Matewu 25:1 - Bhibhiliya Nya Guage

¹ “Mufumo wa Ndzadzini wu ngu fanana ni likhumi sagadzyana si nga dzegago dzikandriya dzawe si gu hongola guya khinga mwane.

Matewu 25:1 Iomraidhean Croise

Dzindzimo 45:14

Va ngu mu yisa mbeli ga Mufumeli na ambagisidwe dzingandzu nya gulugedwe; a ngu vbelegedzwa khu dzimbiri dzikwawe nya makendzi, va di bela vatshavbo.

Gizimba 1:3

khu gutshamba nya gunungele nya mafura yago; lina lago la gu fanana ni mafura ma guhudwego; khidzo u haladzwago khidzo khu sagadzyana.

Gizimba 5:16

Khanani gwaye gwa gulombela ngudzu; giemo gyaye gyatshavbo khya gu golega. Khidzo a khadego khidzo gigodwa gyangu eno mwama wangu, enu va nyamahegyanenu va Jerusalema.

Gizimba 5:8

Nyi ngu mi lombani enu sagadzyana sa Jerusalema, mwa gu manani gigodwa gyangu mu na gi embela ginani? Gi embeleni khenu nyi ngu vbisega khu lihaladzo.

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Matewu 13:24

Jesu a di va ninga gimbe gipimaniso, khuye: “Mufumo wa Ndzadzini wu ngu fanana ni muthu a nga yalago mbewu nya yadi thembweni gwaye.

Matewu 13:31

Jesu a di va ninga gimbe gipimaniso, khuye: “Mufumo wa Ndzadzini wu ngu fanana ni mbewu nya ginapi, muthu a nga yi dzegago a yala thembweni gwaye.

Matewu 13:38

Lithembwe khu litigo; mbewu nya yadi khu sanana nya Mufumo; nyasavare khu sanana sa Sathane;

Matewu 13:47

“Mufumo wa Ndzadzini wu ngu fanana gambe ni dzikhoga dzi theswago matini dzi mola mafumbu yatshavbo nya dzindzandzi.

Matewu 20:1

“Kholu Mufumo wa Ndzadzini wu ngu fanana ni mune ndranga a nga vindrugelago gu gimbila a vbweta vathu nya guta lime thembweni gwaye nya miuvha.

Matewu 22:2

“Mufumo wa Ndzadzini wu ngu fanana ni mufumeli moyo a nga dongiselago buzo nya dzegano wa mwamana waye.

Matewu 25:7

Khavbo avbo, sagadzyana sile si di khendzuga satshavbo, si dongisela dzikandriya dzawe.

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Matewu 9:15

Jesu a di va hakha, khuye: “Ina gu ngu kodzega gu dziphelegedzi dza mwane dzi swihala na dziri naye, gani? Ma nguta matshigu va na gu dzegedwago mwane. Gikhati gyogyo va na hala!”

Johane 18:3

Judha a di vbelegedza tsawa nya masotshwa ni dzindruna dzi nga rumedwago khu vaphasi nya vakhongolo ni Vafarisi, vari ni myenge ni matshari.

Johane 3:29

Buzoni nya dzegano mudzegi khuye a gu ni mwangadzi gasi phelegedzi ya mudzegi, a gu iyo yi mu bangaladzago ni gu mu yingisa, ya gupwa lito la mudzegi ya gu tsaka ngudzu. Khilo eli litsako langu nya guvbelele.

Mithumo 20:8

Nyumbani nya gitezi hi nga bani hi tshanganede umo, dzi di khondrisidwe dzikandriya nya dzingi;

1 Vakorinto 11:2

Nyi ngu mi zundza, vandruye, kholu mu ngu nyi alakanya ga silo satshavbo, ni gu sayisa milayo nyi nga mi tshiyelani.

2 Vakorinto 11:2

Gu khathala gu ngu nyi girisa wufu, linani ga Nungungulu. Kholu enu mu khade nga sagadzyana nya makendzi, nyi mi ningedego ga mwama moyo basi, a gu Kristo.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Gutuledwa 14:4

Ava khu vale va ngamba dzi nyenyezisa khu vanyamayi, vale va nga khala na va dzi vegiside; khavo va landrelago Nvutana malangani yatshavbo. Va di dzegiswa vbakari nya vathu nga matiwula ga Nungungulu ni ga Nvutana.

Gutuledwa 19:7

Hongoleni hi tsake, hi nengela ni gu mu rungudza, kholu gi vbohide gikhati nya buzo wa Nvutana, mwangadzi waye gambe a dzi dongisede,

Gutuledwa 21:2

Eni Johane, nyi di wona gambe na gu tshiga khu ndzadzini, khiyo ga Nungungulu, Lidhoropa nya gukatege, Jerusalema guphya, gu dzi dongisedego nga nyamayi a dzi mburisedego gasi guya hakha mwama waye.

Gutuledwa 21:9

Khavbo avbo, nyi di wona ngilozi mweyo nya dzile nya livbandre na dzimbili dzingilozi dza Nungungulu dzi nga bani dzi pharide livbandre na sivili sikombe nya gutale khu livbandre na sivili sitsayiso, yi dita gwangu yita, khiyo: “Delu! Nyi na gu yeyedza Mwangadzi wa Nvutana.”

Gutuledwa 4:5

Gikhalo gegi gi di lasa ni gudzumadzuma, ni gu pandra mabara. Khu mbeli yi di khondrisidwe livbandre na mivili myenge, a gu livbandre na mavili maphuvbo ya Nungungulu.

Gutuledwa 8:10

Ngilozi nya wuraru yi di womba niyo pundru waye, nyeledzi nya yikhongolo yi di thega khu ndzadzini, na yi gu dzura kha nga mwenge. Yi thegede gipandre nya wuraru nya mitsongo ni sifefe nya mati.