Matewu 26:63 - Bhibhiliya Nya Guage

⁶³ Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Matewu 26:63 Iomraidhean Croise

1 Dzipfhumu 22:16

Mufumeli a di mu embela, khuye: “Kala lini na nyi gu gu sambanyisa gukheni, u nga ganeli simbe silo vbavbandze nya lisine khu lina la Pfhumu Nungungulu, na?”

2 Dzikoronika 18:15

Mufumeli a di mu embela, khuye: “Kala lini na nyi gu gu embela gukheni, u nyi embela silo nya gutshambe khu lina la Pfhumu Nungungulu?”

Dzindzimo 42:2

Hefemulo wangu wu na ni lidora la Nungungulu, Nungungulu a vbanyago; lini nyi na guta nyi ta wonega mbeli nya khovbe ya Nungungulu?

Mavingu 29:24

Wule a girago wupari ni mbafa a gu venga womi waye, kholu a ngupwa sihoso, aholu kha si pwadzi.

Isaya 53:7

Uye a di tshaniswa a pwiswa wuvi, aholu, a di dzi thesa vbavbatshi, nyamba tula likana; gu fanana ni nvuta yi yiswago gusongwatunu, ni nvuta yi degulago gikhati va yi gayago mawoya; uye nuye kha nga tula likana.

Dhaniyeli 3:16

Aholu Sadraki, Misaki ni Abhedhi-Negho, va di phindrula mufumeli Nabhukodhonosori, khavo: “Ethu kha hi vbweti gu gu ninga phindrulo khu mahungu yoyo.

Levhi 5:1

Muthu a gu ranwa vbamahungutunu gasi guya gira wufakazi nya esi a si wonego mwendro a sitigo, aholu a si dzumeli guya fakaza, muthu yoyo a ngu rwala nandru nya gighoho gyogyo;

Matewu 16:16

Simoni Pedro a di khusa lito a gu phindrula, khuye: “Uwe khuwe Kristo, Mwamana wa Nungungulu a vbanyago.”

Matewu 26:62

Khavbo avbo, khongolo nya vaphasi vatshavbo a di khuga a mu wudzisa, khuye: “Khu phindruli gilo? Wari khuwe ginani khu ketso yeyi?”

Matewu 27:12

Aholu, na gu ketsarwi khu vakhongolo nya vaphasi ni madhota, kha nga hakha gilo.

Matewu 27:14

Aholu uye kha nga phindrula gilo kala mwamangulu a gu liwuga ngudzu.

Matewu 27:40

“Ah! Nga tshiga, na! Uwe u dzi kodzago gu khungumula Nyumba ya Nungungulu, u yi vbahedza khu matshigu mararu! Nga dzi vbanyisa, u tshiga khu vbagihambanotunu vbovbo, wa gu bani uri gyanana gya Nungungulu!”

Matewu 27:43

Tumbide Nungungulu; a na vbulugiswe khuye a gu bani a mu gola, kholu ganede, khuye: ‘Eni nyi gyanana gya Nungungulu!’ ”

Matewu 27:54

Muthangeli nya gikwata nya lizana masotshwa, gumogo navo a nga bani a gu ghadha navo Jesu, na va wonide girevareva gile, gumogo niso si nga bani si dugelela, va di tala khu hwanga, va ganela, khavo: “Khu lisine oyu a diri Gyanana gya Nungungulu!”

Matewu 4:3

Khavbo avbo, mulingi a di ta, khuye: “Wa gu bani uri Mwamana wa Nungungulu, ruma siwindri sesi si vbindrugedze si khala guhodza.”

Marko 14:61

Aholu, uye a di degula nyamba mu hakha. Muphasi nya khongolo a di wudzisa gambe, khuye: “Ina khuwe Mesiya, Mwamana wa Nungungulu nya Gurungudzwe, gani?”

Johane 1:34

Nyi si wone khu maho yangu; nyi ngu fakaza nya gukheni uye Mwamana wa Nungungulu.”

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

Johane 10:24

Vajudha va di mu randrela, va mu wudzisa, khavo: “U na hi tshula lini? Wa gu bani uri uwe Kristo, ganela lisine.”

Johane 10:30

Eni ni Babe hi moyo basi.”

Johane 10:36

Eni, Nungungulu a nyi hathide a nyi rumela mafuni. Khu ginani mu nyi wugelago khenu nyi na ni mapepetela kholu nyi nga ganela kheni nyi Mwamana wa Nungungulu?

Johane 18:37

Pilato a di khuye: “Gasi kamwe u Mufumeli?” Jesu, khuye: “Nya nga ulo u ganelago! Eni nyi Mufumeli! Nyi velegedwe isoso; khiso nyi si tedego mafuni, gasi guta ninga wufakazi nya lisine. Uye a gu wa lisine a ngupwa lito langu.”

Johane 19:7

Vajudha va di mu hakha, khavo: “Ethu hi na ni nayo. Khu guruma nya nayo yoyu, a ngu yela gufa, kholu a dzi giride Mwamana wa Nungungulu!”

Johane 19:9

A di bela gambe nyumbani nya gulamulele umo mahungu, a wudzisa Jesu, khuye: “Gasi wa guta khu hayi?” Aholu Jesu kha nga mu hakha.

Johane 20:31

Esi si lovidwe gasi mu khodwe gukhenu Jesu khu Kristo, Mwamana wa Nungungulu; gasi khu gu khodwa, mu mane guvbanya linani gwaye.

Johane 6:69

Ethu hi ngu khodwa, gumogo ni gu dziti gukhethu uwe khuwe Gihathwa gya Nungungulu.”

Johane 8:25

Khavbo avbo, va di mu wudzisa, khavo: “Gasi khuwe mani?” Jesu a di va phindrula, khuye: “Nyi mi embedeni gukhugela guhegulani gukheni: Kheni mani!

2 Vakorinto 1:19

Kholu Mwamana wa Nungungulu, Jesu Kristo, hi nga mi tivisani, Silivhano, Thimoti, ni eni kha khala “Ina ni ahihi,” aholu gikhati gyatshavbo a di khala “Ina.”

1 Pedro 2:23

Gikhati a nga vadwago kha hakha khu guvala, gikhati a nga saniswa kha wugela muthu, aholu a di vega gutumba gwaye gwatshavbo ga Mulamuli wule nya lisine.

1 Samuweli 14:24

Khu litshigu lile, va na Israyeli va di guvbisega ngudzu, kholu Sawule a di gurumedza vathu khu gisambanyo gyaye, khuye: “A na vadwe wule a na hodzago li si gu pfoli lidambo, gasi nyi kodze gu dzi phodzela ga valala vangu.” Khu guralo, mwalo ni moyo a nga linga guhodza.

1 Samuweli 14:26

Avbo vathu va nga vbohago khabini, va di wona wulombe na wu gu goga; Aholu, mwalo a nga tiya gu wu dzega khu mandza a thela kanani, kholu vathu va di gu thava gisambanyo.

1 Samuweli 14:28

Khavbo avbo, moyo nya musotshwa a di khuye: “Babe wago sambanyide ga vathu a ganela, khuye: A na vadwe wule muhuno a na hodzago guhodza. Khu guralo, vathu va garade ngudzu.”