Matewu 26:70 - Bhibhiliya Nya Guage

⁷⁰ Aholu, Pedro a di danga mahoni nya vathu vatshavbo, khuye: “Kha nyi si ti iso u si thulago.”

Matewu 26:70 Iomraidhean Croise

Mavingu 28:26

Muthu a dzi tumbago uye mune wurumba, gipumbu; gasi uye a gimbilago khu wugengeli, a na vbanya.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

Isaya 57:11

Aholu khu mani u nga khala khuye hwanga mwendro gu mu thava, gu kala u lipha u si nyi alakanyi ambari gu thela kota khu eni? Gasi khu nyi thavi, kholu nyi nga degulago gikhati nya gulaphe, gani?

Jeremiya 17:9

Gimwalo gi kanganyisago guvbindra monyo, madwali yaye kha ma thumwi. A na tidwa khu mani?

Matewu 26:51

Moyo nya vale nya likhumi na vavili va nga bani vari ni Jesu a di homola litshari a bayisa khilo githumi gya khongolo nya vaphasi, a gu gi pila ndzeve.

Matewu 26:56

Aholu satshavbo sesi sa gu girega, gasi gu tadzisega Milowo ya vaprofeti.” Khavbo avbo, vapizane vatshavbo va di mu tshiya enga, va gu thava.

Matewu 26:58

Pedro a di mu landrisela khu hwindzo kala gu vboha ndrangani ga Muphasi nya Khongolo. Na vbohide, a di ya khala avbo si nga bani si khade sithumi, na gufela gu wona mavbelelo nya satshavbo sile.

Matewu 26:69

Gikhati gyogyo, Pedro, na khade vbavbandze, a di vbohedwa khu nyamahegyane a nga bani ari githumi gya ndrangani mule, a mu embela, khuye: “Uwe nuwe u diri ni Jesu, Mugalilewu.”

Matewu 26:71

Na gu hongola mwanyatunu, a di wonwa khu mumbe nyamahegyane nya githumi nuye, a nga embelago avo a nga bani ari navo, khuye: “Oyu nuye a diri ni Jesu, Munazarenu.”

Luka 22:57

Aholu Pedro a di danga, khuye: “Nyamayi, eni kha nyi muti.”

Varoma 11:20

Lisine ilolo. Avo va kokidwe khu kotani nya gumba khodwa, gasi uwe olu u vegidwe wulangani wowo khu kotani u khodwago. Ambari ulo, u nga dzi giri matshandza khu kotani nya isoso. Aholu gu vbwetega gu dzi wonela.

1 Vakorinto 10:12

Khavbo avbo, oyu a dzi pwago na tiyide, a na dzi wonele gumba thega.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”