Matewu 24:7 - Bhibhiliya Nya Guage

⁷ Mayigo ma na wugelana; ni mifumo yakone yi na wugelana niyo; dzi na manega dzindzala, mitungu ni sirevareva malangani nya gutale.

Matewu 24:7 Iomraidhean Croise

2 Dzikoronika 15:6

Kholu litigo li di wugela limbe litigo, lidhoropa li wugela limbe lidhoropa; kholu Nungungulu a di va khunguvanyisa khu dzitshanisa nya dzingi.

Isaya 19:2

Kholu Eni nyi na gira gu Vagipiti va dwana ni Vagipiti vakwawe; muthu ni muthu a na wugela ndriyaye, ni mumbe a na wugela muakelane waye, lidhoropa li na wugela limbe lidhoropa, mufumo wu wugela wumbe mufumo.

Isaya 29:6

Pfhumu Nungungulu nya Tshivba Yatshavbo, a nata gu tsayisa khu mabara, sirevareva, ni gudzuma nya guthise, ni singulu ni sipupwane ni malavbelavbe nya nilo nya gumbembise.

Ezekiyeli 14:21

Kholu Mune Pfhumu Nungungulu a ngu ganela kharati, khuye: “Ahati nya gu rumela sitsayiso sangu nya sina dhoropani ga Jerusalema, a gu nyimbi, ndzala, sirengo nya wurena ni mitungu, gasi guya songetela vathu vaye gumogo ni sifuyo sawe!”

Ezekiyeli 21:27

Gupfhungumudwa! Gupfhungumudwa basi! Nyi na vbindrugedza lidhoropa li khala marumbi, ilo kha li na nga wusedzwa gambe, kala a vboha uye li mu lumbago khu lisine; khuye nyi na mu ningago.

Zakariya 14:13

Litshigu lolo, vbakari gwawe gu na manega pfilupfilu nya yikhongolo ngudzu nya gugirwe khu Pfhumu Nungungulu; muthu ni muthu a na mola libogo la mungana waye, va na wugelana khu gyawe.

Luka 21:11

Si na manega sirevareva nya sikhongolo; malanga nya mangi gu na manega ndzala ni mitungu nya gutale; si na tumbuluga silo nya guthise mafuni ni siwonegiso nya sikhongolo Ndzadzini.

Mithumo 11:28

Moyo wawe nya gupwani khu Agabo a di khuga a ema a tivisa khu Liphuvbo nya Guage khuye yi na manega ndzala nya yikhongolo tigoni gatshavbo; khiyo yi nga manega matshiguni ya Klawudiyo.

Mithumo 2:19

Nyi na wonegisa siliwugiso vbatshani, Ndzadzini, ni siwonegiso vbavbatshi, mafuni; Novba, nilo ni hunguva nya wutshi.

Vahebheru 12:27

Magana yaya ma gukhayo: “Nyi na engedza gambe,” ma gu yeyedza gupwani silo si vangidwego, si na kutsungwa si mwalalega. Gasi esi nyamba tsekatseka, si na simama gu khala.

Gutuledwa 6:12

Gikhati yi nga namula gifungo nya livbandre na gimwegyo. Nyi di wona girevareva nya gikhongolo; lidambo li di sivbala kha nga gilendra; ngima wu di fuvila kha nga novba.

Gutuledwa 6:5

Gikhati yi nga namulago gifungo nya wuraru, nyi dipwa girengo nya wuraru na gi gu, khigyo: “Delu!” Khavbo avbo, yi di duga kavalu nya gusivbale, na yi khiledwe khu muthu a nga bani ari ni gikalo mandzani.

Gutuledwa 6:6

Khavbo avbo, nyi dipwa lito vbakari nya sirengo sa sina, khilo: “Gipimo nya tirigu gu livba thumo nya litshigu, sipimo siraru nya mavbila gu livba thumo nya litshigu aholu u nga pati mati ni vbinyu gambe u nga haganiseli mafura.”

Gutuledwa 6:8

Nyi di wona kavalu nya safarawu, na yi khiledwe khu moyo nya gupwani khu “Gufa” a na gu bangaladzwa khu Hayidhesi, litigo nya vafi. A di ningwa gipandre nya wu na nya litigo, gasi a gi mwaladze khu litshari, ni ndzala, ni mitungu nya madwali ni sirengo nya likhabi.