Matewu 24:39 - Bhibhiliya Nya Guage

³⁹ Kha va nga tugula gilo, kala gu vboha talo nya mati wu ngata va mwaladza vatshavbo. Kharato nugo gu na girega litshigu a na tago Mwamana wa Muthu.

Matewu 24:39 Iomraidhean Croise

Genesi 7:23

Si di fuvisa kharati mafuni sivangwa satshavbo si nga bani siri ni hefemulo nya guvbanye mafuni; gukhugela vathu, sirengo nya gukhwirire khu lididi mafuni, kala sirengo nya sikhongolo ni sinyoni satshavbo sa damboni. Gu di tshala Nowa basi ni vale a nga belago navo taroni.

Mavingu 23:35

Gambe u na ganela, khuwe: Va nyi vetide aholu kha nyapwa guvbisa! Va nyi vetide aholu kha ga pwala; Nyi na wuga lini gasi nyi dusa bhabhalaza.

Mavingu 24:12

Wa gu ganela, khuwe: “Ethu kha hi siti iso si nga bani na si gu dugelela!” Ina wule atigo mapimo nya vathu, kha na siti, gani? Uye a sayisago womi wago, kha na siti, gani? Ina Uye kha na bweledzela muthu mayelano ni mithumo yaye, gani?

Mavingu 29:7

Muthu nya gululame a ngu yiti fanelo nya gisiwana, aholu uye nya guvivbedwe khu monyo kha vbweti ni gu siti.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Matewu 24:3

Na khade mugigomoni nya Miolivha, va di hidzimela vapizane vaye, vaya mu wudzisa, nari avo venga, khavo: “Hi embele, lini si na gu dugelelago satshavbo soso? Giwonegiso muni gi na gu tivisago guta gwago ni guhegisa nya litigo?”

Matewu 24:30

Khavbo avbo, gu na wonega Ndzadzini giyeyedzo gya Mwamana wa Muthu, giyeyedzo gi na gu girago vathu vatshavbo nya mafu va lila khu gu wona Mwamana wa Muthu na guta vbakari nya lipfhi, na tade khu tshivba nya yikhongolo ni gidhumo.

Matewu 24:37

Kha nga idzo gu nga giregago khidzo matshiguni ya Nowa, kharato nugo gu na girega litshigu a na tago Mwamana wa Muthu.

Matewu 24:40

Litshigu lolo, va nata manwa vathu vavili thembweni: A na dzegwa moyo a gu tshidwa mumbe;

Luka 19:44

Va na gu tshigira mafuni, uwe ni sanana sago, kha va na tshiya giwindri vbatshani nya giwindri gikwawe, kholu u ngamba liti litshigu u nga holedwago khilo!”

Johane 3:20

Kholu muthu watshavbo a girago guvivba a ngu venga guwonegela, gambe kha hidzimeli vbafuvbi, gasi mithumo yaye yi si tugudwi.

Mithumo 13:41

Wonani, enu vayeyisi; liwugani mu mwalalega! Khaguva nyi na wusa matshiguni yanu thumo moyo nya gu, mwa sa khodwa, nari pwani mu diya khu gu embedwa.”

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

2 Pedro 3:5

Vapoyili vovo va gu hangwa khu gukhavo matshigu ya gale, Nungungulu a di ganela, guvangwa ndzadzi ni mafu. Litigo li di duswa khu matini, li gu wumbwa vbakari nya mati khu lito la Nungungulu.

Valamuli 20:34

Gu dita likhumi magumi mazana (10. 000) vama nya dzindrena nya guhathedwe tigoni gwatshavbo gwa Israyeli guta sasela Gibheya, nyimbi yi di dandra, aholu va na Bhejami va di si dziti nya gukhavo mhango yi diromo vbafuvbi gwawe.