Vbagihambanotunu khu vbatshani nya hungo waye va di vega milowo yi nga bani yi tshamusela givangelo nya lufu laye. Yi di gu khiyo. “OYU KHU JESU, MUFUMELI WA VAJUDHA.”
Muthangeli nya gikwata nya lizana masotshwa, gumogo navo a nga bani a gu ghadha navo Jesu, na va wonide girevareva gile, gumogo niso si nga bani si dugelela, va di tala khu hwanga, va ganela, khavo: “Khu lisine oyu a diri Gyanana gya Nungungulu!”
Ndruna nya tsawa nya lizana masotshwa yi nga bani yi romo vbafuvbi, na yi wone mafelo yaye, yi di, khiyo: “Khu lisine, oyu mwama a diri Mwamana wa Nungungulu!”
