Matewu 23:8 - Bhibhiliya Nya Guage

⁸ Gasi enu mu nga dzumelini gu ranwa Muhevbudzi khu muthu, kholu muhevbudzi wanu moyo basi; enu mwatshavbo mu vandruye.

Matewu 23:8 Iomraidhean Croise

Matewu 10:25

Gu enede ga mupizane a gu dzi kodza gu fanana ni muhevbudzi waye, ni githumi gu godza mune waye. Ambari nya gukhuwe khu mune ndranga va nga mu vala khavo khuye Bhelizebhu, va na khavo ginani khu ngamo yaye?

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Matewu 23:10

Mu nga dzumelini gu ranwa pwani muthangeli, kholu muthangeli vbakari gwanu moyo basi, khu Kristo.

Matewu 23:7

Va gu gola gu loswa khu githawo vathuni ni gu ranwa khu vathu, pwani Muhevbudzi!

Matewu 26:25

Judha, wule a nga mu ningela, a di wudzisa, khuye: “A na ba nari eni, gani, Muhevbudzi?” Jesu a di mu hakha, khuye: “Khidzo u ganedego.”

Matewu 26:49

A di mu yela khu guvbiredza, aya mu losa, khu besu, khuye: “Sewe, Muhevbudzi!” A mu bhejari.

Marko 10:51

Jesu a di mu wudzisa, khuye: “Wa guvbweta gukhuwe nyi gu girela ginani?” Gikhumu gi di hakha, khigyo: “Muhevbudzi, nya guvbweta gukheni nyi wone!”

Marko 11:21

Pedro a di dundruga, a mu embela, khuye: “Muhevbudzi, nga wona ngure u nga wu vala, wu bangide.”

Marko 14:45

Na vbohide, a di hidzimela ga Jesu aya, khuye: “Rabi,” a mu bhejari.

Marko 9:5

Pedro a di embela Jesu, khuye: “Muhevbudzi, gwadi gu hi khale avba! Hi na vbaha mitshatsha miraru, moyo wago, mumbe wa Mosi ni wa Eliya.”

Luka 22:32

Aholu eni nyi di lombelela khu uwe ga Nungungulu gasi gukhodwa gwago gusi rereki. Gani olu, gikhati u na vbindrugedzago uwe, u na tiyisa vandriyago.”

Johane 1:38

Jesu, a di thendregedza a wona nya gukhuye va gu mu landra, a di khuye: “Mwa guvbweta ginani?” Va di hakha, khavo: “Rabi, (gutshamusago gupwani: Muhevbudzi) wa gu khala hayi?”

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

Johane 11:8

Vapizane va di khavo: “Muhevbudzi, nugunugu Vajudha va nga vbweta gu gu pfara khu siwindri, u nga gu vbweta gu bwelela gambe iyo, gani?”

Johane 20:16

Jesu a di mu rana, khuye: “Mariya!” Uye a di thendregedza a hakha khu Gihebheru, khuye: “Raboni!” Gutshamusago pwani: “Muhevbudzi.”

Johane 3:2

A di hongola ga Jesu ni vbakari nya wutshigu, aya, khuye: “Rabi, hi ngu dziti nya gukhethu u dzude khu ga Nungungulu kha nga Muhevbudzi, kholu mwalo a kodzago gu gira siliwugiso nya nga iso u girago, a gu bani ari mwalo tshivbani ya Nungungulu.”

Johane 3:26

Va diya ga Johane vaya, khavo: “Rabi, wule u nga bani uri naye tshatugo ga Joridhani, wule u nga mu fakazelago, womo a bhapatisa, vathu vatshavbo va guya gwaye.”

Johane 4:31

Gasi vapizane va di gu mu gurumedza, khavo: “Hodza Rabi.”

Johane 6:25

Na va mu mane khisikheyi, va di mu wudzisa, khavo: “Rabi, u vbohide vbanyalini avba?”

Johane 9:2

Vapizane vaye va di mu wudzisa, khavo: “Rabi, khu mani a nga ghoha, gasi gu uye a velegwe nari gikhumu, khuye mwendro khu vavelegi vaye?”

2 Vakorinto 1:24

Khandri ha gu vbweta gu fumela gukhodwa gwanu: Ha gu vbweta gu mi phasa gutsakani gwanu, kholu mu tiyide gukhodwani.

2 Vakorinto 4:5

Kholu ethu, kha hi dzi tshumayeli wurumba wathu, aholu ha gu tivisa Jesu Kristo, a gu Pfhumu. Ethu kha hiri gilo, hi sithumi sanu, khu lihaladzo la Jesu.

Vaefeso 3:15

a gu gibuga nya guvbanye gwatshavbo ga Ndzadzini ni ga mafuni,

Filemoni 1:16

Nasiri gambe gu mu gira kha nga khumbi; aholu mu hakhe kha nga ndriyago, nyi mu golago ngudzu eni, aholu ngudzungudzu uwe, a gu ndriyago khu wuthu ni ga Pfhumu.

Jakobe 3:1

Vandriyangu, mu nga dwaneli mwatshavbo gu khala vahevbudzi, kholu, kha nga mu dzitigo, ethu hi hevbudzago hi na mana gulamudwa nya gugaradze ngudzu guvbindra vambe.

1 Pedro 5:3

Mu nga dzi girini vamune, mu khozisa vathu mu ningidwego, aholu khalani giwonelo nya tshambi.

Gutuledwa 1:9

Eni Johane nyi gu ndriyanu, muhengeli ni enu sigaradzoni, Gufumani, ni gutimiselani khu ga Jesu Kristo, nyi diromo gidwane gi ranwago Patimosi kotani nya gu pwadze mahungu ya Nungungulu ni gu fakazela Jesu Kristo.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.

Gutuledwa 22:9

Aholu, ngilozi yi di nyi himbedzela, khiyo: “Ahihi, u nga giri isoso, eni nyi githumi kha nga uwe ni vandriyago, ni vaprofeti, ni vatshavbo vale va vegisago magana nya libhuku leli. Khozela Nungungulu.”