Matewu 26:38 - Bhibhiliya Nya Guage

³⁸ Khavbo avbo, a di va embela, khuye: “Hefemulo wangu wu tade khu gusaniseka nya lufu; khalani avba gasi gu nyi bangaladza.”

Matewu 26:38 Iomraidhean Croise

Dzindzimo 116:3

Nyi hungidwe khu dzitshinga nya lufu, ligoga nya lithowo li di nyi mode, eni nyi di tala khu guthava ni gusaniseka.

Dzindzimo 42:5

Uwe monyo wangu, khu ginani u khuvekidego? Wa gu vbisega khu ginani ndrani gwangu? Tumba Nungungulu, kholu nyi nga na gu mu rungudza, uye khuye muphasi ni Nungungulu wangu.

Gizimba 5:3

Mwangadzi —Nyi tshude guambala gwangu; nyi bwelo khavbo nyi gu ambala gambe, gani? Nyi hambide migondro, nyi na bwelo nyi mi thela gambe ndzilo, gani?

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Isaya 53:12

Khu guralo, nyi na mu ninga vathu nya vangi, kha nga gipandre gyaye nya thomba, a na kabana phango gumogo ni sitetema; kholu a di ningela womi waye a songwa; a sayedwa gumogo ni sighohi, gikhati a rwadego sighoho sa vathu nya vangi, a di lombelela khu sighohi.

Isaya 53:3

Uye a di nyenywa ni gu hembuludwa vbakari nya vathu; uye a diri muthu nya wuvi ni guti gutshaniseka, a di fanana ni muthu, nya gu, a gu wonwa khu vathu va mu sihalela.

Matewu 25:13

Khu kharato, khalani na mu dongide, kholu kha mu liti litshigu ni gikhati a natago khigyo Mwamana wa Muthu.

Marko 14:34

A di va embela, khuye: “Hefemulo wangu wu tade khu gutshaniseka nya gufe. Khalani avba mu nyi bangaladza.”

Johane 12:27

“Olu hefemulo wangu womo gutshanisekani. Nyi na kheni ginani? Baba, nyi vbulugise ga gikhati gegi nya sitshaniso? Olu a gu iso nyi nga si telago, ke!

Varoma 8:32

Uye a ngamba felela Mwamana waye, a nga mu ningela khu kotani yathu, ginani gi na mu tandregisago gu hi ninga satshavbo simbe silo gumogo ni Mwanaye?

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vagalatiya 3:13

Kristo a hi vbulugiside ga givalo nya Nayo khu gu dzi ningela a vadwa wulangani gwathu. Kholu Milowo nya Guage yari, khiyo: “Vadwe muthu watshavbo a vbayegwago vbagihambanotunu.”

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.