gwaye tshangano nya wungi wa na Israyeli, nya vama, vanyamayi ni sanana; kholu vathu va di gu lila khu wuvi nya wukhongolo ngudzu.

Dzindzimo 32:5

Nyi dawulede gwago giwono gyangu, kha nya gu sihela guvbanya gwangu; eni nyi di ganela, kheni: “Nyi ngu hongola ga Pfhumu Nungungulu, nyi ya dawulela guvivba gwangu!” Uwe u di handza guvivba gwangu, u nyi divalela guvivba nya gighoho gyangu.

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Dhaniyeli 9:4

Nyi di lombelela ga Pfhumu Nungungulu wangu, nyi dawulela sighoho sangu, kheni: Oh! Pfhumu! Nungungulu nya khongolo nya guthavisege, khu lihaladzo lago nya gutumbege, u vegedzago gidzumeledzwano ni avo va gu golago ni gu vegedza milayo yago;

Levhi 16:21

Aroni a na handzega mandza yaye ya mavili hungoni nya nyamabhongwe wu vbanyago a dawulela vbatshani nya phongo yeyi guvivba gwatshavbo ga sanana sa Israyeli, gumba khodwa gwawe ni sighoho sawe, a vega kharati satshavbo hungoni nya nyamabhongwe; khu gu hegisa wu na rumedwa giwulani, wu vbelegedzwa khu mwama a emisidwego gu thuma thumo yoyo.

Levhi 26:40

Aholu, va gu dzi laya khu guvivba gwawe, ni guvivba ga vababe vawe, khu sihoso va nyi giridego; va gu dzi dzi laya khu gu na va hambanide ni dzindzila dzangu,

Mitengo 5:7

Khu guralo, gu vbwetega a dawulela iso a giridego; a bweledzela silo satshavbo a si manidego khu wuvivbi, bwelo khavbo a engedzela gipandre nya livbandre ga wule a mu ghohedego.

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Marko 1:5

Va di mu yela vatshavbo va nga bani va gu vbanya tigoni ga Judheya ni dhoropani ga Jerusalema, gasi guya bhapatiswa khuye tsongoni ga Joridhani; na va gu dawulela sighoho sawe.

Luka 1:16

Khu kotani nya igyo, sanana nya singi sa na Israyeli si na wuya ga Pfhumu Nungungulu wawe.

Luka 3:16

Johane a di va embela vatshavbo, khuye: “Khu lisine, eni nya gu mi bhapatisani khu mati, aholu a nguta uye a gu ni tshivba gu nyi vbindra, oyu eni nyi gu mwalo fanelo nya gunoge nyi mu tshula dzingodzi nya silato saye; uye a nata mi bhapatisani khu Liphuvbo nya Guage ni nilo.

Mithumo 1:5

Kholu, Johane bhapatiside khu mati, aholu enu, ndrani nya matshigu madugwana, mu na bhapatiswa khu Liphuvbo nya Guage.”

Mithumo 11:16

Khavbo avbo, nyi di dundruga magana ya Pfhumu a nga khuye: ‘Johane, khu lisine bhapatiside khu mati, gasi enu mu na bhapatiswa khu Liphuvbo nya Guage.’

Mithumo 19:18

Vatshavbo avo va nga khodwago ga Kristo va di ta va ta dzi sodzisa ni gu dawulela mithumo yawe.

Mithumo 22:16

U nga gu virela gambe ginani, khuga u bhapatiswe, u handzwe sighoho sago khu gu lombelela khu lina laye.’

1 Vakorinto 10:2

Vatshavbo va bhapatisidwe lipfhini ni phwani, va hengela gumogo ni Mosi.

Vakolosi 2:12

Gikhati mu nga bhapatiswa, mu dzingidwe gumogo ni Kristo, mu gu wuga gambe naye kholu mu ngu khodwa ga tshivba ya Nungungulu a mu wusidego.

Vahebheru 6:2

sihevbulo si ganelago khu mahungu nya gubhapatiswe; guhandzega mandza vakristo; ni gu tivisa guwuga ga vafudego, ni gulamudwa nya guhegise.

Vahebheru 9:10

Miningelo ni dzimhamba dzodzo, a diri guhodza ni gusela ni yimbe mikhuwo nya gu dzi agise, yi nga bani yiri ni giphaso basi gikhati Nungungulu a nga bani a si gu vbindrugedzi silo satshavbo si gu khala siphya.

Jakobe 5:16

Khu guralo, embeledzelanani siwono sanu, mu girelana milombelo khu gyanu, gasi mu hawuluga. Nombelo wa muthu a lulamidego wu na ni tshivba.

Josuwa 7:19

Khavbo avbo, Josuwa a di embela Akani, khuye: “Mwanangu, rungudza Pfhumu Nungungulu wa Israyeli, u mu zundza. Nyi embele iso u giridego, nyamba siha ni gimwegyo.”

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.

1 Johane 1:9

Aholu, ha gu dawulela sighoho sathu ga Nungungulu, uye a lulamidego ni gu tumbega a na hi tsetselela sighoho sathu, a hi agisa guvivbani gwatshavbo.