Matewu 23:15 - Bhibhiliya Nya Guage

¹⁵ Libango gwanu, enu vapfhadzi, vahevbudzi nya Nayo ni Vafarisi, mu legalegago ni mayigo, mu khilela mataro mu gimbila mu vbweta mupizane moyo basi. Na mu mu mane, mwa gu mu nyenyezisa nyondro mbili guvbindra enu, a gu fanedwa khu gu rinywa phalani nya nilo.

Matewu 23:15 Iomraidhean Croise

Esiteri 8:17

Ga gipandrengulu gyatshavbo, dhoropani gwatshavbo gu nga bani gu vboha magana ya mufumeli ni nayo waye, gu di manega gutsaka ni gunengela, va gira ni mibuzo nya gutsake; khu kharato, vathu nya mambe mafumbu nya mangi ya mafuni, va di dzi vbindrugedza va khala Vajudha, kholu Vajudha va di gu ningwa ngudzu githawo.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 3:7

Aholu, na wonide nya gukhuye Vasadhusi nya vangi ni Vafarisi va di guta navo gasi guta bhapatiswa khuye, a di va embela, khuye: “Enu livelego nya dzinyoga! Khu mani a nga mi ruma gu thava likhulo litago?

Matewu 5:22

Gasi eni nyi ngu mi embelani, kheni: Uye a zangarelago ndriyaye a na thethiswa; uye a ranago muthu kwawe khuye mbeveve fanede gu lamudwa khu madhota. Uye a ranago muthu kwawe khuye gipumbu a na rinywa phalani nya nilo.

Matewu 5:29

Khu kharato, wa gu wona nya gukhuwe liso lago la nyamudye li ngu gu tshunganisa, li duse u dzudzuga, kholu i tshukwana gu luza givbango gimwegyo, guvbindra gu dzega givili gyago gyatshavbo gi rinywa phalani nya nilo.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Mithumo 13:10

“Uwe u gyanana gya Sathane, u tadego khu malipha ni guvivba gwatshavbo, nala nya silo satshavbo nya gululame, u na hegisa lini gu tshunganisela dzindzila nya gululame dza Pfhumu?

Mithumo 13:43

Na vbede tshangano, Vajudha nya vangi, ni vathu nya githawo ni gu khozela Nungungulu va di landrela Pawulo ni Bharinabha. Avo va di va khongotela va simama gu khala na va tumbegile wuhigoni ga Nungungulu.

Mithumo 14:19

Va dita Vajudha khu Antiyokiya ni Ikoniya va ta kutsedzela vathu gu va wugela. Va di veta Pawulo khu siwindri, va mu ndrindra va gu duga naye vbavbandze nya lidhoropa khavo fude.

Mithumo 14:2

Aholu, Vajudha vale va nga bomba gukhodwa, va di kutsedzela mahedheni gu wugela vandruye.

Mithumo 17:13

Aholu, Vajudha va Tesalonika na va dzi tide gukhavo Pawulo a ngu tivisa Bhereya mahungu ya Nungungulu, va di hongola vaya kutsedzela vathu gu wusa pfilupfilu.

Mithumo 2:10

ni Firijiya ni Panfiliya, ni Egipito ni va gipandre gya Libhiya, vbinganoni ni Sirene, ni vathu nya gute khu Roma;

Mithumo 6:5

Mawonelo yoyo ma di tsakisa vathu vatshavbo. Va di hatha Sitefane, mwama nya gutale khu gukhodwa ni Liphuvbo nya Guage; Filipi, Prokoro, ni Nakonori, Timoni, Parmenasi ni Nikolawu, mukhodwa wa Antiyokiya.

Vagalatiya 4:17

Vathu vovo, olu va gu yeyedza khovbe nya gu mi khathalele, aholu gikungo gyawe khandri gyadi. Kholu va gu dwanela basi gu mi hambanisa ni eni, mufela gu namarela ga avo.

Vagalatiya 6:12

Ava va vbwetago gu dzi khusedza khu tumbunugo nya wuthu, khavo va mi gurumedzago gu hana wugwera. Va gu gira isoso khu gu thava gu saniswa khu kotani nya gihambano gya Kristo.

Vaefeso 2:3

Ethu hatshavbo hi diri nethu kha nga avo, hi di gu vbanya khu nayo nya tumbunugo ni gu landrisa gunavela nya givili ni monyo. Khu tumbunugo nya makhalelo yathu, hi di gu fanela guya thethiswa khu Nungungulu gumogo ni vambe vathu.