Matewu 25:34 - Bhibhiliya Nya Guage

³⁴ Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Matewu 25:34 Iomraidhean Croise

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Mavingu 11:17

Muthu nya wadi a gu nengedzisa hefemulo waye, aholu uye nyambasi wadi, a gu pwisa wuvi mili waye.

Isaya 33:22

Aholu Pfhumu Nungungulu khuye mulamuli wathu, Pfhumu Nungungulu khuye muvegi nya nayo wathu, Pfhumu Nungungulu khuye Mufumeli wathu; khuye a na hi vbanyisago.

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Dhaniyeli 9:25

Olu dziti gwadi ni gu pimisa esi: “Gukhugela gu nga duga sileletelo si rumago gu wusedza ni gu vbahedza Jerusalema, kala gu vboha Mesiya, uye a gu Pfhumu, gu na manega livbandre na dzimbili dzisemana; khu livbandre na limwedo magumi dzisemana. Gu na wusedzwa lidhoropa gu wusedzwa dzindzila ni makhokhola, aholu a na bani ari matshigu nya sigaradzo.”

Sofoniya 3:15

Pfhumu Nungungulu ndreyiside sitsayiso a nga bani a dongisede guta gu tsayisa khiso, a tutumiside hwindzo valala vago, Pfhumu Nungungulu, Mufumeli wa Israyeli, womo vbakari gwago. Gima khu na nga wona gambe guvivba.

Matewu 13:35

Gasi gutadzisega kharati, magana ya muprofeti, a nga khuye: “Nyi na ganela khu sipimaniso, gasi gu tivisa silo si nga bani si sihalegide gukhugela guvangwa nya litigo.”

Matewu 19:29

Gasi watshavbo wule a nga digago ndranga, vandruye, nya vama ni vanyamayi, babe, mayi, mwangadzi, sanana ni sipeto khu kotani nya lina langu, a na si mana na si engedzedwe lizana dzinyondro, bwelo khavbo a mana guvbanya nya gupindruge.

Matewu 20:23

Jesu a di khuye: “Ina khu lisine mu na selani gikombe gyangu; aholu gu khala nyamudye gwangu mwendro nyambade gwangu, kha si tidwi kheni; isoso sa gu lumba vale va dongisedwego khu Babe wangu.”

Matewu 21:5

“Embelani nyamahegyane wa Siyoni. Khenu khedza Mufumeli wago, a gu telago khu gurula, na khilede giburwana, gyanana nya buru.”

Matewu 25:21

Pfhumu yi di, khiyo: ‘U tshambiside, githumi nya gyadi, nya gutumbege; kha nga olu u nga thembegago siloni nya sidugwana, nyi na gu pharisa nya singi. Bela buzoni gwa pfhumu yago.’

Matewu 25:23

Pfhumu yi di, khiyo: ‘U tshambiside, githumi nya gyadi, nya guthembege; kha nga olu u thembegidego siloni nya sidugwana, nyi na gu pharisa nya singi. Bela buzoni gwa pfhumu yago.’

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Matewu 25:41

“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye.

Matewu 27:37

Vbagihambanotunu khu vbatshani nya hungo waye va di vega milowo yi nga bani yi tshamusela givangelo nya lufu laye. Yi di gu khiyo. “OYU KHU JESU, MUFUMELI WA VAJUDHA.”

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 5:19

Khu kharato, uye a na gu kanyisago siguruvedzo sesi nya sidugwana, a hevbudza kharato vathu, a na bani ari dugwana Mufumoni wa Ndzadzini. Aholu uye a si landrisago ni gu si hevbudza mu vathuni, a na bani ari khongolo Mufumoni wa Ndzadzini.

Marko 10:17

Na gu duga a hongola, a di khingwa khu mwama na gu tutuma, a ta khidzima migondroni gwaye a mu wudzisa, khuye: “Muhevbudzi nya wadi, ginani nyi fanelago gu gira gasi nyi mane guvbanya nya gupindruge?”

Marko 10:40

aholu, gu khala nyamudye mwendro nyambade gwangu kha si tidwi kheni; iso sa gu lumba vale va dongisedwego.”

Luka 11:28

Aholu Jesu a di hakha, khuye: “Indra, khuwe: Va kategide avo va pwago magana ya Nungungulu, va ma landrisa.”

Luka 11:50

Khu kharato, Nungungulu, a na lamula mela wa muhuno khu novba watshavbo wa vaprofeti wu vbaladzidwego gukhugela gu girwa nya mafu,

Luka 12:32

Jesu a di engedza, khuye: “Mu nga thavi, tshambi dugwana, kholu Babe wanu dzinide gu mi ninga mufumo waye.

Luka 19:38

khavo: “A na rungudzwe Mufumeli atago khu lina la Pfhumu! Gurula Ndzadzini, ni gidhumo ga Nungungulu!”

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

Johane 12:13

va di dzega matamo nya migindru, va mu khinga, na va gu emba, khu lito limwedo, khavo: “Hosana! A na rungudzwe uye atago khu lina la Pfhumu! A na rungudzwe Pfhumu ya na Israyeli!”

Johane 17:24

“Baba, nya guvbweta gukheni vale u nyi ningidego va manege navo avbo nyi na gu manegago eni, gasi vafela gu wona gidhumo gyangu, gidhumo gile u nyi ningidego, kholu uwe u nyi gode na li si gu vangwi litigo.

Johane 19:15

Aholu, avo va di gulumela, khavo: “A nafe, a nafe! Mu khokhothele!” Pilato a di khuye: “Nyi khokhothela Mufumeli wanu?” Vakhongolo nya vaphasi nya mhamba va di mu hakha, khavo: “Hi mwalo mumbe mufumeli vbavbandze ga Sezari!”

Mithumo 15:18

a ngu ganela Nungungulu a nga tulelago gu tidwa silo sesi khu myaga ya gale.’

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Varoma 8:17

Ha gu bani hiri sanana, gu yeyedza gu pwani hi vahodzi gambe nya thomba; hi vahodzi nya thomba ya Nungungulu gumogo ni Kristo. Ha gu tshaniseka naye, hi na hengela gambe naye wudhumoni gwaye.

1 Vakorinto 15:50

Khu maganelelo yaya, vandriyangu, nya guvbweta gu mi embela kheni, muthu nya mafu kha dzi kodzi uye wurumba waye, gu hakha thomba nya Mufumo wa Nungungulu. Egi gi gu ni lufa kha gi yeli gu hakha thomba nya guvbanye nya gupindruge.

1 Vakorinto 2:9

Aholu, kha nga yi ganelago Milowo nya Guage, khiyo: “Pfhumu dongisede ga vale va mu golago silo nya gu gima mwalo a si wonidego, mwendro gu sipwa, gambe mwalo a nga si pimisa.” Khiso esi Nungungulu a si dongisedego ga avo va mu golago.

1 Vakorinto 6:9

Ina mwa gu hangwa khu gukhenu va nya guvivbedwa khu monyo, gima kha va na nga hodza thomba nya Mufumo wa Nungungulu, gani? Mu nga dzi pembi! Va nya horo, va nya guphasa sithombe nya vanungungulu nya malipha, ni sibhayi, ni vama va dzi girago vanyamayi, va bhayana khu gyawe mwama ni mwama kwawe,

Vagalatiya 5:21

lidiwo, wughevenga, wubewudzi, limidzo, wubhemba ni silo nya nga esi; nyi ngu mi laya, kha nga nyi talago gu mi embela khu gale, kheni: Oyu a girago silo nya nga esi, gima kha na nga hodza thomba nya Mufumo wa Nungungulu.

Vaefeso 5:5

Dzitini gwadi gukhenu muthu nya wubhayi, nya liphuphulu ni ligungo, ni va nya gukhozela vanungungulu nya malipha, gima kha va na hodza thomba mufumoni wa Kristo ni wa Nungungulu.

1 Vatesalonika 2:12

Hi mi embede, hi mi tiyisa ni gu mi yeyedzani, edzi mu vbwetago gu landra khidzo gudzina gwa Nungungulu, a mi ranidego guya belani wudhumoni nya Wufumu waye.

2 Thimoti 2:12

Ha gu saniseka gumogo naye, hi na fuma naye. Ha gu mu danga, uye nuye a na hi danga.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Vahebheru 11:16

Aholu, avo va di vbweta litigo nya ladi ngudzu, litigo la ndzadzini. Nungungulu kha khali dzitshoni gu ranwa pwani Nungungulu wawe, kholu khuye a va dongisedego lidhoropa.

Vahebheru 4:3

Khu guralo, ethu hi khodwago, hi ngu bela guhefemulani gu thudwago khu Nungungulu, khuye: “Nyi di swihala ngudzu nyi kala nyi sambanya, kheni: Ava vathu gima kha va na nga bela tigoni nya guhefemule, avo gima kha va na nga bela guhefemulani gwangu nyi va dongisedego.” Nungungulu ganede esi ambari ulo guhefemula gwaye gu phedego litshigu a nga vbedzisa gu vanga litigo.

Vahebheru 9:26

Nari pwani a di gira kharato, a di vbweta gusaniseka dzinyondro nya dzingi, gukhugela guvangwa nya litigo. Olu gikhati gi yago guhegisani, uye a dzi wonegiside gumogo basi guvbela, afela gu fuvisa gighoho khu mhamba nya gufe gwaye.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

1 Pedro 1:9

Enu mu na ni gunengela gogo kholu mu hakhago mihandro nya gukhodwe gwanu, a gu guvbanyiswa nya mihefemulo yanu.

1 Pedro 3:9

Mu nga bweledzeli guvivba khu guvivba, ambari guvala khu guvala. Aholu kategisani kholu mu ranedwe guta hakha gikategiso.

Gutuledwa 13:8

Vathu vatshavbo va mafuni va di khozela girengo, vale malina yawe ma nga mba lowa libhukuni nya womi li vegisidwego khu Nvutana yi payidwego gukhugela nya guvangwe litigo.

Gutuledwa 17:8

“Girengo u nga gi wona gi diromo, aholu gi mwalo gambe; gya gu duga khu phalani giya mbembiswa; vathu va tigoni, vale malina yawe ma sa lowago libhukuni nya womi, gukhugela nya gu vangwe litigo, va na samadziswa khu gu wona gukhavo girengo gi nga bani giromo, gi mwalo gambe, aholu gi na tumbuluga nyaluphye.

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”

Gutuledwa 21:7

Oyu a na palago a na hakha thomba yeyi, eni nyi na khala Nungungulu waye, ni uye a khala gyanana gyangu.

Gutuledwa 5:10

U va giride vafumeli ni vaphasi nya mhamba ya Nungungulu wathu; avo va na fuma mafuni.”