Matewu 27:32 - Bhibhiliya Nya Guage

³² Avbo va nga bani va duga, va di tshangana ni mwama moyo wa Sirene, nya gupwani khu Simoni. Va di mu gurumedza gu rwala gihambano gya Jesu.

Matewu 27:32 Iomraidhean Croise

1 Dzipfhumu 21:10

Mu emisani vama vavili nya guvivbedwe khu monyo mbeli gwaye, va singedza nandru Nabhoti, khavo: Vade Nungungulu ni mufumeli. Khu hwane mu duseni vbavbandze nya lidhoropa, mu mu pfara khu siwindri kala afa.”

1 Dzipfhumu 21:13

Khavbo avbo, gu dita vama vavili nya guvivbedwe khu monyo, va ta ema mbeli ga Nabhoti. Va di gira wufakazi nya malipha va mu rwega nandru mbeli ga vathu, khavo: “Nabhoti vade Nungungulu ni mufumeli.” Va di mu dzega va mu dusa vbavbandze nya lidhoropa va mu pfara khu siwindri kala afa.

Levhi 4:12

rumba nya gimombyana gyatshavbo, a na gi dzega a gu duga nagyo vbavbandze nya lizumbo, wulangani wu agidego, talatunu va vbaladzelago avbo nguma, aya gi vbisa avbo, vbadzikhunitunu. Gi na vbisedwa vbatalatunu nya nguma.

Levhi 4:21

Khu hwane a na dzega kuzi a duga nayo vbavbandze nya lizumbo, aya yi vbisa avba a vbisidego iyo nya guphele. Owu ningelo nya phaso nya guhandze gighoho nya tshangano.

Levhi 4:3

Oyu a nga ghohago, a gu bani ari muphasi nya mhamba a agisidwego, girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo

Matewu 16:24

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Matewu 5:41

Uye a gu gurumedzago gu mu vbwelegedza pfhuka nya kilometro mweyo, engedzela gu mu vbwelegedza mumbe pfhuka yi khala mivili.

Marko 15:21

Ndzilani va di tshangana ni mwama moyo nya gupwani khu Simoni wa Sirene, babe wa Alexandre ni Rufu, na gu wuya khu gundze, va mu gurumedza guphasa Jesu gu rwala gihambano.

Luka 23:26

Na va gu hongola naye, va di gurumedza mwama moyo nya gupwani khu Simoni wa Sirene, a nga bani a gu wuya khu gundze, va mu rwega gihambano, a gu landra khu hwane ga Jesu.

Johane 19:17

A di duga na va mu rwegide gihambano magatani, a hongola vbawulangatunu wu ranwago khu Gihebheru, pwani: “Goligota,” gutshamusago, pwani “Girwarwatunu.”

Mithumo 11:20

Gasi vambe, va nga bani va guta khu Kipre ni Sirene, va di hongola kala Antiyokiya vaya hevbudza Ivhangeli ya Pfhumu Jesu ga Vagreki.

Mithumo 13:1

Umo nya libandla nya vakhodwa va Antiyokiya, va diromo vaprofeti ni vahevbudzi: Bharinabha ni Simoni a nga bani a gu ranwa pwani Nigeri, ni Lusiyu wa Sirene, ni Manaheme a nga dandra gumogo ni mufumeli Herodhi, ni Sawule.

Mithumo 2:10

ni Firijiya ni Panfiliya, ni Egipito ni va gipandre gya Libhiya, vbinganoni ni Sirene, ni vathu nya gute khu Roma;

Mithumo 6:9

Va dita vathu nya gukari khu Nyumbani nya nombelo yi ranwago pwani khya va nya gutshulega, ni va nya guta khu Kirene, Alexandriya, ni Silisiya ni Aziya, va dita ganedzisana ni Sitefane.

Mithumo 7:58

va mu ndrindrela vbavbandze nya lidhoropa, va mu pfara khu siwindri. Dzifakazi dzi di vegide myendra yawe migondroni ya moyo nya lidzaha nya gupwani khu Sawule.