Matewu 24:51 - Bhibhiliya Nya Guage

⁵¹ Githumi gile gi nata tsayiswa khu tshivba, bwelo khavbo, gi valedwa kha nga muthu nyamba tumbega; avbovbo gi na lila ni gu ketsa magwaha.

Matewu 24:51 Iomraidhean Croise

Joba 20:29

Owu khuwo tshatshazelo Nungungulu a ningago vatshavbo va nya guvivbedwa khu monyo, ni thomba Nungungulu a va ningago.

Isaya 33:14

Sighohi sa gigomoni gya Siyoni, si tade khu hwanga, va nya guvivbedwa khu monyo, va ngu ndrendremela, khavo: “Khu mani vbakari gwathu a na tiyago gu ema mbeli nya nilo nya mavbiselo yaya? Khu mani vbakari gwathu a na vbanyago malavbelavbeni nyamba tshimega, na?”

Jeremiya 13:25

Khigyo egi giavelo gyago, gipandre u na pimedwago kheni, a ngu ganela Pfhumu Nungungulu; kholu u di divaledwa kheni, u tumba vanungungulu nya malipha.

Matewu 22:13

Khavbo avbo, mufumeli a di embela sithumi saye, khuye: ‘Mu hungeni mawogo ni mawundru, mu mu dzudzuga vbavbandze, mugidemani. Avbovbo a na ya lila ni gu ketsa magwaha.’

Matewu 24:50

Pfhumu yaye yi na wuya litshigu ni gikhati gi si si lindreligo.

Matewu 25:30

Gasi githumi gyogyo gi si phasigo gilo, gi rinyeni vbavbandze, mugidemani; avbovbo gi naya lila ni gu ketsa magwaha.’

Matewu 8:12

gasi va mune thomba va na rinywa vbavbandze, mugidemani, avbo va na guya lilago ni gu ketsa magwaha.”

Luka 12:46

gikhati a na wuyago mune ndranga gi nata manwa na gi pfhade, nyamba lindrela litshigu, mwendro gikhati. Khu kharato, gi na duswa vbawulangatunu vbale, gi gu saywa kha nga moyo nya vale nyamba tumbega.

Luka 13:28

Gikhati mu na wonago Abrahama, Isaki, Jakobe ni vaprofeti vatshavbo Mufumoni wa Ndzadzini, enu mu gu tshidwe vbavbandze, avbovbo gu na manega gulila ni guketsa nya magwaha.