Matewu 26:74 - Bhibhiliya Nya Guage

⁷⁴ Khavbo avbo, a di phela gu vbenyavbenya ni gu sambanya, khuye: “Kha nyi muti muthu yoyo.” Gikhati gyogyo khonge wu di dzegela gu emba.

Matewu 26:74 Iomraidhean Croise

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

Matewu 26:34

Jesu a di mu hakha, khuye: “Khu lisine, nyi ngu gu embela: Wutshigu wa muhuno u na nyi danga nyondro tharu, ni khonge nasi gu embi.”

Matewu 26:73

Khavbo avbo, a di hidzimeledwa khavo va nga bani varomo vbale, va mu embela, khavo: “Khu lisine uwe u moyo wawe, kholu ni maganelelo yago ma ngu gu thuledza.”

Matewu 26:75

Khavbo avbo, Pedro a di dundruga mahungu ya Jesu, nya gukhayo: “Uwe u na nyi danga nyondro tharu khonge nasi gu embi.” A di duga vbavbandze aya lila khu wuvi waye watshavbo.

Matewu 27:25

Gasi gidzemo gyatshavbo gi di hakha, khigyo: “Nandru yoyo nya lufu laye wu na thegele ethu ni sanana sathu!”

Marko 14:30

Jesu a di mu hakha, khuye: “Khu lisine nyi ngu gu embela, wutshigu wa muhuno, u na nyi danga guraru khonge na wu si gu embi guvili.”

Marko 14:68

Aholu, uye a di danga, khuye: “Kha nyi muti, ne vbadugwana.” Khavbo avbo, a di khuga aya khala vbamwanyatunu. Gikhati gyogyo wu di emba khonge.

Luka 22:60

Pedro a di khuye: “Amasawu, kha nyi siti niso u ganelago.” Gikhati gyogyo, na ngu gu ganela, wu di emba khonge.

Johane 18:27

Pedro a di danga nyaluphye. Gikhati gyogyo wu di emba khonge.

Varoma 9:3

Nyi di gu dogorela gu vadwa, givili gyangu gi dzudzugwa ni gu hambaniswa ni Kristo, nari gupwani iso sa gu dzi kodza gu phasedzela vandriyangu nya mavelego.

1 Vakorinto 16:22

Muthu a gu mwalo lihaladzo ga Pfhumu a na vadwe: “Maranatha” (Delu Pfhumu)!

Gutuledwa 3:19

Eni, nya gu kawuka ni gu laya avo nyi va golago. Khu kharato, dzi garadze, u vbindrugedza mavbanyelo u wuye ga Nungungulu.

Valamuli 17:2

a di ganela ga mayi waye, khuye: “Gyuma nya likhumi na limwedo mazana (1.100) singerengere nya parata u nga bani u wandredwe u nga kala u ganela guvivba khu kotani nya igyo, kheni nyi gu nagyo.” Khavbo avbo, mayi waye a di mu embela, khuye: “Pfhumu Nungungulu a na gu kategise, mwanangu.”

Valamuli 21:18

Aholu ethu kha hi yeli gu lowodzisa sanana sathu avbo gwawe si khala vagadzi vawe, kholu va na Israyeli va sambanyide, khavo: A na vadwe wule a lowodzisago nyamahegyane waye ga va na Bhejami.”