Matewu 24:48 - Bhibhiliya Nya Guage

⁴⁸ Aholu, githumi gile gya gu bani giri ni monyo nya guvivbe, gi pimisa monyoni gwaye, kharati: ‘Pfhumu yangu yi ngu hwela,’

Matewu 24:48 Iomraidhean Croise

2 Dzipfhumu 5:26

Aholu Elizewu a di mu embela, khuye: “Gasi hefemulo wangu wu diri mwalo nago gikhati mwama wule a nga tshiga khu karetani gwaye a gu khinga, gani? Khigyo gikhati gyakone u nga yela gu dzega parata, dzingandzu, miolivha, vhinya, dzinvuta, dzimombe ni sithumi nya vama ni vanyamayi, gani?”

Muhevbudzi 8:11

Kholu gulamudwa ga va nya guvivba kha gu vbiredzi gu vboha, khu kharalo, myonyo ya vathu ya gu dogorela silo nyamba sadi.

Isaya 32:6

Kholu gipumbu gya gu ganela wupumbu. Ni monyo waye wa gu pimisa basi gu gira silo nya guvivbe ni wughevenga. A gu ganela guvivba a wugela Phumu Nungungulu, a mu liphela. Kha khathali khu gu ninga guhodza vandzale, ni gu ninga mati nya gusele ga wule apwago lidora.

Ezekiyeli 12:22

“Mwamana wa muthu, mavingu muni enu mu gu nawo tigoni ga Israyeli nya gukhenu: Matshigu ma ngu vbindra, ni siwoniso va hi wonisago, kha si phasi gilo?

Ezekiyeli 12:27

Mwamana wa muthu, va na Israyeli va gu ganela, khavo: Giwoniso va gi wonago kha gi na girega nugunugu, gi na girega khu hwane nya myaga yi nga gutago.

Matewu 18:32

Khavbo avbo, pfhumu yile, yi di mu ranisa yita mu embela, khiyo: ‘Githumi nya guvivbe! Nyi gu tsetselede mangava u nga bani uri nawo, kholu u nga nyi lombago.

Matewu 24:47

Khu lisine nyi ngu mi embelani nya gukheni a na gi vega kha nga muthangeli nya silo saye satshavbo.

Matewu 24:49

gi gu phela gu vetelela vangana vaye, gi hodza, gi sela ni dzibewudzi.

Matewu 25:26

Pfhumu yi di mu phindrula, khiyo: ‘Githumi nya guvivbe monyo, u patago ni wugara gumogo! Gwadigo u di gu dziti nya gukhuwe nyi ngu gola gu vbwera umo nyi ngamba yala, ni gu wolela iso nyi ngamba anega.

Marko 7:21

Kholu, khu monyoni nya muthu, khumo gu dugago mahingigedzo nya guvivbe, wubhayi, wuvafa, wughevenga, wuphuphulu,

Luka 12:45

Aholu githumi gile gya gu pimisa, kharati: ‘Pfhumu yangu a ngu hwela gu vboha’, gi gu phela gu vetelela sithumi, gi hodza, gi sela, gi leva,

Luka 19:22

Mufumeli wule a di mu hakha, khuye: ‘Githumi nya guvivbedwe khu monyo, nyi ngu gu kona khu magana yago. Gwadigo u di gu dziti nya gukhuwe nyi mwama nya wurena, nyi dzegago umo nyi ngamba vega ni gu vbwera umo nyi ngamba yala,

Johane 13:2

Na vari vbakari nya gulalele, Sathane a di kutsedzela Judha Sikariyoti, mwamana wa Simoni, gasi a ningele Jesu.

Mithumo 5:3

Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

Mithumo 8:22

Dzi laye u vbindrugedze guvivbani gwago u lombe ga Pfhumu mwendro a na gu divalela mahingigedzo nya monyo wago,

Dhewuteronome 15:9

Dzi wonele, gu nga manegi mapimo nya guvivbe monyoni gwago, ambari gu ganela, khuwe: Womo vbafuvbi mwaga nya livbandre na wuvili, a gu mwaga nya tsetselelo, maho yago ma manega na ma gu vala ndriyago nya gisiwana, u si mu ningi gilo. Uye a gu lila khu uwe ga Pfhumu Nungungulu, u na manega nuri ni gighoho.

Dhewuteronome 9:4

Avbo Pfhumu Nungungulu wago, a na va tutumisago mbeli gwago, u nga ganeli khu monyoni gwago, khuwe: Kota nya gululame gwangu Pfhumu Nungungulu a nyi residego tigoni momu gasi nyita li fumela, kholu, Pfhumu Nungungulu a gu tutumisa vathu vava khu kotani nya guvivbe nya myonyo yawe.