Matewu 24:49 - Bhibhiliya Nya Guage

⁴⁹ gi gu phela gu vetelela vangana vaye, gi hodza, gi sela ni dzibewudzi.

Matewu 24:49 Iomraidhean Croise

Mavingu 23:20

U nga hengeli gumogo ni dzibewudzi, ambari ni va nya limidzo nya nyama.

Isaya 56:12

Na va gu ganela, khavo: “Deluni, hi na resa wadwa nya guvave hi ta sela, litshigu la mindru li na fanana ni muhuno, li manega nari litshigu nya likhongolo guvbindra mambe.”

Isaya 66:5

Yingisani magana ya Pfhumu Nungungulu enu mu mu thavago, enu mu ndrendremelago mbeli nya magana yaye. Vandriyanu va na mi nyenya va mi tutumisa, muya hwindzo khu kotani nya lihaladzo lanu khu lina langu, va ganela, khavo: “Pfhumu Nungungulu a na yeyedze wudhumo waye, gasi hi kodze gu wona gutsaka gwanu, vathu vovo va na thedwa dzitshoni.”

Ezekiyeli 34:3

Mwa gu hodzani mafura, mu ambala guambala nya seda, mu sindza sirengo nya gunone; aholu kha mu sayisi dzinvuta.

Mikeya 3:5

Pfhumu Nungungulu a ngu ganela kharati, mayelano khu vaprofeti va ndreyisago vathu vangu va va hodzago khu magwaha yawe, va huwelela, khavo: “Gurula!” Aholu va wugela khu dzinyimbi vale va gumba va thela gilo kanani.

Matewu 18:28

Na dugide khu vbale, a di mana mungana waye a nga bani a mu fiyaride lizana dzitsapawu. A di mu dzwinya ngolo, a mu sokhovedza, na gukhuye: ‘Livba mangava yangu!’

Matewu 24:48

Aholu, githumi gile gya gu bani giri ni monyo nya guvivbe, gi pimisa monyoni gwaye, kharati: ‘Pfhumu yangu yi ngu hwela,’

Matewu 24:50

Pfhumu yaye yi na wuya litshigu ni gikhati gi si si lindreligo.

Matewu 7:15

“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.

Johane 2:10

khuye: “Vathu vatshavbo va gu phela khu gu dusa wadwa nya wadi, hwane nya gu vathu vatshavbo, na va sede gwadi, khavbo a va ningago wadwa nya huto. Gasi uwe u di vega wadwa nya wadi kala olu!”

Varoma 16:18

kholu vathu nya nga avovo kha va thumeli Kristo, Pfhumu yathu, aholu va gu thumela sirumbu sawe. Va gu pfhadza vathu nya vangi khu magana yawe nya gulombele na ma tade khu wuhephi.

2 Vakorinto 11:20

Mu ngu hakha gwadi ava va mi girago dzikhumbi, va mi sololago, va mi nyenyago, va mi vetago.

Vafilipi 3:19

Mahegiso yawe khu gumbemba, kholu Nungungulu wawe khu girumbu. Va gu dzi zundza khu esi va nga yela gu thedwa khiso ndzitshoni, mapimo yawe ma gu alakanya basi sa mafuni momu.

1 Pedro 5:3

Mu nga dzi girini vamune, mu khozisa vathu mu ningidwego, aholu khalani giwonelo nya tshambi.

Judha 1:12

Vathu vava, khavo va gu gikhuvekiso mitshanganoni gwanu nya wundruye, va gu hodza ni gu leva malevelo nya dzitshoni, nya gukhunguvanyise. Avo va gu dzi havisa vabune wurumba wawe. Va gu khala nga mapfhi nyambana ndzadzi ma pengiswago khu phuvbo; va gu khala nga misimbo yile nya gu, ambari vbamatshigatunu yi si velegigo mihandro; va khade nga misimbo yi sigudwago ni mikhamba yaye, yifa yi banga;

Gutuledwa 13:7

Gi ningidwe tshivba nya gu dwanise nyimbi gi pala sihathwa sa Nungungulu, ni tshivba nya gufume mafumbu yatshavbo, ni malimi, ni mayigo yatshavbo.

Gutuledwa 16:6

U va sedziside novba, kholu va vbaladzide novba wa va nya gukatega ni vaprofeti, va fanedwe khu tsayiso yoyo.”

Gutuledwa 17:6

Nyi di wona nyamayi wule na gu levide khu novba wa va nya gukatega ni novba wa dzifakazi dza Jesu; na nyi mu wone nyi di liwuga ngudzu.

1 Samuweli 2:29

Khu ginani mu yeyisago miphaso yangu nya guvbiswe ni miningelo yangu eyi nyi leletedego gu ta ningedwa nyumbani gwangu? U zundzide sanana sago guvbindra Eni, u si enisa khu miningelo yatshavbo nya yadi ya vathu vangu va na Israyeli.