Matewu 23:5 - Bhibhiliya Nya Guage

⁵ Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Matewu 23:5 Iomraidhean Croise

2 Dzipfhumu 10:16

A mu embela, khuye: “Hongole hatshavbo u na wona idzo eni nyi ningago khidzo githawo Pfhumu Nungungulu.” Va di mu bedza karetani gwaye.

Ekisodha 13:9

Gi na khala kha nga giwoniso mandzani gwago, kha nga gialakanyiso mahoni gwago, gasi nayo wa Pfhumu Nungungulu wu manege wuri kanani gwago, kholu Pfhumu Nungungulu a gu duside khu tigoni ga Egipito khu gyandza nya tshivba.

Mavingu 3:3

Wuhindzi ni gutumbega u nga hambani naso! Si hungelele thamoni gwago, u si lova monyoni gwago!

Levhi 13:32

Khu eli nya livbandre na mavili, muphasi nya mhamba a na khedza gambe gilondra; girandzi gya gu bani gya sa engedzelana gu dandra, ni gumba mana avbo mafefeleti nya gukwalale, ni gu girandzi gya sa bovela gi kembega vbavbatshi nya tshonge,

Matewu 9:20

Khavbo avbo, nyamayi moyo a nga bani a dwala khu gu dugelela novba gipimo nya likhumi na mivili myaga, a di hidzimela khu hwane gwaye aya kuha tshoka nya mwendra waye.

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Luka 20:47

Avo va gu phanga dzinyumbani nya dzinoni, na va pfhadza gu gira nombelo nya gulaphe. Va na hakha tsayiso nya guvbindrise.”

Johane 12:43

Kholu va di gola ngudzu gu dhumiswa khu vathu guvbindra gu dhumiswa khu Nungungulu.

Johane 5:44

Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

Johane 7:18

Uye a dzi fakazelago abune a gu vbweta gidhumo gyaye, aholu oyu a vbwetago gu dhumisa uye a nga mu rumelago, muthu nya lisine, a gu mwalo malipha.

Dhewuteronome 11:18

Vegisani magana yaya yangu myonyoni gwanu ni hefemuloni gwanu; ma hungeni kha nga giyeyedzo mawogoni gwanu ni siwomboni gwanu.

Dhewuteronome 22:12

U na lugelela matshakafula umo nya dzitshoka dza dzina nya gifenengelo u na fenengelago.

Dhewuteronome 6:8

Gambe u na yi hunga bogoni gwago gasi gu khala gialakanyiso vbakari nya maho yago.

Vafilipi 1:15

Nyi ngu dziti gukheni vomo va tivisago Kristo khu mapimo nya mapalisana ni lidiwo gwangu, aholu vambe va gu mu tivisa khu monyo nya gululame.

Vafilipi 2:3

Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.