Matewu 25:14 - Bhibhiliya Nya Guage

¹⁴ “Kholu esi sa gufanane gambe ni mwama moyo a nga dongago lipfhumba, na guvbweta gu khuga aya hwindzo, a di rana sithumi saye a si tshiyedza thomba yaye.

Matewu 25:14 Iomraidhean Croise

Matewu 21:33

“Yingisani gimbe gipimaniso: Babe moyo nya ndranga a di lima lithembwe, a yala miuvha, a gu bhiya, a gira gitshindro nya dziuvha ni gikoli nya gughadhe khavbo. Na vbedzide, a di li tshiyedza valimi a gu endra a hongola hwindzo.

Marko 13:34

Gu ngu fanana ni muthu nya gukari a nga donga liendro, a di khuga a tshiyedza ndranga ga sithumi saye, a kabanisela mithumo ga moyo ni moyo, a ruma ghadhi gu tshala yi khevisela.

Luka 20:9

Khavbo avbo, Jesu a di phela gu ganela vbakari nya vathu, a gu va ninga gipimaniso gegi, khuye: “Muthu nya gukari a di lima lithembwe nya miuvha, a li tshiyedza valimi, a gu endra nya guya vbedza matshigu nya gulaphe, vbavbandze nya mayigo.

1 Vakorinto 12:4

Siningwa si hambane, aholu, Liphuvbo limwedo;

1 Vakorinto 3:5

Gasi ginani Apolo? Pawulo ginani? Sithumi basi; enu mu hakhide gukhodwa khu thumo wawe. Kholu moyo ni moyo nya ethu a gu thuma esi a ningidwego gu thuma khu Pfhumu.

Vaefeso 4:11

Khuye a kavedzedego vathu siningwa: Vambe a va ninga wuhigo nya gukhale vapostoli, vambe vaprofeti, vambe vavhangeli, vahavisi, ni vahevbudzi.