Matewu 26:53 - Bhibhiliya Nya Guage

⁵³ Wa gu pimisa nya gukhuwe nya gu tandrwa khu gu lomba ga Babe wangu gu a nyi rumela nugunugu likhumi na sivili sikwata nya dzingilozi, ni gu vbindrisa, gani?

Matewu 26:53 Iomraidhean Croise

2 Dzipfhumu 6:17

Elizewu a di lombelela a ganela, khuye: “Pfhumu Nungungulu, nyi ngu lomba gukheni U mu tule maho, gasi a wone.” Pfhumu Nungungulu a di tula maho ya githumi gi wona; khavbo avbo, a di wona gigomo na gi tade khu dzikavalu ni dzikareta nya nilo na dzi randrede Elizewu.

Dhaniyeli 7:10

Wu di duga tsongo nya nilo khu mbeli gwaye, a thumedwa khu mazanazana nya vathu; mbeli gwaye gu diri ni makhulukhulu nya vathu. Phathani gu di phedwa gu lamudwa mahungu, gu tudwa mabhuku.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Matewu 4:11

Khavbo avbo, Sathane a di mu diga a hongola; dzingilozi dzi dita dzita mu thumela.

Marko 5:15

Na va vbohide avba a nga bani a romo Jesu, va di wona muthu wule a nga bani ari ni maphuvbo nya guvivbe na khade, na ambade dzingandzu dzaye, nari ni mapimo yaye yatshavbo, va di khala hwanga.

Marko 5:9

Khavbo avbo, Jesu a di mu wudzisa, khuye: “Gasi khuwe mani lina lago?” Uye a di mu hakha, khuye: “Kheni lidhuma, kholu hi vangi.”

Luka 8:30

Jesu a di mu wudzisa, khuye: “Khuwe mani, lina lago?” Mwama a di hakha, khuye: “Kheni lidhuma.” A di hakha kharati, kholu maphuvbo nya mangi a nga bani ari nawo.

Johane 10:18

Kha nyi dzegedwi khu muthu; kheni mune nyi wu ningelago. Nyi ngu dzi kodza gu wu ningela ni gu wu dzega nyaluphye. Khiso esi sileletelo nyi nga ningwa khu Babe.”

Johane 18:36

Jesu a di khuye: “Mufumo wangu khandri wa mafuni momu. Nari pwani mufumo wangu khwa mafuni momu, sithumi sangu na si dwanide, gasi nyi si ningedwi ga Vajudha; aholu, mufumo wangu khandri wa omu.”

2 Vatesalonika 1:7

Gasi enu mu nga sanisekago gumogo ni ethu, a na hi ninga guhefemula gikhati a na gutago khu Ndzadzini Pfhumu Jesu Kristo, gumogo ni dzingilozi dzaye, na tade khu tshivba.

Judha 1:14

Khu kotani yawe, Enoki nuye, gitugulwana nya livbandre na sivili ga Adhamu, profetide khu kotani yawe, khuye: “Wonani, Pfhumu a nguta gumogo ni mabutho nya mazanazana nya sihathwa saye, gasi,