Matewu 27:29 - Bhibhiliya Nya Guage

²⁹ va di luga gihugu nya miba va mu ambagisa, va mu pharisa sengele khu libogo la nyamudye. Va di vbindra khu khovbeni gwaye, va mu khidzimela, va mu kasuwari, khavo: “Sewe, Mufumeli wa Vajudha!”

Matewu 27:29 Iomraidhean Croise

Dzindzimo 69:7

Khu kotani nya lihaladzo nyi gu nalo khu uwe, nyi ngu vadwa, khovbe yangu yi fenengedzwa khu dzitshoni.

Isaya 49:7

A ngu ganela kharati Pfhumu Nungungulu, Mudzegisi wa Israyeli ni Gihathwa gyaye, wule a vengwago ni gu nyenywa khu mayigo, a gu githumi gya vafumeli nya dzihanyi, khuye: “Avbo vafumeli va na mu wonago, va na khuga va ema, manganagana ma na noga ma khidzima ma mu khozela; kholu lihaladzo la Pfhumu Nungungulu li tumbegide, Nya Guage wa Israyeli a gu hathidego.”

Isaya 53:3

Uye a di nyenywa ni gu hembuludwa vbakari nya vathu; uye a diri muthu nya wuvi ni guti gutshaniseka, a di fanana ni muthu, nya gu, a gu wonwa khu vathu va mu sihalela.

Jeremiya 20:7

Uwe Pfhumu Nungungulu u nyi kotode; uwe khuwe u gu ni tshivba guvbindra eni; tshivba yago yi ngu nyi pala, matshigu yatshavbo nya gu khala gihegiso, vathu vatshavbo va gu nyi hega.

Matewu 20:19

va na mu ningela ga mahedheni va mu vala, va mu kwamula ni gu mu khokhothela vbagihambanotunu. Aholu khu litshigu nya wuraru a na wuga khu ga vafudego.”

Matewu 26:49

A di mu yela khu guvbiredza, aya mu losa, khu besu, khuye: “Sewe, Muhevbudzi!” A mu bhejari.

Matewu 27:37

Vbagihambanotunu khu vbatshani nya hungo waye va di vega milowo yi nga bani yi tshamusela givangelo nya lufu laye. Yi di gu khiyo. “OYU KHU JESU, MUFUMELI WA VAJUDHA.”

Marko 15:17

Va di mu ambagisa giwunguwungu, va luga gihugu nya miba va mu ambagisa hungoni gwaye.

Marko 15:18

Khavbo avbo, va di phela gu mu losa, khavo: “Sewe, Mufumeli wa Vajudha!”