Matewu 27:46 - Bhibhiliya Nya Guage

⁴⁶ Ni silambo, Jesu a di khusedza lito, khuye: “Eli, Eli, lema sabaktani?” Gu tshamusago, pwani “Nungungulu wangu, Nungungulu wangu, khu ginani u nyi digidego?”

Matewu 27:46 Iomraidhean Croise

Dzindzimo 22:1

Nungungulu wangu, Nungungulu wangu, khu ginani u nyi digidego? Ambari nyi wombago dzihuwa, nombelo wangu kha wu vbohi gwago.

Dzindzimo 71:11

va ganela, khavo: “Nungungulu a mu digide;” mu lundreni hi mu mola, kholu mwalo nya gu mu vhikele.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Gililo 1:12

Enu mwatshavbo mu vbindrago khu ndzila, nga khedzani mu wona mwendro gomo gumbe gusaniseka gu vbindrago ugo gwangu, ogu Pfhumu Nungungulu a nyi giredego khu litshigu nya likhulo laye. Mem

Matewu 27:47

Na va mu pwide, vambe nya vale va nga bani varomo vbale, va di khavo: “A gu rana Eliya!”

Marko 15:34

Khu gikhati gyogyo, Jesu a di rana khu lito nya likhongolo, khuye: “Eloyi, Eloyi, lama sabaktani?” Gu tshamusago pwani: “Nungungulu wangu, Nungungulu wangu, khu ginani u nyi digidego?”

Luka 23:46

Jesu a di khusedza lito khu tshivba ni tshivba, khuye: “Baba, mandzani gwago nyi ngu ningela hefemulo wangu.” Na ganede esi, a difa.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.