Matewu 24:38 - Bhibhiliya Nya Guage

³⁸ Na wu si gu dugi talo nya mati, vathu va di gu hodza ni gu sela; vama va di gu dzega, vanyamayi va di gu dzegwa, kala litshigu Nowa a nga belago litaroni.

Matewu 24:38 Iomraidhean Croise

Genesi 6:2

Sivangwa sa ndzadzini si di wona gukhiso vanyamahegyane va mburide ngudzu. Gimwegyo ni gimwegyo gi di dzi hathela nyamahegyane gi nga mu gola gu khala mwangadzi waye.

Genesi 7:23

Si di fuvisa kharati mafuni sivangwa satshavbo si nga bani siri ni hefemulo nya guvbanye mafuni; gukhugela vathu, sirengo nya gukhwirire khu lididi mafuni, kala sirengo nya sikhongolo ni sinyoni satshavbo sa damboni. Gu di tshala Nowa basi ni vale a nga belago navo taroni.

Genesi 7:7

Khu guthava mati nya ndrambi, Nowa a di bela taroni uye ni sanana saye, ni mwangadzi waye ni vagadzamwane vaye.

Matewu 22:30

Kholu guwugani ga va nya gufa vama kha a dzega, vanyamayi kha va na dzegwa; aholu vatshavbo va na fanana ni dzingilozi Ndzadzini.

Luka 12:19

Khavbo avbo, nyi na embela hefemulo wangu, kheni: Hefemulo wangu, u nga saniseki; hodza, sela, tangala, kholu u fumide thomba u na hodzago myaga nya mingi.’

Luka 12:45

Aholu githumi gile gya gu pimisa, kharati: ‘Pfhumu yangu a ngu hwela gu vboha’, gi gu phela gu vetelela sithumi, gi hodza, gi sela, gi leva,

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,