Matewu 24:4 - Bhibhiliya Nya Guage

⁴ Jesu a di va phindrula, khuye: “Dzi woneleni, gasi mu si kanganyiswi khu muthu.

Matewu 24:4 Iomraidhean Croise

Jeremiya 29:8

Kholu Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Mu nga khanganyiswi khu vaprofeti vanu va guromo vbakari gwanu, ambari vafembi vanu, mu nga dzumeli gu sengwa khavo khu miloro mu yi lorago,

Jeremiya 37:9

Pfhumu Nungungulu a ngu ganela kharati, khuye: Mu nga dzi kanganyisi khu gukhenu: Vakalidhiya va na dugela muphelo, kholu avo kha va na hongola.

Marko 13:22

Kholu va na dugelela Vakristo ni vaprofeti nya malipha. Va na gira siliwugiso nya gutale, si na dzi kodzago gu pengisa ambari sihathwa.

Luka 21:8

Jesu a di hakha, khuye: “Dzi woneleni, gasi mu si kanganyiswi khu vathu, kholu va na tumbuluga nya vangi va ganela khu lina langu, khavo: Kheni Kristo. Ni gukhavo: ‘Gi ngu vboha gikhati.’ Mu nga va landri.

Vagalatiya 6:3

Kholu muthu a gu dzi alakanya gukhuye gilo, nasiri gilo, a ngu dzi pfhadza abune.

Vaefeso 4:14

Kharati, kha hi na khala gambe sanana nya gulegalegiswe khu mavimbi ni gu pengiswa khu sihevbudzo satshavbo nya guhambane, sanana si sengwago khu vathu nya guvivbedwe khu monyo, va dwanelago gu si dzimedza.

Vaefeso 5:6

Mu nga dzumelini gu sengwa khu muthu khu magana nyamba phasa gilo, kholu sighoho nya nga esi khiso si ranago likhulo la Nungungulu ga ava nyamba yingisa.

Vakolosi 2:18

Mu nga dzumeli gusengwa khu vathu va pfhadzedzelago gu landrisa ni gukhozela dzingilozi dza Nungungulu; vathu nya nga avo va gu ganela khu silo nya gu gima va si gu si woni, va gu dzi gira matshandza va dzi gugumugisa khu mapimo yawe nyamba phasa gilo.

Vakolosi 2:8

Dzi woneleni, mu nga dzi digi mu gu sengwa khu vale va vbwetago gu mi ndrindra khu sihevbulo nya wugengeli nya mahala, nya gutiyiswe khu mikhuwo nya vathu, ni guti ga mafuni momu, aholu nyamba tiyiswa khu guti gwa Kristo.

2 Vatesalonika 2:3

mu nga dzumelini gukanganyiswa khisoso. Litshigu lolo kha li na ngata gu si gu manegi guwugela nya guhegise; a na dugelela muwugeli, oyu a dongisedwego gumbemba.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.