Matewu 23:4 - Bhibhiliya Nya Guage

⁴ Va gu hunga dzinyandra nya gulemele ngudzu, va rwega vakwawe, narigu avo kha va dzi kuhi, ambari khu nyala yinene.

Matewu 23:4 Iomraidhean Croise

Isaya 46:1

Bheli, nungungulu nya malipha thegide, ni Nebhu nogide vbavbatshi; sifananiso sawe si ngu rwegwa vbatshani nya sirengo ni dziburu; mirwalo yanu ya gu lemela dziburu dzi garadego khu gu lemedwa.

Matewu 23:23

Libango gwanu, vapfhadzi nenu, vahevbudzi nya Nayo ni Vafarisi, mu hengago gikhaba nya mitongwe yatshavbo, nesi nya gupitele kiso guhodza, aholu mu si theli kota khu litshina nya milayo yatshavbo, a gu: Gululama, wuhindzi, ni gutumbega. Esi khiso mu nga vbweta gu phela khiso mu gira, nyamba diga sile simbe.

Matewu 23:3

Khu kharato, girani ni gu landrisa satshavbo iso va mi embelago, aholu mu nga landri mithumo yawe, kholu va gu ganela, va si si vbanyi.

Luka 11:46

Aholu, uye a di khuye: “Libango lanu nenu, vahevbudzi nya Nayo, kholu mwa gu rwega vathu dzinyandra nya gulemele ngudzu, narigu enu kha mu dzi kwuhi, ambari khu nyala yinene.

Mithumo 15:10

Khu ginani olu mu vbwetago gu linga Nungungulu khu gu rwega vapizane pingwi nya gu ambari vababe vathu ni ethu kha wu hi vbevbugeli gu wu rwala?

Mithumo 15:28

Liphuvbo nya Guage ni ethu, hi wonide gukhethu gwadi gumba mi ningani rwalo nya gulemele, vbavbandze nya milayo yeyi yi vbwetegago:

Vagalatiya 6:13

Kholu ambari ava va nya gu hana wugwera, kha va wu landri nayo. Aholu, va guvbweta khavo mu hane wugwera vafela basi gu dzi gugumugisa khu gu vega gifungo milini gwanu.

1 Johane 5:3

Kholu guhaladza Nungungulu khu gu sayisa milayo yaye; milayo yaye kha yi garadzi gu yi landrisa.

Gutuledwa 2:24

“Gasi ga enu ni vambe vathu va Tiyatira vale va si landreligo milayo yeyi, enu mu si gutigo ‘Gueta ga Sathane’ (kha nga edzi gu ganedwago khidzo) kha nyi na mi lemedza khu mimbe mirwalo.